Kawkahalita-an 13:3 - Hay halitá nin Diyos hay kawkanta boy kawkahalita-an (The New Testament Psalms and Proverbs)

³ Hay tawoy mapi-aweng ha paghahalità ay angka-i-atap nay sarili na, piro hay tawoy ayin pi-aweng maghalità ay anhira-en nay sarili na.

Kawkahalita-an 13:3 Referans Kwoze

Kawkahalita-an 21:23

No labay mon mapa-alilihan ya kagolowan ay mag-atap ka ha paghahalità mo.

Kawkahalita-an 18:21

Hay anhalita-en mo ay ma-arì makab-in kamatyan mo o makapilibri nin biyay mo; ka-ilangan tanggapen mo ya mag-in bonga nin anhalita-en mo.

Kawkahalita-an 18:7

Hay ampakahirà ha tawoy tangah ay mismon anhalita-en na, boy habayto ya ampakahagpan kona.

Kawkanta 39:1

Hinalità ko ha sarili ko ya ombayri: “Hiko ay paka-atap ha gaw-en ko boy agko maghalità nin makapakasalanan kongko. Agko maghalità nin maski anya no ma-in mala-et ya tawo ha dani ko.”

Kawkahalita-an 10:19

Hay tawoy masalità ay ampakapagkasalanan. Hay tawoy maronong ay alwan matlek.

Kawkahalita-an 20:19

Hay madaldal ay ahè masikritowan; kayà agka makilamo ha tawoy madaldal.

Santiyago 1:26

Hay tawoy ampangipalagay nin hiya ay rilihyoso, piro agna ampendanan ya dilà na nin maghalità kala-etan ay anlokowen nan bongat ya sarili na, boy hay rilihyon na ay ayin kowinta.

Kawkahalita-an 12:13

Hay tawoy mala-et ay angkahagep ha sarili nan paghahalità, piro hay mahampat ya tawo ay angka-i-atap nay sarili na ha kagolowan.

Kawkanta 34:13

No ombayro ay tonggen kawon maghalità nin kala-etan boy kawkabongkokan.

Kawkanta 141:3

Pangino-on, pendanan mo ko ha paghahalità ko.

Kawkahalita-an 10:14

Hay tawtawoy mangaronong ay ampangantì nin tamà ya pana-on nin ibalità la ya tinandà la, piro hay anhalita-en nin tawoy tangah ay ampakahirà ta agna ampi-awengen ya anhalita-en na.

Kawkahalita-an 13:4

Maski pangnoy paghangad nin matamlad ya tawo nin anyaman ya bagay ya labay na ay talagan agna makwa. Hay masikap magtrabaho ay makwa nay anyaman ya bagay ya labay na.

Kawkahalita-an 10:8

Hay tawoy maronong ay anhomonol ha maganday wawali, piro hay tawoy ampaghalità nin kalokowan ay sarili na ya anhira-en na.

Kawkahalita-an 14:3

Hay hawhalità ya an-ipagmalhay nin tawoy tangah ay emen garoti ya andompà ha bokot na, piro hay hawhalità nin tawoy mahampat ay ampakapi-atap kona.