TITƏ 3:5 - Bibəl ta Sar̄

⁵ ni-ajəjí i tām̄ yá̰á̰ kə́ gōtə́ kə́ jḭḭ̄ kɔ́ gə̄ jə-rāāī tə́ alé, banī i tām̄ kumən kə o̰o̰n tām̄ yājí tə́ tə́. Ni-ajəjí ō, rāā adə̄ j-udiī tū ndi kə kumuú kə́ kijə tə́ ō, i kə ta kūl̄ tə́go rɔ̄ yā kojə kijə ō, i kə ta kūl̄ Ndíĺ kə́ Táĺ ō.

Bible sar

⁵ ni-ajəjí i tām̄ yá̰á̰ kə́ gōtə́ kə́ jḭḭ̄ kɔ́ gə̄ jə-rāāī tə́ alé, banī i tām̄ kumən kə o̰o̰n tām̄ yājí tə́ tə́. Ni-ajəjí ō, rāā adə̄ j-udiī tū ndi kə kumuú kə́ kijə tə́ ō, i kə ta kūl̄ tə́go rɔ̄ yā kojə kijə ō, i kə ta kūl̄ *Ndíĺ kə́ Táĺ ō.

TITƏ 3:5 Referans Kwoze

2 TIMOTE 1:9

I Nə́ɓā n ajəjí ō, ɓāŕjí kadə̄ jə-téliī deē yān gə̄ ō ní. I kə gō kəla rāājí jḭḭ̄ kɔ́ gɔ̄ɔ́ alé, banī i tām̄ gír̄ ń nəkɔ́ gír̄ kemən tə́ kadə̄ n-rāā beé ní ō, tām̄ kem majə yān tə́ ō. Ni-rāā kem majə ní sejí i kə ta kūl̄ ɓoo kə́ jə-ɓooī naā kə Jeju Kərist, i kété pá tá kadə̄ ni-rāā yá̰a̰ malang ɓáý.

1 KORḚNTƏ 6:11

Ba de kə́rēý gə̄ dɔ dáńsí tə́ nin̄ i de kə́ beé gə̄ kété. Banī tə́gon̄ majaĺ yāsí gə̄ kɔ̄ɔ́, ɔrə̄n̄ kam̄sí tayā kadə̄ ī-ndiī i tām̄ yā Nə́ɓā tə́ ō, rāān̄sí adə̄ ī-téliī de kə́ súmūú gə̄ ta kum Nə́ɓā tə́ i kə rī Kɔ́ɔ̄ɓē Jeju Kərist ō, i kə ta kūl̄ Ndíĺ Nə́ɓā yājí ō.

1 PIYER 3:21

Man̄ ngeé ń toō i yá̰á̰ kə́ ɔjə kum gotə batém ń ngɔlaā ajəsí ní: Batém ngeé ń toō i batém tə́gó yá̰á̰ kə́ yḛr gə̄ kə́ rɔ̄ deē tə́ kɔ̄ɔ́ alé, banī i de kə́ ənī míndən adə̄ Nə́ɓā kanjə̄ kadə̄ kemən ɔjən yá̰á̰ kə́ majaĺ. Batém ní ajəsí i kə ta kūl̄ koy ń Jeju oy ta ndól̄ ní.

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

EPEJƏ 2:4

Banī kum Nə́ɓā o̰o̰n ngá̰ý sɔɔ̄ń táŕ ń ni-táŕjí ngá̰ý ní.

EPEJƏ 5:26

I tītə̄ ń noō n ni-ɔrə̄ń kam̄ ngé kán̄ naā gə̄ kə ta kūl̄ tə́gódə́ kə maná kadə̄ unjə̄n̄ ní, adə̄ i kə ta kūl̄ najá.

PĀ GƏ̄ 51:10

Ədam̄ najə̄ mā̰ȳ rɔ̄ yāí na a adə̄m̄ rɔ̄nel̄ ngá̰ý. Loo ń noō tə́ mā ń ī-tétə̄ kə̄ngāḿ rárák kɔ̄ɔ́ ní, m-ā m̄-rāā rɔ̄nel̄.

Makətūbə̄ ń Pol ndang adə̄ Rom gə̄ ní 11:6

Ba ré ɔjəń i dɔ rajə anī, i tām̄ yā kəla rāādə́ gə̄ tə́ to̰ alé. Tɔdɔ̄ ré i tām̄ yā kəla rāādə́ gə̄ tə́ anī, rajə ní i rajə to̰ alé.

HEBƏRO 4:16

I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

KOLOSƏ 3:10

Banī úniī háĺ kə́ kijə ə́laī rɔ̄sí tə́ tītə̄ kūbə̄ beé yā kadə̄ ī-gerīneé yá̰á̰ kə́ kijə kə dɔ ndɔ̄ gə̄, kadə̄ ni-toń tītə̄ nge kəndān beé.

PĀ GƏ̄ 86:15

Banī Kɔ́ɔ̄ɓē, ḭ̄ i Nə́ɓā kə́ kumií a o̰o̰ī kə de gēé ō, kə́ nge ka̰a̰ kum tō ndoō yā de gə̄ ō, kə́ nge rāā wōn̄g láẃ aĺ ō, Kem majə yāí i ngá̰ý ō, ī-ra dɔ ndūí tə́ ngá̰ý ō.

GALATƏ 2:16

Ɓá tā ba jə-gerī kadə̄ yá̰á̰ ń rāā adə̄ deē tél de kə́ súmūú ta kum Nə́ɓā tə́ ní, i ngɔ̄m̄ ndū najə̄ gə̄ alé, ba i kadə̄ deē taā kem Jeju Kərist. Adə̄ jḭḭ̄, jə-taāī kem Kərist Jeju ō, yā kadə̄ gerə̄n̄neé kadə̄ jḭḭ̄ i de kə́ súmūú gə̄ sɔɔ̄ń taā kə́ jə-taāī kem Kərist, banī i sɔɔ̄ń ngɔ̄m̄ kə́ jə-ngɔ̄mī ndū najə̄ gə̄ alé. Tɔdɔ̄ de kə́ kadə̄ Nə́ɓā rāān de kə́ súmūú tə́, sɔɔ̄ń ngɔ̄m̄ kə́ kɔ́ɔ̄ ngɔ̄m̄ ndū najə̄ ní, gətóo.

Makətūbə̄ ń Pol ndang adə̄ Rom gə̄ ní 3:20

Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní. Tɔdɔ̄ ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.

1 PIYER 2:10

Kété ní sḭḭ̄ i gír de gə̄ yā Nə́ɓā alé, banī ngɔlaā sḭḭ̄ i gír deē yān gə̄. Kété ní Nə́ɓā a̰a̰ kum tō ndoō yāsí alé, ba ngɔlaā ní ni-a̰a̰ kum tō ndoō yāsí.

EPEJƏ 4:23

Əya̰ī ādī Ndíĺ ń adə̄n̄sí ní rāā gír̄ yāsí adə̄ téĺ kə́ kijə.

Makətūbə̄ ń Pol ndang adə̄ Rom gə̄ ní 3:28

Tɔdɔ̄ jə-ger̄ kadə̄ deē a tél de kə́ súmūú ta kum Nə́ɓā tə́ i kə gō taā kem yānneé, banī i kə gō rāā ń a rāā yá̰a̰ gə̄ ń ndū najə̄ yā Moijə əda tə́ ní alé.

Makətūbə̄ ń Pol ndang adə̄ Rom gə̄ ní 9:11

Ba loo gə̄rā ń Nə́ɓā a gə̄rā de gə̄ ní, i yá̰á̰ kə́ nəkɔ́ ɔjə loon kété jóo: Nə́ɓā a gə̄rā de gə̄ i kə gō ɓāŕ ń nəkɔ́ a ɓāŕdə́ ní, banī i tām̄ kəla rāādə́ gə̄ tə́ alé. Yā kɔjəń kadə̄ n-əya̰ yá̰á̰ kə́ nəkɔ́ ɔjə loon kété kɔ̄ɔ́ aĺ ní, Nə́ɓā əda Rebeka na: Nge kə́ nga tɔ́gə a əla dɔn gíŕ tɔ́gə yā nge kə́ dūú tə́ ní. Ba dan ngeé ń noō tə́ ní Rebeka ojə ngán gə̄ ní aĺ ɓáý.

Najə̄ kə́ Majə yā Jeju ń Luk ndang ní 1:78

Tɔdɔ̄ kum Nə́ɓā yājí o̰o̰n ngá̰ý ō, kemən majə ngá̰ý ō. Ni a rāā kadə̄ loo kə́ unjə̄ kow kógə̄ḿ ḭḭ dɔ rā̰ tə́ unjə̄ dɔjí tə́ kow tītə̄ mbang kə́ əɓa gír ɓē tə́ beé.

Najə̄ kə́ Majə yā Jeju ń Luk ndang ní 1:54

Ni-ənī míndən yā rāā kem majə kə kaají gēé, yā rāā kem majə ngándáńg kə Abəraham ō, ngánən gə̄ ō, ngán kaan gə̄ ō. Əga kemən dɔ kem majə yān ní tə́, adə̄ ni-rāā kə ngán Israel gə̄ ń i ngé kəla yān gə̄ ní.

Najə̄ kə́ Majə yā Jeju ń Luk ndang ní 1:50

Kem majə yān a to ngándáńg tām̄ yā ngé ɓōĺ ndílən gə̄ tə́.

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

PĀ GƏ̄ 143:2

Mā i nge kəla yāí adə̄ ī-lōō rāā sarya seḿ, tɔdɔ̄ de kə́ súmūú ta kumií tə́ gətóo.

PĀ GƏ̄ 130:7

Israel, ə̄ndā kemií dɔ Kɔ́ɔ̄ɓē tə́ tɔdɔ̄ ni i nge kem majə. Ta róbə gə̄ kə́ kadə̄ ni gāngəń dɔí i ngá̰ý.

Makətūbə̄ yā Job 25:4

Loo kadə̄ najə̄ yā deē i gōtə́ banī yā Nə́ɓā i kə́ gōtə́ aĺ ní i ba̰ý? Deē ń dəyá̰ ojən ní, loo kadə̄ əda na ni na i de kə́ unjə̄ njáý njáý ní i ba̰ý?

TITƏ 3:4

Ba dan ń kem majə yā Nə́ɓā nge kajəjí ō, tár yān kə́ tām̄ yā de gə̄ tə́ ō, ɔjən̄ rɔ̄də́ kə̄ ndágá ní,

Makətūbə̄ ń Pol ndang adə̄ Rom gə̄ ní 9:30

I beé ní kə j-ədaī na i rí tā? Yá̰á̰ ń kadə̄ j-ədaī ní n toó: De gə̄ ń nin̄ i Jipə aĺ gə̄ ō, sāān̄ kadə̄ kə n-télən̄ de kə́ gōtə́ gə̄ ta kum Nə́ɓā tə́ aĺ ō ní, ngɔlaā télən̄ de kə́ gōtə́ gə̄ ta kum Nə́ɓā tə́ tām̄ nin̄-taān̄ kem.

Makətūbə̄ ń Pol ndang adə̄ Rom gə̄ ní 9:16

Adə̄ gə̄rā ń Nə́ɓā gə̄rā de gə̄ ní, i tām̄ kem ndigə yā deē tə́ aĺ ō, i tām̄ kəhɔ rɔ̄ tɔgə yā deē tə́ aĺ ō, banī i kə gō ka̰a̰ ń Nə́ɓā nəkɔ́ a̰a̰ kum tō ndoō yā deē ní ngóy.

Makətūbə̄ ń Pol ndang adə̄ Rom gə̄ ní 4:5

Ba ré deē kógə̄ḿ rāā kəla aĺ gə̄gē, ba taā kem kadə̄ Nə́ɓā a rāā de kə́ nge rāā majaĺ kadə̄ a tél de kə́ gōtə́ anī, Nə́ɓā a rāā kadə̄ deē ń toō a tél de kə́ súmūú najə̄ taā ń ni-taā kem tə́ ní.

Najə̄ kə́ Majə yā Jeju ń Luk ndang ní 1:72

Əda na n-a n-ɔjə kaají gə̄ kem majə yān ō, na a əga kemən dɔ madə̄ naā yān kə́ táĺ tə́ ō.

IJAI 57:12

Banī yá̰á̰ ń i gātīí ní, m-ā m-ə́da wáńg kə̄ ndágá. Yá̰á̰ ń ī-rāā ní, ā ə́ngé yá̰á̰ kógə̄ḿ gírí alé. Nge ń noō a rāā majə seí alé.

HEBƏRO 6:6

Ɓá tā ba tél əsōn̄ gogə́ tū háĺ kə́ majaĺ tə́. De gə̄ ń noō ní, loo rāādə́ kadə̄ tél tūrə̄n̄ háĺdə́ ɓáý to̰ ní gətóo. Tɔdɔ̄ nin̄-tél əndan̄ Ngōn̄ Nə́ɓā kə máyá̰ tū kāgə̄ kə́ dēsə́ tə́ gogə́ ɓáý to̰ ō, rāān̄ adə̄ de gə̄ tájə̄nən̄ ō.

PĀ GƏ̄ 86:5

Kɔ́ɔ̄ɓē, ḭ̄ ń i de kə́ nge kem majə ō, ā ī-mā̰ȳ rɔ̄í dɔ de gə̄ tə́ ō ní, ḭ̄ ī-rāā kem majə ngá̰ý kə de gə̄ malang ń a ɓār̄nī ní.

PĀ GƏ̄ 62:12

Nə́ɓā əda najə̄ kógə̄ḿ, i kum najə̄ jōó n m-ōō ní, kə́ kógə̄ḿ na: Tɔ́gə i yā Nə́ɓā ō,

Makətūbə̄ yā Job 15:14

Deē ndul i rí kə́ ngá̰ý á rāā tītə̄ kə́ ni i de kə́ unjə̄ njáý njáý ní? Deē ń i dəyá̰ n ojən ní i rí á əda na ni na i de kə́ gōtə́ ní?

Makətūbə̄ yā Job 9:20

Ká ré mā i de kə́ gōtə́ gə̄gē anī, najə̄ kə́ taḿ tə́ a gān̄g sarya dɔḿ tə́. Ká ré najə̄ gətóoń dɔḿ tə́ gə̄gē anī, ni a ɔjə kadə̄ mā i de kə́ majə aĺ.

NDŪ NAJƏ̄ 9:5

I tām̄ kəla rāāsí kə́ gōtə́ tə́, aké ngarā̰ kemsí kə́ súmūú tə́ n ā ī-taāīneé dɔ nang yādə́ ní alé. Kɔ́ɔ̄ɓē a tə̄ɓā nápar de gə̄ ń noō kɔ̄ɔ́ nosí tə́ i tām̄ háĺdə́ kə́ majaĺ tə́ ō, i tām̄ míndən ń ənī adə̄ kaasí gə̄ Abəraham ō, Isaak ō, Jakob ō ní tə́.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

MATIYE 3:11

Mā m̄-rāāsí batém i kadə̄ ī-tūrīneé háĺsí. Ba nge ń a reē gōḿ tə́ ní, tɔ́gən tɔȳ yāḿ mā. Kɔr̄ sākə̄rā kə́ njan tə́ gə̄gē ngóý ní, mā m-ásə alé. Ni a rāāsí batém kum Ndíĺ kə́ Táĺ tə́ ō, kum hor tə́ ō.

Makətūbə̄ ń Pol ndang adə̄ Rom gə̄ ní 11:14

Kadə̄ ngé gə̄ ń nin̄ i mósə́ḿ gə̄ ní əndāmə̄n̄ nii dɔ tə́, anī m-ájəń ngé kə́rēý gə̄.

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ unjə̄ njáý njáý ō.