Yowane 10:36 - Yaubada wasana: Buka Hauhauna tupwana

³⁶ Na yau ya hedede ya wane, yau Yaubada natuna. Na matawuwuna saha to kwa hegilugau meta Yaubada ya hededeheyaheyababa? Tamagu ye kaisunuwaigau na ye hetamaligau ya laoma tanoubu ta unai.

Youbada wasana: Buka Houhauna tupwana

³⁶ Na yau ya hedede ya wane, yau Yaubada Natuna. Na matawuwuna saha to kwa hegilugau meta Yaubada ya hededeheyaheyababa? Tamagu ye kaisunuwaigau [yogu paisowa ta hesabana] na ye hetamaligau ya laoma tanoubu ta unai.

Yowane 10:36 Referans Kwoze

Yowane 3:17

Yaubada natuna ye hetamaliyama nige bena tanoubu ta ye hegilu, na bena ye gilihai.

Yowane 20:31

Na saha ya kulidi ta, udiyedi bena kabo kwa kawamamohoi meta Yesu iya Keliso, iya Yaubada natuna. Na yomi sunuma debadiwai kabo iya hesanawai mauli kwa hai.

Yowane 6:27

Tabu kwa paisowa kai pwasapwasana mo hesabana, na bena hinage kwa paisowa kai miyatahitahina hesabana. Iya kabo mauli nige kana siga ye leyawa. Teina kai ta kabo Tau Natuna ye leyawa, matawuwuna Tamana Yaubada gigibwali ye moseyako kabo gonowana kai ta ye leyawa.”

Yowane 20:28

Tomasi ye hededelau unai ye wane, “Kowa yogu Guiyau yo yogu Yaubada.”

Yowane 19:7

Na Dius tauwoyaidi se hededebui se wane, “Kai meta yoma laugagayo hesau, na laugagayo ne debanawai iya taba ye boita, matawuwuna ede ye hedede meta bena iya Yaubada natuna.”

Yowane 17:21

Na ya kaibwadaigo meta maudoidi kabo se nuwakesega, doha kowa ede kaliguwai yo yau ede kalimwai. Siya hinage bena kalidawai, unai tanoubu maudoidi kabo se kawamamohoi meta kowa ku hetamaligauma.

Yowane 17:18

Na kowa meta ku hetamaligau ya dobima tanoubu ta, unai yau hinage ya hetamalidi se lau tanoubu ta unai.

Yowane 17:8

Matawuwuna hedehedede ku ledima wa ya moseidi kalidiwai na se haidi. Yo kabina se katakalili meta kowa kalimwai ya dobima yo se kawamamohoi meta kowa ku hetamaligauma.

Yowane 6:69

Ka kawamamohoiyego yo kabim ka kata meta kowa Tabuna Yaubada unai ku laoma.”

Yowane 6:57

Tamagu tauhetamaligauma wa, iya mauli wuwuna na iya unai yau ya maumauli, na kaiteya bulumagu ne unai ye kaikai yo kwasinagu ne unai ye numanuma, kabo ye mauli yau debaguwai.

Yowane 6:38

Matawuwuna yau galewa ne unai ya dobima, meta nige bena yau yogu nuwatu ya ginauli, na Tamagu tauhetamaligau yona nuwatu mo bena ya ginaulidi.

Yowane 5:30

Yau nige gonowana ya bom saha hesau ya ginauligaibui. Na saha ya lapui, kabo unai ya hekasa. Na yogu hekasa ne meta ye dudulai, matawuwuna nige yau yogu nuwatu, na tauhetamaligau yona nuwatu ya lauwatani.”

Yowane 3:34

Matawuwuna Yaubada Keliso ye hetamaliyama yo Yaluwa Tabuna unai iya ye hemwayaukaliliyei, ede Yaubada yona hedehedede ye hededehemasalahadi.

Mataiyo 27:43

Yona mauli maudoina unai Yaubada ye sunumaei, na hinage ye wane, ‘Yau Yaubada Natuna.’ Ena mamohoi Yaubada iya ye gadosisiyei kabo ye hesaguhai!”

Galatiya 4:4

Na huyana Yaubada yona kaisunuwa mayadaina mamohoina ye lage meta Yaubada natuna ye hetamaliyama. Waihiu unai ye tubu na ye labasi laugagayo logulogunaena,

Yowane 8:42

Kabo Yesu ye hededelau udiyedi ye wane, “Ena taba Yaubada komiu tamamiu mamohoina, kabo kwa gadosisiyegau. Matawuwuna ede yau Yaubada unai ya dobima na inai ya miyamiya. Nige ya bom yogu nuwatu wai ya dobima, na iya ye hetamaligauma.

Mataiyo 27:54

Huyana iyala kapinana yo yona tauꞌiyala maiyanao Yesu se kitakitahetete wa mwanikuniku yo ginauli saha se tubu wa se kitadi ede se matausikalili na se wane, “Mamohoi, iya Yaubada natuna!”

Yowane 10:35

Kulikuli tabuna nige ye lupo, na kulikuli ne unai ta hasili meta Yaubada yona hedehedede tauhaidi ne ye kataidi siya yaubada.