Lokas 22:31 - Hay halitá nin Diyos hay kawkanta boy kawkahalita-an (The New Testament Psalms and Proverbs)

³¹ “Simon, Simon,” wani Apo Hisos, “hi Satanas ay pinayagan nin manobok komoyo nin bilang ha mamaliyan ya ampangipapawà nin pali ha apah.

Lokas 22:31 Referans Kwoze

1 Pidro 5:8

Pendanan moyoy sarili moyo boy mag-atap kawo! Hi Satanas ya ka-away moyo ay bilang liyon ya ampamayani nin ampan-aglem ha pantomalà nan manikap nin makonà na.

Impatnag 12:10

Hapa-eg, nakalengè akon pagkahokaw bosis ya ampangibat ha katatag-ayan ha kama-inan nin Diyos ya hay pagkahalità ay ombayri: “Hapa-eg anay pana-on nin pangilibri nin Diyos ha kaganawan tawo ha babon lotà. Impakit nin Diyos ya kapangyariyan nan mamo-on. Hay Arì ya ayin kanayon no alwan hi Pangino-on Hisokristo ya pinilì nin Diyos ay hiya hapa-eg ya ma-in karapatan mamo-on. Hatoy allo yabi nin an-omarap ha Diyos nin mamingga ha pawpatel tamo ay impataplag ha babon lotà.

Gawgawà 9:4

Natomba ya ha lotà boy nakalengè ya nin bosis ya naghalità kona nin ombayri: “Sawlo, Sawlo, antà ampadya-dya-an mo ko?”

Lokas 10:41

“Marta, Marta,” wani Apo Hisos, “angkagolo ka boy angkataranta ka nin banà ha malakè ya bagay;

Matiyo 4:10

Hapa-eg, tinombay kona hi Apo Hisos, “Mog-alih ka bayri,” wana, “Satanas, ta ombayri ya nakaholat ha Halità nin Diyos: ‘Homamba ka ha Pangino-on mon Diyos boy hiyan bongat ya pagsirbiyan mo.’”

Matiyo 26:30

Hin nayarì hili Apo Hisos nin nagkantan pamasalamat ay nako hila ha Bakil nin Aw-olibo.

1 Korinto 5:5

habaytoy ombayroy tawo ay ipa-olay moyo koni Satanas, ta maka maghehe ya no makaranas ya nin kadya-dya-an boy hay kalolowa na ay malibri ha allon magbira hi Pangino-on Hisos.

2 Korinto 2:11

Mamatawad tamo emen agtamo maloko ni Satanas, ta tandà tamoy kagalingan na nin manaktika.