1Timothi 4:1 - সান্তালী বাইবেল

¹ Sonot Jiu do pusṭạuteye menakada, darakan dinkore adom hoṛ do biswạs khonko bhingṛạukʼa ar bulạu jiuko ar bạṛicʼ jiukoakʼ bintiko moneyakʼa.

Santali Common Language New Testament

¹ Sonot Jiu do pusṭạuteye menakada, darakan dinkore adom hoṛ do biswạs khonko bhingṛạukʼa ar bulạu jiuko ar bạṛicʼ jiukoakʼ bintiko moneakʼa.

1Timothi 4:1 Referans Kwoze

2 Patras 2:1

Menkhan Israelko talare cetʼleka eṛe nạbikoko tahẽkan, onkage apeko talarehõ eṛe cecetʼkoko tahena. Onko do hape hapete nonkan bhul cecetʼakʼko ạguiya one okaṭakʼte manwako nosṭokʼ; ar okoeye kiriń chaḍao akatʼko uni Probhu Isor hõ bako aṅgocea. Nonkate onko do ạḍi usạra apnarte nosṭokʼko ạgujoṅa.

Jihudạwakʼ ciṭhi 1:18

Onko do noa kathako lạiyape kan tahẽkana, “Okoeko siṛog baṛayetʼ tahẽkan onko do mucạtʼ oktereko hijukʼa ar Isor bebhokti ar bạṛicʼ sanako senakʼa.”

2 Patras 3:3

Pạhilre noa katha disạ dohokakʼpe, bhageakʼko reaṅ okoe do nisṛạu reakʼ sobhabtako onko do sesa sisi dinrehõko nisṛạugea. Onko do akoakʼ bạṛicʼ kusi sana lekako colona,

Jihudạwakʼ ciṭhi 1:4

Noa do jạruṛgea, ente sedaere okoe hoṛkoakʼ sạjại reaṅ katha sostorre olakan onko do ape talare hape hapeteko bolo akana. Noko hoṛkore Isor bhokti do bạnukʼanaṅ; ar aboren Isorakʼ daya do lucạ lamoṭ menteko ạnḍuṅeda ar okoe aboren mitʼ goṭen mạlik are Probhu kan uni Jisu Mạsi do bako aṅgoc edekana.

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

2Timothi 3:13

Menkhan bạṛicʼko ar bhonḍko do din din artetʼgeko bạṛicʼ idikʼa. Onko do eṭakʼko bhul horteko idikoa ar apnarhõ bhul horteko calakʼa.

1 Johan 4:6

Abo do Isorren kana bon; okoe Isore baḍae akade uni do aboakʼ kathae ańjoma, menkhan okoe Isorrene baṅkan uni do aboakʼ katha bae ańjoma. Ar noatege abo do sạriyakʼren Jiu ar bukʼlạuren jiu bon orom daṛeaea.

Johan 16:13

Menkhan uni sạriyakʼren Jiu tinreye hijukʼa unre uni do hore udukʼapete sạriyakʼreye ạyurpea. Uni do acʼte bae roṛa, menkhan okaṭakʼe ańjom onageye roṛa ar okaṭakʼ hoyokʼ lạgidokʼ ona hõe baḍae ocopea.

1 Johan 2:18

E hoponińko, noa kangea mucạtʼ okte do. Apepe ańjom akada je, Mạsiren bạiriye hijukʼkana mente, menkhan ńitrege uniren do arhõ aema bạiriko hecʼakana. Onate bon bujhạu daṛeakʼkana, noa kangea mucạtʼ okte do.

Daniel 10:14

Ar ńitokʼ doń hecʼakana bujhạu ocome lạgitʼ darakan dinkore amren hoṛkore cetʼ hoyokʼa mente. Ente dorson do darakan dinko reakʼkangea.”

Johan sodor 2:11

Ańjom lạgitʼ lutur menakʼtae hoṛ doe ańjom ma, sonot Jiu do manḍerrenko cetʼe metakokana mente. “Jitạukʼicʼ do dosar gujukʼte ohogeye hạ̃nlena.

2Timothi 4:4

Onko do Isorakʼ sạriyakʼtetʼ reaṅ ańjom baṅkate kạhniko kusiyakʼa.

Johan sodor 20:10

Ar okoe onko eṭakʼ horteye bulạu idiletʼko tahẽkan uni Soetan do jolokʼkan gondhok reakʼ doreãoreye khadle ocoyena. Uni janwar ar eṛe nạbi do laharege onḍekin khadle ocoakan tahẽkana. Onko do onḍe jaejug hạbicʼko sasetokʼa.

Johan sodor 3:6

Ańjom lạgitʼ lutur menakʼtae hoṛ doe ańjom ma, sonot Jiu do manḍerrenko cetʼe metakokana mente.

Johan sodor 2:29

Ańjom lạgitʼ lutur menakʼtae hoṛ doe ańjom ma, sonot Jiu do manḍerrenko cetʼe metakokana mente.

Jeheskel 38:16

Am do rimil leka disạmem dapal eseda ar ińren hoṛ Israelko upạrtem rakapʼ hijukʼa. E Gog, mucạtʼre ińakʼ disạm upạrte amiń ạgumea. Unre iń do jạt jạtrenkoakʼ mẽtʼãhã samaṅre iń apnartetʼ do am hotete sonot menteń udugokʼa jemon onko do ińko baḍae daṛeạń.

1 Patras 1:20

Dhạrti ạuri sirjạurege Isor do noa lạgitʼe ṭhik doho akade tahẽkana, menkhan niạ mucạtʼ oktere uni do ape lạgitʼgeye sodorena.

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,

Kolossiko lạgitʼ Pạul Apostolakʼ ciṭhi 2:18

Okoe apnarakʼ hoṛmo kosṭoko emakʼkan ar serma goḍet sewawako reakʼ jạruṛko bujhạuetʼkan onko do apeakʼ jit siropa ńamokʼ horre tạkicʼakʼ jemon aloko hoyocoe. Nonkan hoṛ do okako ńelakatʼ menteko hudisetʼkan ona reaṅ ạḍi maraṅ maraṅ kathako roṛa ar ạuṛi bạḍạiteko phulạukʼa, ente onkoakʼ mon do jel reakʼ sanare gobol akantakoa.

1 Korinthiko 10:20

Ona do baṅ, bickom ińiń meneda, boṅgan hoṛ okako samaṅetʼkan ona do Isor lạgitʼ do baṅkana, ona do bạṛicʼ jiuko ṭhengeko onkayeda. Ar bạṛicʼ jiuko tulucʼ apepe gatekʼ do bạń khojkana.

Mikạ 4:1

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Jirimiạ 49:39

menkhan tayom daram dinre iń do Elam reakʼ dosań ruạṛ ạguiya. Iń Probhu Isorge noa katha doń meneda.”

Jirimiạ 48:47

Menkhan tayom daram dinre Moab reakʼ dosa doń ạcur ruạṛa. Iń Probhu Isorge noa katha doń meneda.” Moabakʼ bicạr reakʼ katha do nonḍege mucạtʼena.

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Dosar Biboron 32:29

Ạklinanko tahẽlen khan honaṅ ona kathako bhujhạukea ses dosa cetʼ hoyokʼtakoa mente.

Dosar Biboron 4:30

Ar tinre kosṭorepe paṛaokʼa ar noako ape cetanre hijukʼa unre tayom daram reakʼ ona dinkore aperen Probhu Isor ṭhenpe ruạṛ hijukʼa arpe bataotaea.

Numeri 24:14

Iń do ńitokʼ ińren hoṛko ṭheniń ruạṛ calakʼ kana, menkhan ona lahare amiń sontor oṭokam kana noko jạtrenko do tayom daram amren hoṛko cetanre cetʼko cekaea mente.”

Genesis 3:13

Unre Probhu Isor do uni maejiue metadea, “Noa do cetʼem ceka akada?” Maejiu do roṛ ruạṛketʼteye menkeda, “Biń do ińe bulạukedińa ar onate iń do onań jomkeda.”

Johan sodor 20:8

Unre uni do goṭa dhạrtire senkate jạt jạtrenko, metakʼme Gog ar Magoge bulạukinạ ar onkin do lạṛhại lạgitʼe jarwakinạ. Ar onko do lekhare jalapuri reakʼ gitil lekako hoyokʼa.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Johan sodor 18:23

Amre diuhe reakʼ marsal do tishõ baṅ jolokʼa. Jãwãe beṭa ar bạhu kuṛiyakʼ aṛaṅ amre ar tishõ baṅ ańjomokʼa. Amren bạnij bepariko do dhạrtire joto khon napṛakʼko tahẽkana, ar sanam jạtrenko do amakʼ jạduteko bulạulena.

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniyakʼ muṭhạnko benaotae.

Johan sodor 9:20

Menkhan noako duk tayom hõ okoeko manwa jiwetʼko tahẽyen, onko do apnar tite benaoakʼ muṭhạnko khon mon bako ạcurletʼtakoa. Onko do bạṛicʼ jiuko ar baṅ ńeńelko, baṅ ańjomko, baṅ taṛam daṛeakʼ sona, rupạ, pitạl, dhiri ar kaṭren muṭhạnko benaokateko sewawakokan tahẽkana.

Johan sodor 3:22

Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana mente.”

Johan sodor 3:13

Ańjom lạgitʼ lutur menakʼtae hoṛ doe ańjom ma, sonot Jiu do manḍerrenko cetʼe metako kana mente!

Johan sodor 2:17

Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana. Ar okoeye jitạukʼ uni do okoakatʼ Manna khon thoṛa Manna ar mitʼṭecʼ ponḍ dhiriń emaea. Ona dhiri cetanre mitʼṭecʼ nãwã ńutum ol tahena one okoehõ ona do bako baḍaekan, eken okoe onae ńam unigeye baḍae daṛeakʼa.

Johan sodor 2:7

“Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana mente! Jitạukʼicʼ do Isorakʼ Parades reakʼ jion dare reakʼ joyiń jom ocoyea.

1 Korinthiko 12:11

Noako joto kạmi do ini sonot Jiugeye kạmiyeda. Uni do cetʼleka sanayede onkage onako dan mimitʼko judạ judạye emako kana.

Aposkạmi 28:25

Pạulakʼ kathate ako talare katha baṅ jurilente onko do onḍe khonko calaoena. Adoko calakʼ lahare Pạule menkeda, “Sonot Jiu do Jesaea nạbi hotete aperen hapṛamko ṭhen ṭhikgeye roṛlakʼa,

Aposkạmi 17:18

Unre Epikuri ar Stoik ponḍitko modren adomko do Pạul tulucʼ reṭepeṭekʼko ehopʼena. Onko modren adomkoko menkeda, “Nui galbạjạriạ do cetʼe menetʼkana?” Arhõ eṭakʼko doko menkeda, “Uni do pasecʼ ạnạ̃ṛi boṅgako reakʼ kathae porcareda.” Onko do noa iạtegeko menkeda, ente Pạul do Jisu reaṅ ar gocʼko khon jewetʼ beredokʼ reaṅe porcarako kan tahẽkana.

Aposkạmi 13:2

Onko do upạskate Probhu Isorko sewawaekan tahẽkanre sonot Jiu do onkoe metatʼkoa, “Barnabas ar Sạul oka kạmi lạgitʼ iń hohoakatʼkin, ińakʼ ona kạmi lạgitʼ ńitokʼ unkin baṛe begarkinpe.”

Jeheskel 1:3

Babelrenkoakʼ disạmre Kebar gaḍa aṛere Busiren hopon Jeheskel ṭhen, metakʼme Probhu Isorakʼ katha do iń ṭhen sodorena. Ar onḍe Probhu Isorakʼ ti do iń cetanre tahẽkana.

Johan sodor 16:14

Onko bạṛicʼ jiu do hahaṛa kạmiko kạmikan tahẽkana. Ar sanam daṛean Isorakʼ ona maraṅ dinre lạṛhại lạgitʼ onko do goṭa dhạrtiren rapajko mitʼ ṭhenko jarwaketʼkoa.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

1 Rapajko 13:18

Uni nạbiye roṛ ruạṛkeda, “Iń do am lekan mitʼṭen nạbi kangeạń. Probhu Isorakʼ katha leka mitʼṭen dut do ińe men akawạdińa jemon ińakʼ oṛakʼteń ruạṛ idime jemon am do senkatem jom-ńũ daṛeakʼ.” Menkhan uni do eṛe kathae metadea.

Jirimiạ 23:26

Noko nạbiko do ar tinạkʼ din akoakʼ ontorre eṛe khon eṛeteakʼko roṛa?

Mathae 18:7

Hae hae! Kại horte idiko lạgitʼ tinạkʼ uskạu baṅ amre menakʼ! Ente uskạu do hijukʼgea; enhõ hae uni hoṛ do, one okoe hotete ona uskạuko hijukʼkan!

Luk 17:1

Jisu do acʼren celakoe metatʼkoa, “Kại horte idiko lạgitʼ uskạu do hijukʼte hõ hijukʼgea, menkhan hae uni hoṛ do, one okoe hotete ona udgạuko hijukʼkan!

Aposkạmi 20:23

Eken niạ kathań baḍaea, sonot Jiu do sanam nagrahare noa kathae baḍae ocoyediń kana je, hajotokʼ ar duk jojom hoyokʼtińạ.

Aposkạmi 21:11

Uni do ale ṭhen hecʼkate Pạulakʼ ḍanḍa paṭheakʼe raṛaketʼtaea ar onate acʼakʼ ti jaṅga tolketʼtaeteye menkeda, “Sonot Jiue meneda, “Jerusalemren Jihudiko do noa paṭheakʼren mạlik hõ nonkageko tolea ar boṅgan hoṛ jạtrenkoakʼ tireko jimạyea.”

1 Korinthiko 2:10

Menkhan Isor do acʼren Jiu hotete onako abo ṭhene sodor akada, ente sonot Jiu do bin baḍaeyakʼ mente cetʼge bạnukʼtaea; ente uni do Isorakʼ khạndriakʼko hõe baḍaegea.

1 Korinthiko 11:19

Ente ape talare dola duli do tahengea, jemon Isor samaṅre ape modre biḍạukʼ ṭarhaokʼkoko sodorokʼ.

Jakob 3:15

Nonkan akel serma khon do baṅ pheḍ hijukʼa, bickom ona reakʼ jopoṛao do dhạrti reakʼ bạṛicʼ sana ar bạṛicʼ jiuko sãotege;