Hibriyo 13:6 - Hay halitá nin Diyos hay kawkanta boy kawkahalita-an (The New Testament Psalms and Proverbs)

⁶ Kayà makhaw ya nakem tamon maghalità nin ombayri: “Hay Pangino-on ay ampanambay kongko; kayà agko malimo ta warì ma-in tawoy makagawà kongko nin kala-etan?”

Hibriyo 13:6 Referans Kwoze

Roma 8:31

Anyaman et ya mahalità tamo ya tongkol ha bawbagay ya habayto? Ma-in warì makapangno kontamo hapa-eg ha anti kontamo ya Diyos?

Kawkanta 124:8

Hay tambay kontamo ay mangibat ha Pangino-on ya namalsa nin langit boy lotà.

Hibriyo 4:16

Banà ta ma-in ampangipakisondò kontamo ha Diyos ay agtamo mag-alangan nin pakarani ha Diyos ya ampambin kahampatan ingangalo kontamo. Ha pangingangalo na, anyaman ya oras nin ka-ilanganen tamoy tambay na ay igwà na kontamo no pakarani tamo kona.

Kawkanta 56:4

Ampahimalà ako ha Diyos boy amporiyen ko ya ha pawpangakò na. Hiko ay ampahimalà kona; kayà agko angkalimo. No tawon bongat ya kapariho ko ay ahè makapangno kongko.

Matiyo 10:28

Agmoyo kalimowan ya mapamati ta nawini moyon bongat ya kaya lan patyen, piro hay kalolowa nin pinati la ay agla mapati; no alwan hay kalimowan moyo ay Diyos ya ma-in kapangyariyan mamati nin nawini boy mantan nin kalolowa ha impirno.

Kawkanta 54:4

Tandà ko ya hay ampanambay kongko ay Diyos; hiya ya Pangino-on ya ampangidipinsa kongko.

Kawkanta 33:20

An-omasa kayi ha Pangino-on nin tambayan na kayi boy hiya ya pinagkahalanggà nawen.

Kawkanta 63:7

Banà ta hika ya ampanambay kongko ay magtowà ako ha pangongopkop mo kongko.

Kawkanta 94:17

No agko tinambayan nin Pangino-on ay nati koyna rayi.

Kawkanta 40:17

Maski apih ako boy ampanga-ilangan ay ampanemtemen akon asiwa-en nin Pangino-on. Hika ya Diyos ko ya ampanambay boy ampangilibri kongko; kayà tampol mo ko dayin tambayan.

Ipiso 3:12

Hapa-eg, banà ha pamakilamo tamo koni Pangino-on Hisokristo ta tinompel tamo kona ay ma-in tamon kakhawan nakem boy pamahimalà nin pakarani ha Diyos.

Kawkanta 27:9

Agmo ko dayi pakarayo-an. Hiko ya magsisirbi mo ay agmo dayi pamahangan nin pa-alihen. Hika ya ampanambay kongko; kayà agmo ko dayi alihan boy pa-olayan, ta hika ya Diyos ko ya mangilibri kongko.

Kawkanta 146:3

Agkawo pahimalà ha ampipamo-on, o ha hinoman ya ahè makapilibri komoyo.

Hibriyo 10:19

Pawpatel ko, hapa-eg ay ma-in tamoynan karapatan pakarani nin homamba ha Diyos. Ha ombayro ay kowinta ampakalo-ob tamoyna ha Pinakamasagradoy Kowarto nin Diyos. Makapaki-ilgo tamoyna kona banà ha pantolò dayà ni Pangino-on Hisos hin nati ya.