Maleko 8:12 - Yaubada wasana: Buka Hauhauna tupwana

¹² Yesu nuwana ye kamkamna na ye wane, “Matawuwuna saha to teina isi ta hekihekinoi se kaibwadai? Ya hededemamohoi, taba nige hekihekinoi hesau ya ginauli teina komiu kalimiuwai.”

Youbada wasana: Buka Houhauna tupwana

¹² Yesu nuwana ye kamkamna na ye wane, “Matawuwuna saha to teina isi ta hekihekinoi se kaibwadai? Ya hededemamohoi: Taba nige hekihekinoi hesau ya ginauli teina komiu kalimiuwai.”

Maleko 8:12 Referans Kwoze

Maleko 7:34

Ye kitasae galewa ne unai na katekamkamna nuwana ye mwayau, na ye hededelau tamowai wa unai ye wane, “Epata”, kaniyona ede, “Ku malapai.”

Mataiyo 16:4

Komiu yomi nuwanuwatu se yababa na Yaubada nige kwa kawamamohoiyei, na kwa henuwa bena taba laulau gigigigibwalina hesau kwa kita. Na taba nige hesau kwa kita, na kesega mo kabo ya hekitagomiu, iya ede saha ye tubu Iyona peloweta unai wa.” Kabo Yesu ye laugabaedi na ye lau.

Maleko 9:19

Na kabo Yesu ye hededelau udiyedi ye wane, “Komiu isi ta, yomi sunuma se gagili! Huya lohaloha ya miya maiyamiu, na iyamo nige kwa kawamamohoiyeigau. Wawaya me ku woyaiyama kaliguwai.”

Maleko 3:5

Ye kitahetakikilidi, na ye kouyalayala yo nuwana ye yababa, matawuwuna ede se nuwakwailolokalili. Na ye hededelau tamowai wa unai ye wane, “Nimam ku heleleyama.” Kabo nimana wa ye helelelaei, ede Yaubada nimana wa ye henamwanamwa.

Mataiyo 12:38

Na kabo Paliseya tamowaidiyao yo laugagayo taulauhekataena hekadiyo se laoma Yesu unai se wane, “Taulauhekata, ka henuwa bena laulau gigigigibwalina hesau ku ginauli na ka kita.”

Maleko 8:13

Na kabo ye laugabaedi na waga wa unai ye geluꞌuyo na ye lau hali tanakawasi ne.