Maleko 14:18 - Yaubada wasana: Buka Hauhauna tupwana

¹⁸ Siya sola ma kaikaidi na Yesu ye hededelau udiyedi ye wane, “Ya hededemamohoi! Luwamiu ta unai hesau maiyagu ka kaikaikesega, iya kabo kagu ye walohai.”

Youbada wasana: Buka Houhauna tupwana

¹⁸ Siya sola ma kaikaidi na Yesu ye hededelau udiyedi ye wane, “Ya hededemamohoi kalimiuwai: Luwamiu ta unai hesau maiyagu ka kaikaikesega, iya kabo kagu ye walohai.”

Maleko 14:18 Referans Kwoze

Yowane 6:70

Na Yesu ye hededebui ye wane, “Komiu saudoudoi-labui ta ya kaisunuwaigomiu, na iyamo luwamiu ne unai meta kesega iya Satani yona taupaisowa.”

Yowane 6:47

Ya hededemamohoi kalimiuwai: Kaiteya ye sunuma kaliguwai meta iya mauli nige kana siga ye hai.

Yowane 13:38

Na kabo Yesu ye hededebui ye wane, “Mamohoi, kabo ku boita yau hesabagu? Ya hededemamohoi kalimwai, meta teina boniyai ta unai pwaole hakiyana sola taba nige ye dou, na kabo ku uhalaeigau ma haiyona.”

Yowane 13:21

Yesu teina ye hedede na mulinawai nuwana ye pilipili, ede ye hedede ye wane, “Ya hededemamohoi kalimiuwai meta kami kaha hesau kabo kagu ye walohai.”

Yowane 6:32

Yesu ye hededelau udiyedi ye wane, “Ya hededemamohoi kalimiuwai: Galewa pwalawana meta Mose iya nige ye leyawa, na Tamagu iya galewa pwalawana mamohoina tauleyawana ede.

Yowane 6:26

Yodi henamai wa Yesu ye bui ye wane, “Ya hededemamohoi kalimiuwai: Kwa wasewaseneigau ta meta nige laulau gigigigibwalidi kwa kitadi wa debadiwai, na pwalawa kwa kaidi na bogamiu se sese wa debadiwai.

Yowane 5:19

Ede Yesu ye hededelau udiyedi ye wane, “Ya hededemamohoi kalimiuwai: Natu nige gonowana saha ye bom ye ginauli, na saha Tamana ye ginauli ye kita kabo ye ginauliwatani. Matawuwuna Tamana ginauli saha ye ginauli, Natuna hinage kabo ye ginauliwatani.

Yowane 3:11

Ya hededemamohoi kalimwai: Saha kabidi ka kata meta ka hedehededeidi, yo saha ka kitadi meta ka hededehemasalahadi kalimiuwai. Na iyamo yoma hedehedede ta nige kwa haidi.

Yowane 3:5

Yesu ye hededelau unai ye wane, “Ya hededemamohoi kalimwai, ena tamowai hesau nige labasi helabuina ye hai waila yo Yaluwa udiyedi, meta taba nige ye lusolalau Yaubada yona basileiya unai.

Yowane 3:3

Yesu ye hededebui ye wane, “Ya hededemamohoi kalimwai, ena tamowai hesau nige labasi helabuina ye hai, meta nige gonowana Yaubada yona basileiya ye kita.”

Yowane 1:51

Yesu yona hedehedede ye tubei ye wane, “Ya hededemamohoi kalimiuwai kabo galewa kwa kita ye tasoke, na Yaubada yona anelu se dobidobima Tau Natuna unai yo se seuseuyo.”

Maleko 14:25

Ya hededemamohoi: Wine masina taba nige ya numaꞌuyoi ye lau ee Yaubada yona basileiya unai kabo waina hauhauna ya numaꞌuyoi.”

Maleko 14:9

Ya hededemamohoi: Kabo ewaneliya ta se lauguguyaei tanoubu ye tauhetakikili unai, na teina waihiu ta saha ye ginauli wa kabo hinage se hedehededei, iya kabanuwanuwatuina.”

Maleko 10:29

Yesu ye hededelau udiyedi ye wane, “Ya hededemamohoi: Kaiteya yona numa, kana kahao, lounao, tamana, sinana, natunao, yo yona koya ye laugabaedi yau debaguwai yo ewaneliya debanawai,

Maleko 10:15

Ya hededemamohoi: Kaiteya tamowai Yaubada yona basileiya nige ye hai ma sunumana doha wawaya gagilina ta, meta taba nige ye lusola Yaubada yona basileiya unai.”

Maleko 9:41

Ya hededemamohoi: Kaiteya waila kaputina ye leyawa yau hesaguwai matawuwuna kowa Keliso yona, unai kainauya kabo ye hai.”

Maleko 9:1

Na kabo Yesu ye hededelau udiyedi ye wane, “Ya hededemamohoi. Hekadi inai taba nige se boita kana siga Yaubada yona basileiya se kita ye lagema ma gigibwalina.”

Maleko 8:12

Yesu nuwana ye kamkamna na ye wane, “Matawuwuna saha to teina isi ta hekihekinoi se kaibwadai? Ya hededemamohoi, taba nige hekihekinoi hesau ya ginauli teina komiu kalimiuwai.”

Maleko 6:11

Ena kaiteya magai nige se yogaisinigomiu, yo yomi hedehedede nige se lapuidi, meta kwa laugabaei na kaemiu nagalidi mo kwa koinihinihiyedi. Temeta ye hemala magai ne yodi hekihekinoi.”

Maleko 3:28

Ya hededemamohoi: Yababa maudoidi yo Yaubada hededeyababaina Yaubada kabo ye nuwatugabaedi.

Mataiyo 26:21

Yodi kaikai wa unai Yesu ye hededelau udiyedi ye wane, “Ya hededemamohoi kalimiuyena, bodamiu ta unai kabo hesau kagu ye walohai.”

Mataiyo 6:5

“Na ena kwa tapwalolo, tabu yomi laulau doha taukailupolupo. Se henuwa bena kabo tamowai se kitadi, unai sunago kalodiyena yo hinage keda dedekadiyena se tolo na se tapwatapwalolo. Ya hededemamohoi kalimiuyena: Siya yodi tapwalolo maisana ede se haiyako.

Mataiyo 6:2

Unai ena yomi kainauya kwa moseidi deha tamowaidiyao udiyedi meta tabu bwagigina kwa yuhi doha taukailupolupo yodi laulau sunago yo keda udiyedi, yodi kainauya se moseidi tamowai matadiyena bena kabo se kitadi yo se nokoedi. Ya hededemamohoi kalimiuyena: Siya yodi kainauya maisana ede se haiyako.

Mataiyo 5:18

Ya hededemamohoi kalimiuyena: Galewa yo tanoubu kabo se gehe, na Yaubada yona laugagayo se kulidiko wa nige gonowana kulikulina gagilina hesau ye taukwadalele, kana siga laugagayo hedehededena maudoidi se laoma se mamohoi.

Yowane 21:18

Ya hededemamohoi kalimwai: Yom huyahewali unai meta ku bom ku hekalekogo na ku bom yom nuwatu udiyedi ku sae ku dobi. Na yom huyatautaubada unai kabo nimam ku lausinidi na ku heleledi, na tamowai hesau kabo ye hekalekogo na ye woyalaeigo kabalau nige ku henuwa ne unai.”

Mataiyo 6:16

“Ena kwa kaihudi, tabu kami kao doha taukailupolupo yodi laulau. Siya kadi kao se heyababadi bena tamowai se kitadi meta se kaihudi. Ya hededemamohoi kalimiuyena: Siya yodi kainauya ede se haidiko.

Maleko 14:17

Meimeilahina ne unai Yesu maiyana Saudoudoi-labui wa se lagelau numa wa unai.

Maleko 14:19

Siya kabo se nuwayababakalili na kesega kesega Yesu se henamaiyei se wane, “Nuwana yau?”

Yowane 13:18

Yau nige komiu maudoimiu ta ya hetahetalagomiu. Kaiteyadi ya kaisunuwaidi meta kabimiu ya kata. Na teina ta meta bena kulikuli tabuna ye hemamohoiyei, doha ye wane, ‘Na kaiteya maiyagu pwalawa kesega ka kai, meta kabo ye hemala kagu waiunu.’ (Same 41:9)

Yowane 13:22

Yona hekahekatao wa se haibaibaiwaiꞌuyoidi yo nuwadi se dagugu teina meta kaiteya kana hedehedede.