Kawkahalita-an 12:25 - Hay halitá nin Diyos hay kawkanta boy kawkahalita-an (The New Testament Psalms and Proverbs)

²⁵ Hay tawoy pirmin angkahlak ay alwan maliga, piro hay mahampat ya hawhalità ay ampakapakhaw nakem na.

Kawkahalita-an 12:25 Referans Kwoze

Kawkahalita-an 16:24

Hay mahampat ya hawhalità ay emen ha matam-ih ya polot ya ampakapalighan nawini.

Kawkahalita-an 15:13

Hay tawoy maliga ay makit moy kaligawan ha lopa na, piro hay tawoy malelè ay kalele-an ya makit ha lopa na.

Kawkahalita-an 17:22

Hay tawoy maligay kanakeman ay pirmin maligha, piro hay ampagkonsimisyon, hay nawini na ay kapanlolomaya.

Kawkahalita-an 15:23

Maligay tawo no hay hinalità na ay tamà boy tamà ha pinanggamitan.

Kawkahalita-an 12:18

Ma-in tawtawo ya makhit maghalità nin bilang ha hondang ya no makahogat ay malalè. Hay hawhalità nin tawtawoy mangaronong ay ampakapakahampat nin bilang ha tambal.

Kawkahalita-an 27:9

Hay asiti boy pabangoh ay ampakapaligha; ombayro itaman ha mita-amigo ya maheney pami-amigo.

Kawkanta 42:11

Ombayri ya hinalità ko ha sarili ko, “Antà masyado kon maglelè boy magolo? Hay gaw-en ko ay omasa ko ha Diyos boy poriyen ko yan oman, ta hiya ya Diyos ko ya Mapangilibri kongko.”

Kawkahalita-an 18:14

Hay kakhawan nakem ay ampakatambay ha tawoy ma-in angkatanam, piro hay makapey ya nakem ay angka-alihan nin pag-asa.

Kawkahalita-an 25:11

Hay halità ya tamà boy tamà ha pana-on ay emen ha gintò ya impababo ha pilak ya magandan patagen.

Kawkanta 38:6

Hiko ay nakayoyongoh nin banà ha kalele-an ko, boy ayin tegen ya pami-a-anito ko.

Kawkahalita-an 15:15

Hay tawoy ma-irap ay pirmin angkahlak, piro hay tawoy maliga ay pirmin ampagkama-in kaligawan ha biyay na.

Kawkahalita-an 14:10

Ayin makapaki-atag nin kaligawan o kalele-an ya ma-in komo.

Kawkahalita-an 12:26

Hay tawoy mahampat ay ampangitoto nin kapara nan tawo, piro hay tawoy mala-et ay ampitawon ha kala-etan na.

Kawkahalita-an 15:30

No hay lopan ka-ilgo mo ay maliga ay lomiga ka, boy no mahampat ya balità ya angkalengè mo ay lomigha ka simpri.