1Timothi 1:13 - সান্তালী বাইবেল

¹³ Lahate Mạsiyiń opomane kan ar khekhedicʼ ar ṭhok hoṛiń tahẽkanre hõ uni do noa kạmireye bahalkedińa. Uni do ińe daya akawạdińa, ente bepạtiạu ar bin baḍaete onakoń kạmikan tahẽkana.

Santali Common Language New Testament

¹³ Lahate Mạsiyiń opomane kan ar khekhedicʼ ar ṭhok hoṛiń tahẽkanre hõ uni do noa kạmireye bahalkedińa. Uni do ińe daya akawạdińa, ente bepạtiạukʼ ar bin baḍae iạte iń do onakoń kạmikan tahẽkana.

1Timothi 1:13 Referans Kwoze

Aposkạmi 8:3

Menkhan Sạul do onako manḍer marao lạgitʼ oṛakʼ oṛakʼ bolokate manḍerren herel ar maejiuko or totʼkate hajotre bhoraokoe ehopʼena.

1 Patras 2:10

Mitʼ jokhecʼ Isorren hoṛ do bape tahẽkana, menkhan ńitokʼ dope hoyakana; mitʼ jokhecʼ ape do daya bape ńamakatʼ tahẽkana, menkhan ńitokʼ dope ńamakada.

Aposkạmi 9:13

Ananiạse menkeda, “E Probhu Isor, ḍher hoṛkoakʼ moca khon nui hoṛ reaṅ iń ańjomakada, Jerusalemre amren hoṛko ạḍi bạṛicʼe khed akatʼkoa.

Ibriko 4:16

Onate dela, dil salakʼ Isorakʼ daya reakʼ siṅghạson ṭhen bon sen sorokʼma, jemon jạruṛa bon oktere onḍe khon uniyakʼ daya ar goṛo bon ńam daṛeakʼ.

Aposkạmi 3:17

“E boehako, ńitokʼ ińiń baḍaea aperen murubbiko leka ape hõ begor bujhạutege Jisupe kurusledea.

Luk 23:34

Unre Jisui menkeda, “E baba, ikạkakome, ente bako baḍaea cetʼko cekayeda mente.” Onko do gulibãṭkate Jisuakʼ kicricʼko hạṭińana.

1Timothi 1:16

Onate Isor do ińe mãyã akawạdińa, jemon iń maraṅ kạiyan hotete Jisu Mạsi do acʼakʼ asambheṛ soboriye udukʼ daṛeakʼ. Ar unire pạtiạukʼ hotete okoe jaejug jionko ńam onko jemon iń ńelteko cetʼ daṛeakʼ onate uni do ińreye nonka akada.

Philipiko lạgitʼ Pạul apostolakʼ ciṭhi 3:6

dhorom secʼte nonkan bạṛicʼ hoṛiń tahẽkana je, Mạsiyakʼ manḍerrenkoń khedetʼkokan tahẽkana; ar Isor samaṅre dhoromicʼ hoyokʼ reakʼ aste Moseyakʼ ạn-ạriko manaore okoe hõ bako dusiledińa.

Galathiko lạgitʼ Pạul Apostolakʼ ciṭhi 1:13

Jihudi dhoromreń tahẽkanre cetʼ lekan jioniń khemaoetʼ tahẽkan ona dope ańjomakatʼgea. Ar noa hõpe ańjomakada, Isorakʼ manḍerrenko tinạkʼ bebạṛicʼ iń khedetʼko tahẽkana ar maraoko lạgitʼ iń kurumuṭuyetʼ tahẽkana mente.

1 Korinthiko 15:9

Ente apostolko modre ińge sanamko khoniń nicạṛgea, ar apostol ńumugokʼ lek hõń baṅkana, ente Isorakʼ manḍerren koń khedletʼkoa.

1 Korinthiko 7:25

Kũạ̃ri kuṛiko reaṅ do Probhu Isor ṭhen khon jãhãn hukum bạń ńamakada. Menkhan Isorakʼ daya ńamkate pạtiạr minạńte ińiń bujhạuetʼ lekageń roṛeda.

Aposkạmi 22:4

Jisuakʼ horte okoeko calakʼkan tahẽkan onko doń santaoetʼko tahẽkana ariń gocʼetʼko tahẽkana ar herel ar maejiuko sapʼ ạgukate hajotreń bhoraoetʼko tahẽkana.

Aposkạmi 9:5

Sạul doe menkeda, “E Probhu Isor, am dom okoekana?”

Aposkạmi 9:1

Ar Sạul do unhạbicʼ Probhu Isorren celako gocʼko reakʼ botore udukʼako kan tahẽkana. Uni do Damesek nagraha reakʼ sunạgogkore jimạko lạgitʼ maraṅ naeke ṭhen senkate ciṭhiye koekeda. Ar tinạkʼ hoṛ Jisuakʼ horteko calakʼkan tahẽkan, baṅ do herel hoponko, baṅ do maejiuko, onko sanamkoe ńamlekore jemon tolkate Jerusalemteye ạgu daṛeako ona reakʼ ektiạri ńam lạgitʼ uni do ona ciṭhiye khojleda.

Luk 12:47

“Ar okoeṭakʼ guti do acʼren kisạ̃ṛakʼ sana baḍaekate hõ sapṛao bae tahen se kisạ̃ṛ okae khojkan ona bae onkae enḍekhan uni do bebạṛicʼe dal ocokʼa.

Hosea 2:23

Iń lạgitʼge uni do disạmre itạ lekań ereya; ar okoeyiń metade tahẽkan, ‘ińren dayayicʼ hoṛ dom baṅkana’ unre unigeń dayawaea. Ar okoekoń metatʼko tahẽkan, ‘ińren hoṛ doko baṅkana,’ onko doń metakoa, ‘ape do ińren hoṛ kanape’ ar onko doko mena, ‘am kangeam aleren Isor do.’ ”

Numeri 15:30

“Menkhan Israelko se onko talareko girobasokʼ kan eṭakʼ jạtren hoṛko modren jãhãege baḍaekateye ghạṭ enḍekhan uni do Probhu Isore nindạuede kana. Onate uni do acʼ jạtrenko khone marao ocokʼa.

Levitikus 13:16

Ona tayom berel ghao arhõ ponḍ ruạṛlentae khan uni do arhõ naeke ṭhen calakʼ hoyokʼtaea.