Kawkanta 133:1 - Hay halitá nin Diyos hay kawkanta boy kawkahalita-an (The New Testament Psalms and Proverbs)

¹ Anyaynan kahampatan boy kagandawan nin makit ya mipapatel ha Pangino-on ya ampilalamo ya ma-in pagmimiha!

Kawkanta 133:1 Referans Kwoze

1 Pidro 3:8

Habayti hapa-eg ya halita-en ko ay para komoyon kaganawan ampipantompel ha Diyos. Dapat kawon milalamo nin mahampat boy midadamay kawo; milalabi kawo nin bilang mipapatel. Magkama-in kawon ogalì ya ma-ingangalowen boy magma-aypà kawon nakem ha miha ta miha.

1 Korinto 1:10

Hapa-eg, andawaten ko komoyon pawpatel, alang-alang ha ngalan ni Pangino-on tamon Hisokristo, ya hikawoy kaganawan ay misosondò ha kaganawan anhalita-en moyo emen agkawo magkanyakanyan gropo boy emen malobos ya pagmimiha moyo ha pangingihip boy opinyon moyo.

Howan 13:35

No ma-in kawon pamilalabi ay matanda-an nin kaganawan tawo ya hikawo ay aw-alagad ko.”

Hibriyo 13:1

Hitamoy mipapatel nin banà ha pantotompel koni Pangino-on Hisokristo ay ipagpatoloy tamo ya pamilalabi tamo.

Howan 17:21

An-ipanalangin koy mangapimimiha dayi ya nakem lan kaganawan. Tatay, hila ay makimiha dayi konta, bilang komo ya anti kongko boy bilang kongko ya anti komo. Mangapimimiha hila dayi emen hay tawtawoy ahè antompel komo ay minto-o nin hiko ay inhogò mo.

Kawkanta 131:1

Pangino-on, ayin akon nakem ya mapagmalhay boy alwa kon hambog nin manegteg. Agko ampaki-emen ha mangaldeg ya labay totolen nin bawbagay ya kawkapapa-ispanta ya agko angka-intindiyan.

Kawkanta 122:1

Hay towà ko hin ma-in naghalità kongko nin ombayri: “Mako tamo ha bali nin Pangino-on.”

Kawkanta 124:1

Ma-arì nin ombayri ya halita-en nin aw-inalalak ni Israyil: no agtamo kinampiyan nin Pangino-on hin kowinta dinawohong tamo nin kawka-away tamoy masyadon ampipamayani ay kowinta in-amon la tamoy angkabiyay;

Markos 3:25

boy no ampi-a-away ya tawtawoy ampa-iri ha mimihay bali ay ahè bomoyot ya pamilalamo la.