1Timothi 1:5 - সান্তালী বাইবেল

⁵ Noa hukum reakʼ monsubạ do hoyokʼ kana dulạṛ udgạu ocoy. Noa dulạṛ do niphuṭ ontor, sapha bibek ar sạri biswạs khon hijukʼkana.

Santali Common Language New Testament

⁵ Noa hukum reakʼ monsubạ do hoyokʼ kana dulạṛ udgạu ocoe. Noa dulạṛ do niphuṭ ontor, sapha bibek ar sạri biswạs khon hijukʼ kana.

1Timothi 1:5 Referans Kwoze

1Timothi 1:19

Ona sãote biswạs ar bhage bibek dohojoṅme. Adom hoṛ do bibek reakʼ katha bako ańjometʼkante biswạsre tạkicʼakʼko janam ocoyeda.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

2Timothi 2:22

Juạn umer reakʼ bạṛicʼ sanako khon ńirjoṅme ar sapha ontorte okoe do Probhu Isorko hohowaekan onko tulucʼ dhorom, pạtiạr, dulạṛ ar suluk baṛe khudạume.

2Timothi 1:5

Amakʼ ontorre menakʼ sạri biswạs reakʼ katha hõ disạ menakʼ getińa. Ar noa biswạs do amren goṛom ayo Loisre ar amren eṅgam Eunikere girobas akankin tahẽkana, ar ińiń baḍaea, noa biswạs do amakʼ ontorre hõ menakʼgea.

2Timothi 1:3

Ińren hapṛamko cetʼleka Isorko sewawaekan tahẽkan onkage ińhõ sapha bibekte Isoriń sewawae kana; ar am lạgitʼ siń sạṭupʼ koejoṅ jokhecʼ iń do uniń sarhaoede kana.

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

1 Patras 3:16

Apeakʼ bibek do sapha dohoytape, jemon Mạsiren hoṛ lekate apeakʼ bhage colon iạte okoeko oktawape onko do lajaoreko paṛaokʼ.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

2 Patras 1:7

ar Isor bhokti tulucʼ boeha dupulạṛ ar ona dulạṛ sãote arhõ khạndri dulạṛ mon juṭucʼakʼpe.

Romiko lạgitʼ Pạul Apostolakʼ ciṭhi 10:4

Mạsige ạnkoe purạuketʼte ona reakʼ daṛe doe mạutạkeda, jemon acʼre okoeko pạtiạukʼ onko do Isor ṭhen dhorom menteko ataṅ ocokʼ.

Titus lạgitʼ Pạul Apostolakʼ ciṭhi 1:15

Okoeyakʼ ontor napaege onko ṭhen do jotowakʼge napaegea, menkhan okoeyakʼ ontor bạṛicʼ ar bepạtiạrge onko ṭhen cetʼge napaeakʼ do bạnukʼanaṅ, ente onkoakʼ mon ar bibek do mạilạgetakoa.

1Timothi 3:9

Onko do sapha bibekte jemon Mạsiyakʼ dhorom biswạs reakʼ sạri okoakʼko sapʼ doho daṛeakʼ.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Sereńko 51:10

E Isor, amge ińre khạṭi ontor sirjạume; ar ińakʼ mon baṛe nãwã aroytińme.

1 Patras 4:8

Sanam khon maraṅ katha do hoyokʼkana, ape apere khạndri dupulạṛ baṛe tahentape ma, ente dupulạṛ do ạḍi utạr kạiye dapala.

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.

Aposkạmi 23:1

Pạul do maraṅ bạisiren hoṛko secʼ beṅgetʼkateye menkeda, “E ińren boehako, iń do teheń hạbicʼ bhage hudiste Isor samaṅre ińakʼ dạyikiń manao ạguakada.”

Sereńko 24:4

Eken uni kangeae lekicʼ do, okoeyakʼ ti do miridosgetae, ar ontor hõ khạṭigetae, ar eṛeyakʼ secʼ mon hõ bạnukʼtae. Ar mocare eṛe kiriạ hõ bạnukʼtae.

1 Johan 3:3

Okoe Mạsire noa ase dohoy uni do apnare khạṭikʼ kana cetʼleka Mạsiye khạṭige.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

1 Korinthiko 13:1

Manwakoakʼ ar serma goḍetkoakʼ pạrsiteń roṛlere hõ dulạṛ bạnukʼtiń khan, raṛaṅ raṛaṅokʼkan ghonṭa ar chaṅ chaṅokʼkan kortalgeń hoyakana.

Romiko lạgitʼ Pạul Apostolakʼ ciṭhi 14:15

Jãhãn jomakʼ iạte amren boeham duk ocoyedekan khan am do bam dulạṛede kana. Okoe lạgitʼ Mạsiye gocʼlen, jomakʼ karonte uni do alom nasao ocoyea.

Romiko lạgitʼ Pạul Apostolakʼ ciṭhi 9:1

Mạsi tulucʼ mitʼakanteń meneda, iń do ontorre ạḍi duk ar ạḍi kosṭoń ńameda, ar noa do sạri katha kana, eṛe do baṅa. Ińakʼ bibek hõ sonot Jiure jopoṛao tahẽkate inạ mitʼ gohageye emeda.

Aposkạmi 24:16

Onate iń do Isor ar manwako samaṅre jaoge ińakʼ bibek sapha dohoy reakʼ iń kurumuṭuyeda.

Aposkạmi 15:9

Uni do abo ar onko talare jãhãn begar do bae dohoakada, ente onkoko pạtiạu akante uni do onkoakʼ ontore sapha akatʼtakoa.

Mathae 12:35

Bhage hoṛ do acʼakʼ bhageakʼ khon bhageakʼgeye oḍoka, ar bạṛicʼ hoṛ do acʼakʼ bạṛicʼ babaeakʼ khon bạṛicʼakʼgeye oḍoka.

Mathae 5:8

Okoeyakʼ ontor khạṭigetako onkogeko bhạgana, ente onko do Isorko ńelea.

1 Johan 3:23

Uniyakʼ hukum do naoge, jemon uniren Hopon Jisu Mạsire bon pạtiạukʼ ar abo abore bon dupulạṛ. Ar noa hukumge uni doe em oṭoakatʼ bona.

Ibriko 13:18

Ale lạgitʼ koejoṅpe. Sanamakʼkore dhorom lekate senokʼle menjoṅkan iạtele baḍaekana je, aleakʼ bibek do napaegetalea mente.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Dosar Biboron 10:12

“E Israel, amren Probhu Isor do am ṭhen khon ńit cetʼe khojkana? Uni doe khojkana jemon amren Isorem botorae ar uniyakʼ sanamakʼ hortem taṛam, unim dulạṛe ar amakʼ goṭa monte ar amakʼ goṭa jiwite unim sewawae, ar amakʼ bhạlại lạgitʼ teheń am ṭhen Probhu Isorakʼ okako hukum ar niạmiń emokʼkan ona baṛe dohoyme.

Sephaniạ 3:7

Iń ar do Jerusalemiń metatʼa, ‘ńitokʼ do khạṭigem botorạńạ ar ińakʼ ḍanṭaoem bataotińạ.’ Enḍekhan uniyakʼ tahen ṭhạ̃i do baṅ nosṭo ocokʼtaea, ińakʼ sanam sạjại hõ uni cetanre baṅ hijukʼa. Menkhan uniren hoṛko do gagoj salakʼ kharapakʼ kạmiko kạmiyeda.

Romiko lạgitʼ Pạul Apostolakʼ ciṭhi 12:9

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

1Timothi 1:18

E bachatiń Timothi, am reaṅ eṭakʼko nạbi lekate oka kathako lạiletʼ ona katha lekage iń do noań hukumam kana. Ar noa katha disạ dohoy tulucʼ am do Mạsi khạtirte jiwi alaekate ma lạṛhạime.

1 Johan 3:10

Okoe bhage kạmire apnar bako lạgiyạ paṛao akan tahen ar boeha bako dulạṛetʼko, onko do Isorren doko baṅkana. Ar noatege sodorokʼ kana okoe doko Isorren Hopon kana ar okoe doko Soetanren hopon kana mente.