Kawkanta 119:24 - Hay halitá nin Diyos hay kawkanta boy kawkahalita-an (The New Testament Psalms and Proverbs)

²⁴ An-ikaliga koy pawpanogò mo ta habaytoy ampanwawali kongko.

Kawkanta 119:24 Referans Kwoze

Kawkanta 119:92

No alwan pawpanogò mo ya ampakapaliga kongko ay nati koyna rayi nin kadya-dya-an ko.

Kolosas 3:16

Hay aral ni Pangino-on Hisokristo ay pakapapanatiliyen moyo ha nakem moyo. Paka-osayen moyoy pamitotorò moyo, mipapangaralan kawo, boy magkanta kawo nin pamomori ha Diyos boy pamasalamat ya ampangibat ha nakem moyo.

Kawkanta 119:16

An-ikaliga koy pawpanogò mo boy agko liwawan ya nakaholat ha kaholatan mo.

Kawkanta 19:11

Habayti ya pawpanogò ay ampangitorò kongko ya magsisirbi mo emen agko makapagkasalanan, boy habayti ay mambin ikahampat ko no honolen ko.

Kawkanta 119:162

An-ikaliga koy pangakò mo nin bilang ha tawoy nakatompak nin kayamanan.

Kawkanta 119:143

Ma-in nilomateng kongkoy kagolowan boy kagipitan, piro hay pawpanogò mo ay nambin kaligawan kongko.

Kawkanta 119:77

Dayi ay ingalowan mo ko emen ako et mabiyay, ta an-ikaliga koy pawpanogò mo.