Maleko 10:45 - Yaubada wasana: Buka Hauhauna tupwana

⁴⁵ Matawuwuna Tau Natuna nige ye laoma bena tamowai ye heyayaiyedi, na ye laoma bena iya yodi heyayai tauhaina, na yona mauli ye mosegabaei tamowai maudoidi yodi mauli maisana.”

Youbada wasana: Buka Houhauna tupwana

⁴⁵ Matawuwuna Tau Natuna ye laoma nige bena tamowai iya yona se paisowa, na iya bena tamowai yodi ye paisowa na yona mauli ye mosegabaei na unai tamowai maudoidi ye hemaisahaidi na se mauli.”

Maleko 10:45 Referans Kwoze

Mataiyo 20:28

Doha ede Tau Natuna ye laoma nige bena tamowai iya yona se paisowa, na iya bena tamowai yodi ye paisowa yo kabo yona mauli ye mosegabaei yo unai tamowai maudoidi ye hemaisahaidi na se mauli.”

Taitasi 2:14

Yesu Keliso ye bom ye mosegabaeiꞌuyoi kita hesabada na yona nuwatu meta bena ye yailihaida yababa maudoidi udiyedi yo ye heꞌaꞌada na ta hemala ye bom mo yona tamowai na laulau namwanamwadi ta ginaginaulidi ma nuwakohihaida.

Yowane 13:14

Na ena yau, yomi Guiyau yo Taulauhekata, kaemiyao ta ya deulidi, bena komiu hinage kami kahao kaedi kwa deulidi yo siya hinage kaemiu se deulidi.

Yowane 10:15

doha Tamagu kabigu ye kata yo hinage iya kabina ya kata. Yo yau yogu mauli kabo ya mosegabaei yogu mamoe hesabadi.

Hebelu 5:8

Iya Yaubada natuna mamohoina, na iyamo kamkamna unai kawakabi ye kaipatei.

Galatiya 3:13

Laugagayo ye hegiluda na kita hededeheyababa logulogunaena. Na huyana Keliso se hekabasi sataulo unai meta kada hededeheyababa wa iya ye haidi, unai ede ye hemaisahaida. Doha kulikuli tabuna unai se kuliyako se wane, “Ena tamowai hesau sataulo unai se hekabasi meta iya hededeheyababa tamowaina.” (Dutelonomi 21:23)

Maleko 10:44

Yo kaiteya ye henuwa bena ye baguna, meta iya tamowai maudoidi yodi heyayai tauhaina.