1Timothi 1:1 - সান্তালী বাইবেল

¹ Iń Pạul do aboren babańcaoicʼ Isor ar Jisu Mạsiyakʼ hukumte apostoliń hoyakana. Ar aboakʼ sanam as do Mạsi Jisurege.

Santali Common Language New Testament

¹ Iń pạul do aboren babańcaoicʼ Isor ar Jisu Mạsiakʼ hukumte apostoliń hoeakana. Ar aboakʼ sanam as do Mạsi Jisurege.

1Timothi 1:1 Referans Kwoze

Titus lạgitʼ Pạul Apostolakʼ ciṭhi 1:3

Aboren babańcaoicʼ Isorakʼ hukum leka okań lại jạhiretʼkan ona hotete Isor do acʼakʼ katha ṭhik okteregeye sodor akada.

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

Aposkạmi 9:15

Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,

1Timothi 1:12

Aboren Probhu Jisu Mạsi, okoe do daṛeye emakawạdiń, uniń gunmanao joharae kana, ente uni do pạtiạricʼe bujhạukedeńte acʼakʼ sapʼdapʼ kạmireye dhurạu akadińạ.

Galathiko lạgitʼ Pạul Apostolakʼ ciṭhi 1:1

Iń Pạul do Mạsiren mitʼṭen apostol kạnạń. Noa apostol hudạ jãhãe manwa ṭhen khon se jãhãe manwa hotete do bạń ńamakada, bickom Jisu Mạsi ar Isor Baba, one okoe do Mạsi gocʼko khone jiwetʼ beretʼkede, uni hotetegeń ńamakada.

2 Korinthiko 1:1

Iń Pạul do Isorakʼ monejoṅ lekage Mạsi Jisuren mitʼṭen apostoliń hoyakana. Iń do aboren boeha Timothi ar Korinthi nagraha reakʼ Isorakʼ manḍer ar Akhaea Prodesre menakʼko Isorren sanam hoṛko ṭhen noa ciṭhiń oletʼkana.

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạtege ape ṭhen niạ ciṭhiń oletʼkana.

1Timothi 2:7

ar noa goha emokʼ lạgitʼ Isor do lại jạhiricʼ, apostol ar boṅgan hoṛ jạtrenko ṭhen biswạs ar sạriạkʼren cecetʼicʼe bahal akadińạ. Iń do sạriyakʼgeń roṛeda, eṛe do baṅ.

2 Thessalonikiko 2:16

Aboren Probhu Jisu Mạsi ar Isor Baba do apeakʼ ontorreye udgạupema ar sanam bhage kạmi ar kathareye kajak ocopema.

1 Korinthiko 1:1

Isorakʼ monejoṅ ar uniyakʼ hohote iń Pạul do Mạsi Jisuren mitʼṭen celań hoyakana. Iń ar boeha Sosthenes do Korinthi nagraha reakʼ Isorakʼ manḍerren hoṛko ṭhen, metakʼme ape ṭhen liń oletʼkana. Mạsi Jisu sãote jopoṛao hotete Isor do acʼakʼ monsubạ leka apeye bachao doho akatʼpea ar acʼren hoṛko hoyokʼ lạgitʼe hohoakatʼpea. Ape ṭhen ar eṭakʼ sanam jaegare okoe do aboren Probhu Jisu Mạsi Probhu Isor menteko aṅgocede onko ṭhen ạliń do noa ciṭhi liń oleda. Uni do aboren ar onkoren hõ Probhu Isor kanae.

1 Johan 4:14

Alele ńelakadea ar gohale emetʼkana, Baba do manwakoren babańcaoicʼ mente Hopone kolkedea.

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.

Titus lạgitʼ Pạul Apostolakʼ ciṭhi 3:6

Aboren babańcaoicʼ Jisu Mạsi hotete uni do sonot Jiue danatʼ bona.

Titus lạgitʼ Pạul Apostolakʼ ciṭhi 3:4

Menkhan aboren babańcaoicʼ Isorakʼ daya ar dulạṛ abore sodoren khan uni do kại khone bańcaoketʼ bona.

Titus lạgitʼ Pạul Apostolakʼ ciṭhi 2:13

ar aboren maraṅ Isor ar babańcaoicʼ Jisu Mạsiyakʼ ṭhonok reakʼ sodorokʼ do rạskạte bon ńelhor akae tahen.

Titus lạgitʼ Pạul Apostolakʼ ciṭhi 2:10

kisạ̃ṛkoakʼ jinisko aloko kombṛoema, bickom sanamakʼre pạtiạr kanako menteko sạbudokʼma, jemon aboren babańcaoicʼ Isorakʼ oka cecetʼakʼ menakʼ ona joto secʼ khon mońj okocʼteko benao rakabokʼ.

1Timothi 4:10

Onate murukte bon mehnoteda arbon lạgiyạ paṛao akana, ente abo do jiwetʼ Isorre bon as akana. Uni do sanam manwakoren babańcaoicʼ kanae, asokaete okoe do unireko pạtiạu akan.

1Timothi 2:3

Aboren babańcaoicʼ Isorakʼ mẽtʼãhã samaṅre ona do bhagegea ar onatege uni doe kusikʼa.

Galathiko lạgitʼ Pạul Apostolakʼ ciṭhi 1:11

E boehako, baḍae ocoyetʼpe kạnạń, oka bhage sombat iń jạhirakawatʼpe ona do jãhãe manwa hotete benaoakʼ katha do baṅkana.

Jesaea 45:21

Dela, mambla samaṅtape, dạkhiltape; ar mitʼsãote sopolhaepe. Niạ ghoṭna hoyokʼ ona do laha khon okoeye men akawatʼpea? Sedaeakʼ ona do lahare okoeye sodor akada? Iń Probhu Isorge cetʼ ona do bạń onka akada? Iń chaḍa ar cele Isorge bạnukʼkoa; iń do dhoromren Isor kạnạń, ar babańcaoicʼ hõ ińge. Iń chaḍa ar cele Isor hõ bạnuiya.

Jesaea 45:15

E Israelren Isor ar babańcaoicʼ, sạrige am do nonkan Isor kanam okoe do danaṅrem tahenkan.

1 Korinthiko 9:17

Iń do apnar kusiteń porcaretʼ khan, enḍekhan kuṛại do menakʼgetińạ, ar apnar kusite bạń porcaretʼ kanrehõ iń cetanre ona bhar menakʼte onań kạmikana.

Romiko lạgitʼ Pạul Apostolakʼ ciṭhi 1:1

Iń Pạul Jisu Mạsiren golam do Rom nagraharen biswạsiko ṭhen noa ciṭhiń oletʼkana. Isor do acʼren apostol hoyokʼ lạgitʼe hoho akawạdińa ar uniyakʼ bhage sombat porcar lạgitʼ hõe bachao akadińạ.

Luk 1:47

ińren babańcaoicʼ Isor iạte, ińakʼ jiwi do rạskạte perecʼ akana,

Hosea 13:4

Probhu Isore meneda, “Misor khoniń oḍok ạgu akatʼme khon ińkangeạń amren Probhu Isor do. Iń chaḍa ar eṭakʼ Isor do bạnukʼkoa; iń chaḍa ar cele babańcaoko hõ bạnukʼkoa.

Jesaea 63:8

Uni doe men akada, “Khạṭige onko do ińren hoṛ kanako, ar nonkan hopon kanako onko do tishõ bako bepạtiạu ocokʼa,” Ar ona iạtege onkoren babańcaoicʼe hoyena.

Jesaea 60:16

Gogo cetʼleka acʼren hopone nunuae onkage boṅgan hoṛ jạtrenko ar rapajko do akoakʼ bhage bhage jinisko emama. Ar unrem baḍae daṛeakʼa, iń Probhuge amren babańcaoicʼ, amren chakʼḍaoicʼ, ar ińge Jakobren uni daṛeanicʼ do.

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Jesaea 43:11

Ińge Probhu Isor do, iń chaḍa ar cele babańcaoko hõ bạnukʼkoa.

Jesaea 43:3

ente ińkangeạń amren Probhu, amren babańcaoicʼ Isor, ar Israelren uni sonoticʼ. Iń do amakʼ chaḍao reakʼ dam lekate Misor disạmiń emokʼkana, ar am bodolte do Kus ar Seba disạmge.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Sereńko 106:21

Onkoren babańcaoicʼ Isor doko hiṛińkedea one okoe do Misorre maraṅ ar hahaṛawakʼkoe kạmiletʼ tahẽkan.

Luk 2:11

Teheń do Dạud nagrahare aperen babańcaoicʼe janam akana. Uni doe Probhu Mạsi kana.