1Timothi 4:14 - সান্তালী বাইবেল

¹⁴ Manḍerren murubbiko capokateko koeyatʼme tahẽkanre nạbi lekate katha roroṛ hotete okaṭakʼ danko ematʼme tahẽkan, ona daya dan do alom ḍhilạua.

Santali Common Language New Testament

¹⁴ Manḍerren murubiko capokateko koeyatʼme tahẽkanre nạbi lekate katha roroṛ hotete okaṭakʼ dan ematʼme tahẽkan, ona daya dan do alom ḍhilạua.

1Timothi 4:14 Referans Kwoze

2Timothi 1:6

Onate iń do arhõ noa kathań disạ ocoyetʼme kana, jemon ińakʼ tikin reakʼ capote amre menakʼ Isorakʼ daya danem salgao aroy.

1Timothi 1:18

E bachatiń Timothi, am reaṅ eṭakʼko nạbi lekate oka kathako lạiletʼ ona katha lekage iń do noań hukumam kana. Ar noa katha disạ dohoy tulucʼ am do Mạsi khạtirte jiwi alaekate ma lạṛhạime.

Aposkạmi 6:6

Onko do apostol ṭhenko idiketʼkoa. Ar apostolko do onko lạgitʼko koekeda ar kạmire bahalko lạgitʼ capokateko bhoratʼkoa.

1Timothi 5:22

Usạrate okoe cetanre hõ ti capokate jãhãn hudạre alom bahalea, ar eṭakʼkoakʼ kạire hõ alom bhạgiạrikʼa, ar napaete tahenme.

1 Thessalonikikko 5:19

Sonot Jiu do alope ĩṛĩjea.

Aposkạmi 13:3

Unre onko do upạskateko koejoṅkeda arko capoketʼkinte unkinko bidạkatʼkinạ.

Aposkạmi 8:17

Unre Patras ar Johan do onkokin capoketʼkoa, ar onko do sonot Jiuko ńamkedea.

Aposkạmi 19:6

Ar Pạul do onkoe capoketʼko khan onkore sonot Jiue hecʼena, ar onko do eṭakʼ eṭakʼ pạrsite roroṛkan ar nạbi leka Isorakʼ katha lạlạiko ehopʼena.

Aposkạmi 11:30

Onko do Barnabas ar Sạulakʼ tite Jihudạ manḍerren maraṅ mukhiyạko ṭhen ona goṛoko kolleda.

Aposkạmi 22:5

Noa katha do sạrikana je, onaren goha do maraṅ naekeko ar maraṅ bạisiren sanamkoge. Iń do onko ṭhen khon Damesek nagraharen dhorom mukhiyạko emako lạgitʼ ciṭhiń hataoleda ar onkan hoṛko tol ạgukate Jerusalemre sạjạiko lạgitʼte onḍeń calakʼkan tahẽkana.

1Timothi 4:15

Noako kạmi idire mone lagaome; ar onakorege tahẽakan tahenme. Jemon sanamkoko ńelme, am dom laha idikʼkana mente.

1Timothi 5:17

Manḍerren maraṅ mukhiyạko okoe bes okocʼte manḍerko calaoetʼkan, ar okoe do Isorakʼ kathako porcaretʼkan ar lại cecetʼreko mehnotetʼkan, onko do dobṛa manot ocokʼ lek kanako.

1Timothi 5:19

Bar se pe hoṛakʼ goha begorte manḍerren jãhãe mukhiyạ upạrte jãhãn dos reakʼ katha alom luturakʼa.

1Timothi 6:12

Mạsire biswạs iạte bhage lạṛhại ma lạṛhạime. Oka jaejug jion lạgitʼ Isore hohoakatʼme ona sapʼakae tahenme. Am do ạḍi utạr hoṛko samaṅre amakʼ biswạs reakʼ goham emleda.