Kawkahalita-an 6:6 - Hay halitá nin Diyos hay kawkanta boy kawkahalita-an (The New Testament Psalms and Proverbs)

⁶ Hikay tawo ya matamlad, emen ka domonong ay pag-aralan moy pamamaraan nin aw-ayà.

Kawkahalita-an 6:6 Referans Kwoze

Kawkahalita-an 20:4

Hay mamaliyan ya matamlad mangararo nin paliyan na ha tamà ya pana-on ay ampakilimoh ta ayin na-alawah.

Kawkahalita-an 18:9

Hay tawoy matamlad ay patel nin tawoy mapanirà.

Kawkahalita-an 6:9

Piro hikay tawo ya matamlad, anggan makano kaboyot ya pangatoloy mo, boy makano ka mibangon ha pamimirà mo?

Hibriyo 6:12

Agnawen labay ya magtamlad kawo ha panhohomonol ha Diyos, no alwan towaren moyo baytoy ampipantompel ha Diyos, hatoy tawtawo hin hato ya nipagpasinsyan nangantì anggan tinanggap lay impangakò konla nin Diyos.

Kawkahalita-an 13:4

Maski pangnoy paghangad nin matamlad ya tawo nin anyaman ya bagay ya labay na ay talagan agna makwa. Hay masikap magtrabaho ay makwa nay anyaman ya bagay ya labay na.

Matiyo 25:26

“Hapa-eg, hinalità kona nin hatoy amo na, ‘Hika,’ wana, ‘ya mala-et boy matamlad ya alilà! Tandà mo awod ya ampangalawah ako nin agko intanem boy ampakinabang ha agko pinagpagalan.

Kawkahalita-an 30:25

aw-ayà ya maski mangakapey, no ka-ingitan ay ampakatipon nin pamamangan;

Roma 12:11

Pakahipeg kawo boy pakatibolosen moyoy nakem moyo nin magsirbi ha Pangino-on.

Kawkahalita-an 21:25

Hay tawoy matamlad ya ahè labay magtrabaho ay emen nan ampatyen ya sarili na.

Kawkahalita-an 19:15

Hay tawoy matamlad ya kapangakatoloy ay mabitlan.

Kawkahalita-an 22:13

Hay tawoy matamlad ay malakè ya anggaw-en ya bara-nan emen bongat agya magtrabaho. Anhalita-en na ya no lomikol ya ay maka ma-in liyon ya mangnà kona.

Kawkahalita-an 10:26

Agka mangwan matamlad ya tawo ya patrabahowen mo nin para komo ta masora kan bongat nin bilang ha ngipen mo ya nangilah nin hokà boy bilang ha mata mo ya angka-ahokan.

Kawkahalita-an 19:24

Hay tawoy matamlad, ha katamlaran na, maski ihohobò nayna ay agna et magawà dampoten.

Matiyo 6:26

Helken moyoy mawmanokmanok! Aghila ampananem ni ampangalawah nin ikamalig la, piro hay Tatay tamoy Diyos ya anti ha katatag-ayan ha kama-inan na ay ampangasiwà konla. Alwa nayì mas kawon ma-alagà kisa ha mawmanokmanok?

Kawkahalita-an 15:19

Hay matamlad, maski ayri mako ay magdanas kadya-dya-an, piro hay tawoy tapat ay mapalindaway.

Kawkahalita-an 1:17

Ayin kowintay pangikanà nin hilò no hay manokmanok ya hihilo-en ay nakabantay.

Kawkahalita-an 23:19

Manlengè ka, anak koy lalaki; pakaronong ka boy ihipen mo no pangno homampat ya biyay mo.

Kawkahalita-an 30:24

Ha babon lotà ay ma-in apat ya klasin ayop ya maski pagkayawyamò ay masyadon mangaronong:

Kawkahalita-an 10:4

Hay tawoy matamlad ay ampag-irap, piro hay mahipeg ay anyomaman.