TITƏ 3:8 - Bibəl ta Sar̄

⁸ Najə̄ ń noō i Najə̄ kə́ Majə kadə̄ deē taā kem. Adə̄ m-gḛy kadə̄ ī-ra dɔ tə́ ngá̰ý, yā kadə̄ de gə̄ ń taān̄ kem Nə́ɓā ní, əndān̄ kumdə́ gíŕ yá̰á̰ kə́ majə gə̄ tə́ rāān̄. Nge ń noō i yá̰á̰ kə́ majə ō, a rāā majə kə de gēé malang ō.

Bible sar

⁸ Najə̄ ń noō i Najə̄ kə́ Majə kadə̄ deē taā kem. Adə̄ m-gḛy kadə̄ ī-ra dɔ tə́ ngá̰ý, yā kadə̄ de gə̄ ń taān̄ kem Nə́ɓā ní, əndān̄ kumdə́ gíŕ yá̰á̰ kə́ majə gə̄ tə́ rāān̄. Nge ń noō i yá̰á̰ kə́ majə ō, a rāā majə kə de gēé malang ō.

TITƏ 3:8 Referans Kwoze

TITƏ 3:14

Majə kadə̄ deē yājí gə̄ ndóōn̄ rāā kəla kə́ majə gə̄ ō, tá kadə̄ nin̄-əndān̄ rɔ̄də́ ta yá̰á̰ kə́ tōr̄ rɔ̄ gə̄ tə́. Loo ń noō tə́, nin̄ a télən̄ de kə́ teē yá̰a̰ aĺ gə̄ alé.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

TITƏ 1:9

Ni i nge kəhɔ najə̄ kə́ to kadə̄ deē taā kem kadə̄ ngan̄g, adə̄ i najə̄ kə́ əhɔn̄ naā kə yá̰á̰ ń ni-ndóō ní. Loo ń noō tə́ ni-asə kadə̄ de gə̄ tɔ́gə kə yá̰á̰ ndóō kə́ rɔ̄kum ō, ni-asə kɔjə kə̄ ndágá kadə̄ najə̄ yā ngé mbātə́ najə̄ gə̄ i rɔ̄kum aĺ ō.

TITƏ 3:1

Ī-ter̄ kemdə́ dɔ najə̄ sɔl̄ dɔ tə́ kə̄ no ngār gə̄ tə́ ō, no ngé ko̰o̰ ɓē gə̄ tə́ ō, dɔ najə̄ koō tadə́ tə́ ō, ādə̄ əndānəń dɔ rɔ̄də́ danaá kété tām̄ yā kəla malang kə́ majə tə́ ō,

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

1 TIMOTE 1:15

Najə̄ ń toō i najə̄ kə́ rɔ̄kum kə́ to kadə̄ deē taā kem ō, i najə̄ kə́ asə kadə̄ de gə̄ malang ndigən̄ kə taá ō: Kərist Jeju reē dɔ nang tə́ i kajə ngé rāā majaĺ gə̄ tə́, ba majaĺ yāḿ mā tɔȳ majaĺ yā ngé rāā majaĺ gə̄ malang.

Makətūbə̄ ń Pol ndang adə̄ Rom gə̄ ní 4:5

Ba ré deē kógə̄ḿ rāā kəla aĺ gə̄gē, ba taā kem kadə̄ Nə́ɓā a rāā de kə́ nge rāā majaĺ kadə̄ a tél de kə́ gōtə́ anī, Nə́ɓā a rāā kadə̄ deē ń toō a tél de kə́ súmūú najə̄ taā ń ni-taā kem tə́ ní.

JA̰A̰ 12:44

Banī Jeju əga kɔŕ əda na: Deē ń taā kemḿ anī, taā i kemḿ mā alé, banī taā i kem nge ń əlam̄ ní.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

Makətūbə̄ yā Job 22:2

Deē ndul asə rāā yá̰á̰ kógə̄ḿ kə́ majə tām̄ yā Nə́ɓā tə́ a? Ni asə rāā yá̰á̰ kógə̄ḿ kə́ majə tām̄ yā rɔ̄n nəkɔ́ tə́ i dan ń kumən edə̄ ní.

PILEMO̰ 1:11

Kété ni-teē yá̰a̰ tām̄ yāí tə́ alé, ba ngɔlaā a teē yá̰a̰ tām̄ yāí tə́, tītə̄ ń teēń yá̰a̰ tām̄ yāḿ tə́ ní.

PĀ GƏ̄ 78:22

Tɔdɔ̄ nin̄ ənīn̄ kemdə́ adə̄n̄ Nə́ɓā aĺ ō, taān̄ kem kadə̄ ni asə kajədə́ aĺ ō.

Gōsə̄ najə̄ gə̄ 21:28

De kə́ kum yá̰á̰ tə́ kə́ nge kəda najə̄ kə́ rɔ̄kum aĺ a oy, banī deē ń ger̄ koō najə̄ ní a ger̄ loo kɔr̄ najə̄ ngándáńg.

2 KORḚNTƏ 4:13

Ndangən̄ kem makətūbə̄ yā Nə́ɓā tə́ na: m̄-taā kem, adə̄ i tām̄ najə̄ ń noō tə́ n m-ɔ̄rəń najə̄ ní. Adə̄ jḭḭ jə-taā i kem ō n j-ɔrə̄ń najə̄ ní.

KƏLA RĀĀ 12:15

Nin̄-ədanən̄ na i kɔ̄r̄ n na a rāān. Banī ni-əhɔ tan ngan̄g əda na i rɔ̄kum, anī nin̄-ədanən̄ na i de kə́ dɔ rā̰ tə́ yā Piyer.

EPEJƏ 4:28

Kadə̄ de kə́ ɓogə kété ɓogə to̰ alé, ba rāā kəla kə́ majə kə jīneé, yā kadə̄ ni-əngeń yá̰á̰ kə́ yā kadə̄ ngé gə̄ ń ndoō rāādə́ ní.

1 TIMOTE 2:8

Adə̄ m̄-gḛy kadə̄ dəngam gə̄ ɔyn̄ jīdə́ kə̄ dɔɔ́ ndɔ̄ȳnəń Nə́ɓā kə̄ loo gə̄ tə́ malang. Majə kadə̄ nin̄-ndɔ̄ȳn̄ kə kem kə́ unjə̄ njáý njáý, kanjə̄ wōn̄g ō, kanjə̄ kɔ̄l̄ naā ō.

1 TIMOTE 5:10

Majə kadə̄ de gə̄ ger̄nən̄ tām̄ kəla rāān gə̄ kə́ majə tə́. Ādə̄ ni-ətō ngán gə̄ ō, əhɔ de gə̄ kə̄ rɔ̄n tə́ majə ō, tə́go nja de gə̄ yā Nə́ɓā ō, rāā kə ngé gə̄ n wurdə́ ɔldə́ ní ō, əndā rɔ̄n ta kəla malang kə́ majə tə́ ō.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

HEBƏRO 10:24

J-a̰ā̰ī gō naā kadə̄ j-ɔsiī kíl naā kə̄ dɔɔ́ loo tár naā tə́ ō, loo rāā kəla yá̰á̰ kə́ majə tə́ ō.

MATIYE 20:4

Anī ni-ədadə́ na kə aw̄ rāān̄ kəla kem ndɔr̄ kāgə̄ nduú yān tə́ ō, na n-a n-adə̄də́ gúrsə kə́ asə kə gō kəla yādə́. De gə̄ ní aw̄n̄ ndɔr̄ ní tə́.