Kawkanta 1:2 - Hay halitá nin Diyos hay kawkanta boy kawkahalita-an (The New Testament Psalms and Proverbs)

² no alwan hay an-ikaliga na ay hay nakaholat ya Halità nin Pangino-on, boy allo yabi nan ampi-awengen.

Kawkanta 1:2 Referans Kwoze

Kawkanta 119:92

No alwan pawpanogò mo ya ampakapaliga kongko ay nati koyna rayi nin kadya-dya-an ko.

Kawkanta 119:11

Hay Halità mo ay panatiliyen ko ha nakem ko emen agko makapagkasalanan komo.

Roma 7:22

Matibolos ya nakem kon homonol ha an-ipanogò nin Diyos.

Kawkanta 119:35

Itoto mo ko ha pawpanogò mo ta habaytoy ampakapaliga kongko.

Kawkanta 112:1

Poriyen moyoy Pangino-on. Makalmà ya tawoy anggomalang ha Pangino-on, boy masyado nan an-ikaliga ya panhohomonol na ha an-ipanogò nin Pangino-on.

Kawkanta 104:34

Dayi, hay kanta ko ay makapakonsowilo kona mintras angkantawen koy pamomori ko kona nin ma-in katowa-an.

Kawkanta 40:8

Labay kon honolen ya kalabayan mo, Pangino-on kon Diyos. Hay kawkapanogo-an mo ay ahè angka-alih ha nakem ko.”

Kawkanta 119:1

Makalmà ya ampipamiyay nin ayin ma-ipintas konla ta hila ay anhomonol ha pawpanogò nin Pangino-on.

1 Howan 5:3

Ombayri ya panlalabi tamo ha Diyos: honolen tamo ya pawpanogò na. Hay pawpanogò na ya an-ipahonol na kontamo ay alwan ma-irap honolen.

1 Timotiyo 4:15

Geperan moy katongkolan mo boy pangataw-anan mo emen makit nin kaganawan ya lalò kan ampagkama-in nin kahampatan.

Kawkanta 119:72

Hay pawpanogò ya inggawà mo ay mas ma-alagà kongko kisa liboliboy pirason pilak boy gintò.

Lokas 2:37

boy walompò boy apat ya ta-on anay nalabah pa-ibat hin nati ya ahawa na. Agyayna ampog-alih bayro ha lo-ob bali nin Diyos ta allo yabi ay anhomamba ya ha Diyos; boy ha pananalangin na ay mabetbet yan magpaltan mangan.

2 Timotiyo 1:3

Allo yabi ay pirmi katan an-ipanalangin boy hika ay ampasalamatan ko ha Diyos ya ampagsirbiyan ko nin malinis ya nakem nin bilang pagsisirbi hin hato nin kawka-apo-apowan ko.

1 Tisalonika 2:9

Warì agmoyo angkapanemteman, pawpatel, ya hin anti kayi bahen komoyon ampangi-aral nin Mahampat ya Balità ay nagpagal kayi nin nagtrabaho? Allo yabi kayin ampagtrabaho emen agkayi makabyat komoyo.

Lokas 18:7

No nagawà na baytoy ombayro, ahè warì lalò tambayan nin Diyos ya tawtawoy pinilì na ya allo yabi nin ampakirawat kona? Agna hila warì tampol tobayen?

Kawkanta 88:1

Pangino-on Diyos ya Mapangilibri kongko, allo yabi kon andoma-ing komo.