Yowane 16:11 - Yaubada wasana: Buka Hauhauna tupwana

¹¹ Yo Yaubada yona hekasa unai kabo ye hemasalaha kalidiwai meta Yaubada kabo hinage tamowai ye hekasadi, matawuwuna ede tanoubu ta yona wasawasa ye hegilunonohaiyako.

Youbada wasana: Buka Houhauna tupwana

¹¹ Yo Yaubada yona hekasa unai kabo ye hemasalaha kalidiwai [meta Yaubada kabo hinage tamowai ye hekasadi,] matawuwuna ede tanoubu ta yona wasawasa ye hekasayako.

Yowane 16:11 Referans Kwoze

Yowane 12:31

Na teina mahana ta unai Yaubada kabo tanoubu ta ye hekasa, yo tanoubu ta yodi wasawasa yona gigibwali kabo ye hetatagwaligwali.

Hebelu 2:14

Yaubada natunao ne buluma yo kwasina unai ye ginaulidi, unai Yesu hinage ye hemala buluma yo kwasina gonogonowana doha siya, meta kabo gonowana yona boita unai boita tanuwagana, iya ede Satani, yona gigibwali ye koigwaligwali,

Kolose 2:15

Tanoubu ta gigibwalidiyao yo tanuwagadiyao yodi gigibwali Yaubada ye haigabaei ede boda matadiyena ye hemwadinedi, yo ye hekitadi meta sataulo wa unai ye saedikwaidiko.

Yowane 14:30

Yau taba nige gonowana ya hedehededekalili kalimiuwai, matawuwuna ede tanoubu ta taukitahetetena ye laolaoma. Iya nige yona gigibwali gonowana bena kabo ye saedikwaigau.

Hebelu 9:27

Doha ede tamowai ye boita ma kesega mo na mulinawai kabo ye masalaha hekasa mayadaina unai,

Hebelu 6:2

babatiso yo nimatolesaena kulu unai, boita toloꞌuyona yo hekasa mayadaina.

Apostolo 10:42

Na ye hededelaoma bena ka lauguguya tamowai udiyedi yo bena ka hemamohoiyei meta iya Yaubada yona kaisunuwa tamowaina bena tausilasilawa yo tauboiboita tauhinelidi yo tautolehekasadi.

Mataiyo 12:36

Na ya hededelaowa, Yaubada yona huyahineli mayadaina ne unai kabo tamowai maudoidi se tolo Yaubada matanaena na hedehedede yababadi saha se hededediko wa maudoidi kabo se hededehemasalahadi.

Mataiyo 12:18

“Teina ta yogu kaisunuwa tamowaina, yo iya yogu heyayai tauhaina tamowaina ede. Iya ya gadosisiyei, yo ya gwauyalakalili kalinawai. Yaluwagu kabo ya mosei iya unai na yogu kabihemauli wasana kabo ye hededehemasalaha dagela tamowaidiyao udiyedi.

Apostolo 26:18

Ya henuwa taba ku hededelau udiyedi na se kitalobai, na masigili se laugabae se lau mala unai, yo diyabolo yona gigibwali sunumadi se hekaiyawasidi na se nuwabui se lau Yaubada unai. Na yodi sunuma debanaena kabo yodi yababa ya nuwatugabaedi yo ya tolelaedi yogu tamowai udiyedi.’

Apostolo 24:25

Na Paulo ye hedehedede meta yoda miyamiya bena se dudulai Yaubada matanaena, yo tabu gadosisi yababadiyao yo nuwatu yabayababadiyao ta hemuhemuliwatanidi, yo ye hededehemasalaha meta lauhetala lakilakina sola kabo ye laoma. Peliki hedehedede wa ye lapuidi meta ye siliyata yo ye matausikalili, unai ye wane, “Paulo, nabada, na ku lau. Na ena solasola hesau ya lobai kabo ya hedede ku uyoma.”

Yowane 16:12

Yau kaliguwai nuwanuwatu se bado bena kabo ya hedededi kalimiuwai. Na se badokalili, unai nige gonowana maudoidi kwa nuwatuhekahinidi.