Kolose 2:10 - Yaubada wasana: Buka Hauhauna tupwana

¹⁰ Na Keliso unai sonoga maudoidi kwa henuwadi wa meta kwa haidiko. Na Keliso meta gigibwali yo tanuwaga maudoidi ye saedikwaidi.

Youbada wasana: Buka Houhauna tupwana

¹⁰ Na komiu meta Keliso ye miyahemwayaugomiu, na iya gigibwali yo tanuwaga maudoidi ye saedikwaidi. [Taba nige ginauli saha hesau kwa henuwaꞌuyoi.]

Kolose 2:10 Referans Kwoze

Hebelu 5:9

Na Yaubada Yesu ye hai ye tolehedudulaimamohoiyei, ede ye hemala taukawakabi yodi kabihemauli nige sigana yona kabalaoma.

Yowane 1:16

Iya kalinawai kabinamwa ye mwayau. Na kita maudoida iya unai kabinamwa ta haidi na sola ta haihaiꞌuyoidi.

Kolose 3:11

Unai taba nige tamowai ta hinehinelidi bena siya Giliki o Dius tamowaidi, taupelitome o nige taupelitome. Tabu laolaoma yo bubutuma tamowaidiyao ta kitadobidobiyeidi. Yo tabu heyayai tauhaina tamowaidi o tamowai yaiyailihaidi ta hinelidi. Na nuwanuwatuna lakilakina ede Keliso, na iya meta maudoida kalidaena ye miya.

Mataiyo 28:18

Yesu ye laoma udiyedi na ye wane, “Gigibwali maudoina galewa yo tanoubu ta unai meta Tamagu ye haidimako kaliguwai.

Kolose 2:15

Tanoubu ta gigibwalidiyao yo tanuwagadiyao yodi gigibwali Yaubada ye haigabaei ede boda matadiyena ye hemwadinedi, yo ye hekitadi meta sataulo wa unai ye saedikwaidiko.