Kawkanta 40:8 - Hay halitá nin Diyos hay kawkanta boy kawkahalita-an (The New Testament Psalms and Proverbs)

⁸ Labay kon honolen ya kalabayan mo, Pangino-on kon Diyos. Hay kawkapanogo-an mo ay ahè angka-alih ha nakem ko.”

Kawkanta 40:8 Referans Kwoze

Roma 7:22

Matibolos ya nakem kon homonol ha an-ipanogò nin Diyos.

Howan 4:34

Hinalità konla ni Apo Hisos “Bilang pamamangan ko,” wana, “ya panhohomonol ko ha kalabayan nin Diyos ya nangihogò kongko boy ha panyarì ko nin trabaho ya inggawà na kongko.

Kawkanta 119:16

An-ikaliga koy pawpanogò mo boy agko liwawan ya nakaholat ha kaholatan mo.

Kawkanta 119:24

An-ikaliga koy pawpanogò mo ta habaytoy ampanwawali kongko.

Kawkanta 119:47

An-ikaliga ko ya panhohomonol ko ha pawpanogò mo, ta habayti ay ampa-alaga-an ko.

Kawkanta 119:92

No alwan pawpanogò mo ya ampakapaliga kongko ay nati koyna rayi nin kadya-dya-an ko.

Kawkanta 112:1

Poriyen moyoy Pangino-on. Makalmà ya tawoy anggomalang ha Pangino-on, boy masyado nan an-ikaliga ya panhohomonol na ha an-ipanogò nin Pangino-on.

Kawkahalita-an 3:1

Anak koy lalaki, agmo liwawan ya an-itorò ko komo. Pirmi mon panemtemen ya anhalita-en kon gaw-en mo.

Roma 8:29

Pa-ibat hin ka-ona-onawan ay tandà ana nin Diyos no hinoy mipananggap kona, boy pinilì na hila nin mag-in emen ha Anak na ya hi Pangino-on Hisos. Ha ombayro, ha kalak-an mipapatel ay hi Pangino-on Hisos ya makapangyayari konla.