TITƏ 3:6 - Bibəl ta Sar̄

⁶ Ni-adə̄jí Ndíĺ kə́ Táĺ ní ngá̰ý i kə ta kūl̄ Jeju Kərist nge kajəjí.

Bible sar

⁶ Ni-adə̄jí Ndíĺ kə́ Táĺ ní ngá̰ý i kə ta kūl̄ Jeju *Kərist nge kajəjí.

TITƏ 3:6 Referans Kwoze

Makətūbə̄ ń Pol ndang adə̄ Rom gə̄ ní 5:5

Ba deē ń əndā kemən dɔ Nə́ɓā tə́ ní, a ənge rɔ̄sɔl̄ loon tə́ alé, tɔdɔ̄ Nə́ɓā əla tár yān kemjí tə́ i kə ta kūl̄ Ndíĺ kə́ Táĺ ń adə̄jí ní.

KƏLA RĀĀ 10:45

Ngé taā kem gə̄ ń reēn̄ kə Piyer á nin̄ i Jipə gə̄ ní, ɔr̄ kumdə́ ngá̰ý kadə̄ de gə̄ ń nin̄ i Jipə aĺ gə̄ ní gə̄gē əngen̄ Ndíĺ kə́ Táĺ.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

IJAI 44:3

Tām̄ mā m̄-rāā kadə̄ man̄ a nūgə́ dɔ nang kə́ kəndā man̄ a rāān tə́ ō, m-ā m̄-rāā kadə̄ ngán man̄ gə̄ a nūgə́n̄ dɔ nang kə́ tutə tə́ ō. M-ā m̄-ɓōkə́ ndílə́ḿ dɔ ngání gə̄ tə́ ō, m-ā m̄-tɔ́r̄ taḿ dɔ ngán kaaí gə̄ tə́ ō.

JA̰A̰ 16:7

Banī m-ə́dásí najə̄ kə́ rɔ̄kum: I só tə́ tām̄ yāsí tə́ kadə̄ m-āw̄. Tɔdɔ̄ ré m-āw̄ aĺ anī, nge dḭḭ̄sí a reē rɔ̄sí tə́ alé. Ba ré m-āw̄ anī, m-ā m-ə́la seneé yā kadə̄sí.

JA̰A̰ 1:16

Tām̄ jḭḭ malang ní j-ənge yá̰a̰ kal̄ loo yān kə ta kūl̄ kem majə yān kə̄ dɔ naā tə́.

Gōsə̄ najə̄ gə̄ 1:23

Ōōī gír kə́ kemḿ tə́. Á̰a̰ī, m-ā m̄-rāā kadə̄ ndílə́ḿ a risə dɔsí tə́, m-ā m-ə́dásí najə̄ yāḿ kadə̄ ī-gerī.

TITƏ 1:4

m̄-ndang makətūbə̄ ń toō m-ə́lań m-ādə̄ i ḭ̄ Titə, ngōnə̄ḿ kə́ rɔ̄kum sɔɔ̄ń taā kem kə́ kógə̄ḿ beē kə́ j-əga naā dɔ tə́. Ādə̄ Bɔbə̄jí Nə́ɓā nin̄ kə Jeju Kərist nge kajəjí, rāān̄ kem majə seí ō, sɔlə̄n̄ kemií ō.

EPEJƏ 4:2

Ɔ́jiī rɔ̄sí aĺ ō, ādī dɔsí sɔl̄ ō, ə́reī wursí njam ō. Ī-tə́gāī tasí dɔ naā tə́ sɔɔ̄ń táŕ kə́ ī-táriī naā ō.

EPEJƏ 3:8

Mā i kə́ dūú ngá̰ý dan de gə̄ malang yā Nə́ɓā tə́, ɓá tā ba kɔjə de kə́ nin̄ i Jipə aĺ gə̄ najə̄ kə́ dɔ yá̰á̰ kə́ majə gə̄ yā Kərist tə́ kə́ dum̄ deē ger̄ gír tə́ ní, i mā n Nə́ɓā adə̄m̄ rāań kem majə seḿ ní.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

KƏLA RĀĀ 2:33

Nə́ɓā ɔsən kə̄ dɔɔ́ kə tɔ́gəneé, adə̄ ni-ənge Ndíĺ kə́ Táĺ ń Bɔbə̄ Ngōn̄ ənī míndən yā kadə̄ ní. I Ndíĺ kə́ Táĺ ngeé ń ni-ənge ní n ni-rāā adə̄ reē á á̰a̰ī ō, ōōī ō toó.

JA̰A̰ 7:37

Ndɔ̄ tɔ̄l̄ ta nāā yā kújə́ kámbə gə̄ i ndɔ̄ bo nāā. Ndɔ̄ ń noō tə́ ní, Jeju ra kə njan kə́ dɔɔ́, ba əga kɔŕ ngá̰ý na: Deē ń kəndā rāān anī, ādə̄ kɔ́ɔ̄ reē rɔ̄ḿ tə́ ō, a̰ȳ man̄ ō.

JA̰A̰ 4:10

Jeju tél ədan na: Nə́ngētə́ ī-ger̄ yá̰á̰ ń Nə́ɓā a adə̄ de gə̄ karī ní ō, deē ń gədeī man̄ kadə̄ n-a̰ȳ toó ō anī, i ḭ̄ n ā ī-gəden man̄ ní. Ba man̄ ń ni a adī ní i man̄ kə́ a rāā deē kadə̄ ndi kə kumneé.

IJAI 32:15

Ndɔ̄ kógə̄ḿ tə́ anī, Kɔ́ɔ̄ɓē a ɓōkə́ ndílən dɔjí tə́. Loo ń noō tə́ dəla loo a tél ndɔr̄ kāgə̄ gə̄ kə́ a anə̄n̄ ō, ndɔr̄ ní a tél i ku kāgə̄ gə̄ kə́ rɔ̄kum ō.

Makətūbə̄ ń Pol ndang adə̄ Rom gə̄ ní 2:4

Aké ī-kídə̄ i Nə́ɓā ń a rāā kem majə ngá̰ý ō, a tə́gā tan dɔ yá̰a̰ gə̄ tə́ ō, a əre wurən njam dɔ tə́ ō ní ḿ? Ī-ger̄ kadə̄ kem majə ń Nə́ɓā a rāā ní i kadə̄ ī-tūrəń hálí aĺ a?

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.