1Timothi 1:17 - সান্তালী বাইবেল

¹⁷ Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

Santali Common Language New Testament

¹⁷ Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

1Timothi 1:17 Referans Kwoze

Johan sodor 19:1

Noa tayom iń do sermare ạḍi utạr hoṛkoakʼ sabad lekań ańjomkeda. Onko doko menetʼ tahẽkana, “Halleluyah! Bańcao, ṭhonok ar daṛe, jotoge aboren Isorakʼ kana,

1 Bõsbudạ 29:11

E Probhu, ṭhonokʼ, daṛe, jakjomok, jitạu ar sarhao do amakʼge, ente serma ar dhạrti reakʼ jotowakʼge amakʼ kana. E Probhu Isor, am do sanamakʼ cetanrem rajokʼkana; amakʼ ṭhạ̃i do sanamko cetanrege.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Kolossiko lạgitʼ Pạul Apostolakʼ ciṭhi 1:15

Nui Hopon kangea bin ńelokʼ kan Isorren muṭhạntetʼ do. Ar unige sanamakʼ ạuri sirjạureye tahẽkana ar sanam sirjon cetanre unigeye mạlik kana.

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Romiko lạgitʼ Pạul Apostolakʼ ciṭhi 1:23

Jaejug ṭhonokte perecʼicʼ Isor sewa bạgikate onko do manwako, cẽṛẽko, janwarko ar leńokʼ ṭunḍạṅokʼkoakʼ muṭhạnko sewawakʼ kana.

Sereńko 45:6

E Isor, amakʼ siṅghạson do jug cetan jugge; ar amakʼ ḍanṭao do dhorom reakʼ ḍanṭaokana.

Johan sodor 19:6

Ona tayom iń do ạḍi utạr hoṛkoakʼ sabad leka, ar had had ạtukʼ dakʼ reakʼ saḍe ar kajak huḍuretʼkan saḍe leka noa kathań ańjomkeda, “Halleluyah! Aboren sanam daṛeyicʼ Probhu Isor do rajokʼe ehopʼakada.

1 Johan 4:12

Isor do okoege tishõ bako ńelakadea. Ar abo mimitʼko bon dupulạṛ khan, enḍekhan bon bujhạu daṛeakʼa, Isor do aboakʼ ontorre menaea ar uniyakʼ dulạṛ do aboakʼ ontorre purạteye kạmikana.

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Sereńko 90:2

Buru boṭkocʼ ạuri sirjạukʼre, dhạrti ar pirthimi ạuri sirjạukʼre, ona laha khon jaejug hạbicʼ am kangeam Isor do.

Sereńko 10:16

Probhu Isorge jaejugren raj kanae; uniyakʼ disạm khon eṭakʼ jạtren doko maraokʼa.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!

Johan sodor 7:12

“Amen. Sarhao, ṭhonok, akel, gunmanao johar, man, ektiạri ar daṛe do jaejug hạbicʼ aboren Isorakʼge hoyokʼtaema. Amen.”

2 Patras 3:18

Ape do aboren Probhu Isor ar babańcaoicʼ Jisu Mạsiyakʼ daya ar uni reaṅ akelte hara rakabokʼpe. Ńit ar jaejug hạbicʼ uniyakʼge ṭhonok hoyokʼtae ma. Amen.

1 Patras 5:11

Uniyakʼ ektiạri do jaejug habicʼ tahẽakae tahen ma. Amen.

Ibriko 11:27

Isor cetanre biswạs iạtege uni do raj begor botoraete Misor disạme bạgiyatʼ tahẽkana, ente uni do baṅ ńelokʼicʼ ńelekan lekae sumbhrạukeda.

Romiko lạgitʼ Pạul Apostolakʼ ciṭhi 16:27

Eken uni eskargeae Isor do, ar unige akelanicʼ do. Jisu Mạsi hotete jaejug hạbicʼ uniyakʼge ṭhonok hoyokʼtaema. Amen.

Romiko lạgitʼ Pạul Apostolakʼ ciṭhi 11:36

Ente jotowakʼge coṅ uni khon ar uni hotetege hijukʼkan ar sanamakʼ do uni lạgitʼ kangea. Uniyakʼge jaejug ṭhonok hoyokʼtae ma. Amen.

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

Romiko lạgitʼ Pạul Apostolakʼ ciṭhi 1:20

Isorakʼ oka gun mẽtʼte baṅ ńelokʼkan, metakʼme uniyakʼ jaejug reakʼ daṛe ar uniyakʼ Isortetʼ do sirjon reakʼ etohopʼ khonge pusṭạute sodorgea. Uniyakʼ sirjon khonge manwa do bes okocʼte onako ńel oromeda arko bujhạu daṛeakʼkana. Niạ tayom manwakoakʼ ar jãhãn ạnḍuṅteakʼ do oho tahẽlena.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Malaki 1:14

Jãhãege palre menakʼkotae lek lekan janwarko khon emokʼ lạgitʼe manot akatʼ khan ar hoṛmore dusiyicʼ mitʼṭen janwar Probhu Isor ńutumteye samaṅakade khan, uni doe ṭhokgea. Uni cetanre do sarap paṛaokʼma. Iń kangeạń maraṅ raj do ar sanam jạtrenko do ińgeko botorạńạ. Ar iń phạdkoren Probhu Isorge noa katha doń meneda.”

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Daniel 4:34

Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Sereńko 145:13

Amakʼ rajosṭi do jaejug reakʼ rajosṭi kana; amakʼ ḍanṭao do piṛhi cetan piṛhige.

Sereńko 106:48

Sirjạu reakʼ etohopʼ khon jaejug hạbicʼ Israelkoren Probhu Isorakʼ sarhao baṛe hoyokʼtaema. Sanam hoṛko menma, “Amen.” Probhu Isorakʼge sarhao hoyokʼtae ma.

Nehemiạ 9:5

Tayomte Liwiko mod khon Jesua, Kadmiyel, Bani, Hasabneya, Serebia, Hodia, Sebania, ar Petahia tekoko menkeda, “Ape do teṅgokate aboren Probhu Isor sarhaoepe, okoe do jug khon jaejug hạbicʼ menae.” Ona tayom onko do niạ menkate koejoṅko ehopʼena, “E Probhu Isor, amakʼ ńutum do sarhao ar ṭhonokte perejokʼma; ale emakʼ sanamakʼ sarhao khon hõ am dom maraṅgea.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Sereńko 57:11

E Isor, amakʼ mạhima do serma cetan hạbicʼ rakapʼma; ar amakʼ ṭhonok do goṭa pirthimire ńelokʼma.

Sereńko 45:1

Ińakʼ ontor do bhage kathate cepel cepelokʼ kana; ar raj õnõṛhẽye lạgitʼ ińakʼ kobita do oḍokʼakana; ińakʼ alaṅ do cogoṛ olokʼicʼ akʼ kolom hoyakana.

Sereńko 41:13

Pạhil khon mucạtʼ hạbicʼ Israelren Probhu Isorakʼge sarhao hoyokʼtae ma. Amen, amen.

Johan 5:44

Ape do eṭakʼko ṭhen khon sarhao ocokʼpe ńamkana, menkhan okaṭakʼ sarhao eken Isor ṭhen khon ńamokʼ ona reakʼ do bape kurumuṭuyeda. Ar noa tayom do cekatepe pạtiạu daṛekokʼa?

Romiko lạgitʼ Pạul Apostolakʼ ciṭhi 2:10

Menkhan bhageakʼ kạmikanko do ṭhonok, man ar sulukko hameṭ joṅa. Pạhilre Jihudiko ar ona tayom do boṅgan hoṛ jạtrenkoge.

Ibriko 2:7

Manwa do serma goḍetko khon thoṛaganem huḍiń akadea. Ar uni do ṭhonok ar manot reakʼ mukuṭem horokʼ akawadea.