1Timothi 4:3 - সান্তালী বাইবেল

³ Noko do manwa baṅ baplakʼ lạgitʼko hukumako kana ar adom adom jomakʼ jojomko baron kana. Menkhan biswạsiko, okoe do Isorakʼ sạriyakʼtetʼko baḍae akatʼ, onko do gun manao joharkateko jomma ar ona iạtege Isor do noako jomakʼe sirjạu akada.

Santali Common Language New Testament

³ Noko do manwa baṅ baplakʼ lạgitʼko hukumako kana ar adom adom jomakʼ jojomko baron kana. Menkhan biswạsiko, okoe do Isorakʼ sạriakʼtetʼko baḍae akatʼ, onko do gun manao joharkateko jomma ar onatege Isor do noako jomakʼe sirjạu akada.

1Timothi 4:3 Referans Kwoze

1Timothi 4:4

Isore sirjạu akatʼ sanamakʼge bhagegea, onate okaṭakʼ hõ bạṛicʼ hudiskate giḍikakʼ lek do baṅkana; menkhan ona do jemon gun manao joharkate ataṅokʼ,

Ibriko 13:4

Sanamkoge bapla do manot salakʼko beṅgetʼakʼma. Jãwãe ar bạhu talare bapla tonol do sonot dohoy lek kana, ente jãhãlekanakʼ laṭghaṭkange, ar jãhãe ona dusireko dusige khan Isor do onkoe sạjạikogea.

Romiko lạgitʼ Pạul Apostolakʼ ciṭhi 14:6

Din okoeye manaoetʼkan uni do Probhu Isor kusi ocoye lạgitʼgeye onkayeda. Ar okoe sanamakʼe jometʼkan uni do Probhu Isor kusi ocoye lạgitʼgeye jomeda, ente uni do Isore gunmanao joharae kana. Okoe sanamakʼ bae jometʼkan uni hõ Probhu Isor kusi ocoye lạgitʼge bae jomeda, ar uni hõ Isore gun manao joharae kana.

Kolossiko lạgitʼ Pạul Apostolakʼ ciṭhi 2:16

Onate jom-ńũ se jãhãn dhorom porob babot reakʼ se ambas reakʼ se jirạukʼ mãhãko reakʼ okoe hõ aloko bicạrpe ma.

1 Korinthiko 8:8

Menkhan jomakʼ hotete Isor ṭhen do babo teṅgo ṭarhao daṛeakʼa. Ente babon jomle khan aboakʼ do cetʼ loksan hõ baṅ hoyokʼtabona; ar bon jom lekhan hõ jãhãn lab do bạnukʼa.

Genesis 9:3

Jiwetʼ ar ạcur baṛae sanam jiwiyankoge aperen jomakʼko hoyokʼa. Ar jomakʼ lekate iń do laharege cetʼleka ape lạgitʼ aṛakʼ sakamkoń emlen onkage ńitokʼ hõ onakogeń ematʼpea;

Kolossiko lạgitʼ Pạul Apostolakʼ ciṭhi 3:17

Jãhãnakʼgepe roṛ ar jãhãnakʼgepe cekae ona do Probhu Jisu ńutumtege kạmipe ar uni hotete Isor Baba hõ gun manao joharaepe.

1 Korinthiko 7:28

Menkhan amem baplalenre am do bam kạiyetʼ kana. Ar jãhãe kũạ̃ri kuṛiye baplalenre uni hõ bae kạiyeda. Menkhan okoeko baplakʼkan onko do hoṛmore jalako ńama, ar iń do ona khon rukhiyạpeyiń meneda.

Romiko lạgitʼ Pạul Apostolakʼ ciṭhi 14:3

Jel jojom hoṛ do jel baṅ jojomicʼ hoṛ aloe nisṛạuema ar jel jojomicʼ hõ jel baṅ jojomicʼakʼ dos aloe sabtaema, ente Isor do unkin bana hoṛgeye ataṅ sãohã akatʼkinạ.

Ibriko 13:9

Aema lekan nãwã nãwã cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoylentakoa.

1Timothi 2:4

Uni doe menjoṅkana sanamkoge jemon kại khon bańcaoko ńam ar Mạsi reaṅ khạndritetʼko baḍae daṛeakʼ.

1 Korinthiko 6:13

Ar noa katha hõ roṛakana, “Jomakʼ do lacʼ lạgitʼ, ar lacʼ hõ jomakʼ lạgitʼge.” Menkhan mitʼ din Isor do noakin banargeye maraoa. Hoṛmo hõ loṭghuṭi lạgitʼ do baṅkana bickom ona do Probhu Isor lạgitʼge ar Probhu Isor do hoṛmo lạgitʼge.

Romiko lạgitʼ Pạul Apostolakʼ ciṭhi 14:17

Isorakʼ rajre jom ar ńũ do maraṅakʼ do baṅkana; maraṅ katha do hoyokʼkana, dhorom ar suluk ar rạskạge Sonot Jiure tahen.

Mathae 15:36

Ar Isore gun manao joharadete onakoe kecakʼketʼte celakoe calatʼkoa ar onko do gadel hoṛkoko ematʼkoa.

Sosolhayic̕ 5:18

Ona tayomiń bujhạukeda, siń cando latarre manwa tinạkʼ din jiwetʼe dohoyede onate jom-ńũ ar kajak khaṭao talate tirpitokʼ tahenge uni lạgitʼ do bhage ar lek kana, ente uniyakʼ kuṛại do ona kangea.

Mathae 14:19

Tayomte uni do gadel hoṛko ghãsre duṛupʼe hukumatʼkoa, ar ona mõṛẽ goṭecʼ piṭhạ ar barea hako ataṅkate serma secʼ beṅgetʼkateye bhorada. Inạ tayom piṭhại kecakʼketʼte celakoe ematʼkoa ar celako do gadel hoṛkoko calatʼkoa. Ar sanamkoko jomkeda arko biyena.

Aposkạmi 27:35

Ado noa katha menkate Pạul do piṭhạ hataokate onko samaṅre Isore gun manao joharadea ar ona kecakʼkate jojome ehopʼena.

Johan 6:23

Menkhan okare Probhu Isor do gun manao joharkate hoṛko piṭhại jom ocoletʼko ona jaegare unre Tibiriạ nagraha khon eṭakʼ lạukạko hecʼena.

Luk 24:30

Ado unkin tulucʼ jojome duṛupʼenre uni do piṭhạ ataṅkate Isore gunmanao joharadea are kecakʼketʼteye ematʼkinạ.

Daniel 11:37

Uni do acʼren hapṛamkoren debotako hõ bae hetaoakoa ar maejiukoren hạ̃sasicʼ debota hõ baṅ, uni do cele debotage bae hetaoakoa, ente sanamko cetanre acʼ do sorosicʼe udugokʼa.

1 Samuel 9:13

Aben do nagrahate ben bololen khange uni sãote ben ńapamokʼa. Arben ńelea uni do boṭkocʼte jom lạgitʼe rakapʼ calakʼ kana. Ar uni ạuriye calakʼ hạbicʼ hoṛko do bako jom-ńũiya, ente uni do samaṅakʼ jiniskoe ạsirbadakʼa; ar ona tayom okoeko hoho ocoakan onkoko joma. Aben do ńitge rakapʼ calakʼben, enḍekhan uni sãote ben ńapam daṛeakʼa.”

Mathae 15:11

Moca secʼte oka bolokʼkan onate manwa do bae bhõnḍokʼa, menkhan moca khon oka oḍokokʼkan onatege manwa doe bhõnḍokʼ kana.”

1Timothi 5:14

Onate iń do noań hukumape kana, kom umerren rạnḍi maejiu doko baplakʼma, arko gidrạ eṅgatokʼma, apan ạpin gharońjko ńel todarotma ar teṅgo daramicʼe oktae reakʼ jãhãn dão aloko emaema.