TITƏ 3:3 - Bibəl ta Sar̄

³ Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

Bible sar

³ Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

TITƏ 3:3 Referans Kwoze

KOLOSƏ 1:21

Sḭḭ̄ ń kété sḭḭ̄ i sa̰y rɔ̄ Nə́ɓā tə́ ō, sḭḭ̄ i madə̄ ba̰ā̰n gə̄ ō, sɔɔ̄ń gír̄ yāsí ō, yá̰a̰ rāāsí kə́ majaĺ gə̄ ō ní,

Makətūbə̄ ń Pol ndang adə̄ Rom gə̄ ní 6:17

Banī ādə̄ jə-tɔ̄yī Nə́ɓā, tɔdɔ̄ kété ní sḭḭ̄ i ɓəlo gə̄ yā yá̰á̰ kə́ majaĺ, ba ngɔlaā sḭḭ̄ ōōī ta Nə́ɓā adə̄ ī-rāāī yá̰á̰ ń ndóōn̄sí ní kə ngarān̄g kemsí gēé malang.

KOLOSƏ 3:7

Kété ní, sḭḭ̄ ī-rāāī i háĺ ń noō ō, dan ń majaĺ gə̄ ń noō a o̰o̰nə̄ń ɓē dɔsí tə́ ní.

Makətūbə̄ ń Pol ndang adə̄ Rom gə̄ ní 6:22

Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.

1 PIYER 1:14

Ōōī ta Nə́ɓā ba ī-lōōī rāā yá̰á̰ ń kété ngurən a rāāsí dan ń sḭḭ̄ ī-gerīneé yá̰a̰ aĺ ɓáý tə́ ní.

Gōsə̄ najə̄ gə̄ 9:6

Ə́ya̰ī háĺ kə́ to mbóo kɔ̄ɔ́ anī ā ī-ndiī kə kumsí! Gō tə́ anī úniī róbə́ ń ger̄ kum yá̰a̰ i tū tə́ ní.

2 KORḚNTƏ 12:20

m̄-ɓōĺ najə̄ kadə̄ ré m-āw̄ loosí anī, m-ə́ngésí i tītə̄ ń m̄-gírəń ní aĺ ō, sḭḭ̄ ə́ngemī i tītə̄ ń ī-gírīneé ní aĺ ō. m̄-ɓōĺ najə̄ kadə̄ kɔ̄l̄ naā gə̄, kə kəndā naā nii gə̄, kə wōn̄g gə̄, kə rɔ̄ɔ̄ naā dɔ loo tə́ gə̄, kə tájə̄ naā gə̄, kə tām̄ kə naá gə̄, kə haalo gə̄, kə kɔjə rɔ̄ gə̄, kə yá̰á̰ kə́ a̰a̰ gō naā aĺ gə̄ ton̄ dɔ dáńsí tə́.

JA̰A̰ 8:34

Jeju tél ədadə́ na: Ādə̄ m-ə́dásí najə̄ kə́ bo ngá̰ý, deē ń rāā majaĺ ní i ɓəlo yā majaĺ.

MATIYE 21:29

Anī ngōnən ní tél ədan na n-ɔdə alé. Banī gō tə́ sḛ́ý anī kumən teē dɔ yá̰á̰ kə́ majaĺ ń ni-rāā tə́ ní ō, kemən tūr̄ ō, adə̄ ɔtə aw̄ ndɔr̄ ní tə́.

PĀ GƏ̄ 36:2

Əga kemḿ dɔ gír̄ ń nge kem ndul mbātə́nń ndɔ̄ȳ Kɔ́ɔ̄ɓē ní tə́, Tām̄ yān tə́ ní ɓōĺ Nə́ɓā i yá̰á̰ kə́ kanjə̄ kumən.

JAKƏ 1:26

Ré deē kógə̄ḿ gír̄ kadə̄ ni i nge rɔȳ Nə́ɓā, ba ger̄ loo kəhɔ ta ndo̰n kə jámá aĺ anī, ni a gól̄ i rɔ̄n nəkɔ́: Rɔȳ Nə́ɓā yān i rɔȳ Nə́ɓā kə́ ndāńg karī.

GALATƏ 6:3

Ré deē kógə̄ḿ ɔjəń na ni na i yá̰á̰ kə́rēý, tá ni i yá̰á̰ kógə̄ḿ aĺ anī, ni-gól̄ i rɔ̄n nəkɔ́.

Najə̄ kə́ Majə yā Jeju ń Luk ndang ní 21:8

Ni ədadə́ na: Ādə̄ kumsí ngan̄g, ba ə̄ndāī kum kedə̄ dɔ rɔ̄sí tə́, na ngá̰ý gə̄ a unən̄ rīḿ yā reēń, ba a ədan̄ na i mā ō, na ndɔ̄ na i ngɔr ō, ī-lōōī kun gōdə́.

JEJU TEĒ KUM JA̰A̰ 18:2

Ni-əga kɔŕ ngá̰ý əda na: Babilon ń i ɓē kə́ bo ní əsō kɔ̄ɔ́, əsō kɔ̄ɔ́! Adə̄ tél i loo ndi ndíĺ kə́ majaĺ gə̄ ō, loo ɓɔ̄ɔ̄ rɔ̄ yā ndíĺ kə́ yḛr gə̄ malang ō, yā yel̄ kə́ yḛr gə̄ malang ō, yā dā̰ kə́ yḛr gə̄ malang kə́ majən̄ aĺ ta kum de gə̄ tə́ ō.

JEJU TEĒ KUM JA̰A̰ 13:14

Ni-rāā adə̄ de kə́ dɔ nang tə́ gə̄ ndúmə̄n̄ sɔɔ̄ń yá̰á̰ kə́ yáā gə̄ ń ni-rāā ta kum dā̰ kə́ kété tə́ ní. Ni-əda de gə̄ na kə rāān̄ ndíĺ yá̰á̰ kógə̄ḿ kə́ ɔsə kum gotə dā̰ ń ənge do kaskar ba tél ndi kə kumneé gogə́ ní.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

IJAI 44:20

A̰ á̰, yá̰á̰ ń i bū ngóý ní n de gə̄ ń toō əhɔn̄ gō ní. Ndíĺdə́ rāā yá̰a̰ gōtə́ aĺ ō, gír̄ najə̄ yādə́ i gōtə́ aĺ ō. Nə́ɓā yādə́ a ajədə́ alé. De kógə̄ḿ dandə́ tə́ kə́ yā kəda na: Yá̰á̰ ń m-āwń jīḿ tə́ toō i nə́ɓā kə́ rɔ̄kum alé adə̄ to i kə̄ ndágá ní gətóo.

ABƏDIAS 1:3

Kɔjə rɔ̄ yāí kə́ ngá̰ý gólī! Ḭ̄ ī-ndi i bəlo mbal̄ gə̄ tə́, ī-rāā kújə yāí gə̄ i loo kə́ kḭḭ kə̄ dɔɔ́ gə̄ tə́. Ḭ̄ ə́da rɔ̄í na: I náā n asə rāām̄ kadə̄ m̄-risə nang tə́ ní.

Gōsə̄ najə̄ gə̄ 8:5

Sḭḭ̄ de kə́ kum gān̄g aĺ gə̄, ī-ndóōī loo gōn̄g yá̰a̰, sḭḭ̄ mbóo gə̄, ī-ndóōī tél de kə́ ngáā!

Makətūbə̄ ń Pol ndang adə̄ Rom gə̄ ní 6:6

Banī majə kadə̄ ī-gerī najə̄ ń toō majə: Əndan̄ háĺjí kə́ jóo kə máyá̰ naā tə́ kə Kərist tū kāgə̄ kə́ dēsə́ tə́, yā kadə̄ tɔ́gə rāā majaĺ yā de kə́ loo kōkə̄ ní teē kɔ̄ɔ́ ō, majaĺ rāāńjí ɓəlo tə́ to̰ aĺ ō.

Makətūbə̄ ń Pol ndang adə̄ Rom gə̄ ní 6:12

Ī-lōōī kadə̄ majaĺ o̰o̰ ɓē dɔ dā̰ rɔ̄sí kə́ a oy kɔ̄ɔ́ ń toō tə́, na sōgə́ ā ōōī i yān tá loo rāā yá̰a̰ gə̄ ń ngurdə́ a rāān tə́ ní.

Makətūbə̄ ń Pol ndang adə̄ Rom gə̄ ní 11:30

Kété ní sḭḭ̄ ī-mbātíī koō najə̄ yā Nə́ɓā, ba ngɔlaā i mbātə́ ń nin̄-mbātə́n̄ koō ta Nə́ɓā ní n rāā adə̄ kum Nə́ɓā o̰o̰nneé sesí sḭḭ̄ ní.

2 TIMOTE 3:6

Nin̄ i ngé túdə̄ kə̄ kem kújə gə̄ tə́ kə̄ gō dəyá̰ kə́ ngan̄g aĺ gə̄ tə́, yā rāādə́ kadə̄ əsōn̄ kum gūmbə̄ yādə́ gə̄ tə́. Dəyá̰ gə̄ ngeé ń toō ní, majaĺ rosə kemdə́ ō, ngur yá̰á̰ kə́ tayā tayā gə̄ ndɔ́r̄də́ ō.

2 TIMOTE 3:13

Banī de kə́ majaĺ gə̄ ō, ngé gól̄ loo gə̄ ō, a rāān̄ yá̰á̰ kə́ majaĺ i kum kə̄ kété kété ō, nin̄ a gólə̄n madə̄də́ gə̄ ō, a gólə̄n̄də́ nin̄ ō.

TITƏ 1:16

Nin̄-ədan̄ na n-gerə̄n̄ Nə́ɓā, banī yá̰a̰ rāādə́ ɔjə kadə̄ nin̄-gerə̄n̄ Nə́ɓā alé rɔ̄kum. Nin̄ i de kə́ majaĺ ngá̰ý gə̄ ō, de kə́ ngé dɔ ngan̄g gə̄ ō, asən̄ rāā yá̰á̰ kógə̄ḿ kə́ majə aĺ ō.

TITƏ 2:12

Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō.

TA KƏLA 38:9

Onan ger̄ kadə̄ ngōn̄ ń a ojə ní i ngōn̄ yān alé, adə̄ loo ń a sāā nə̄yá̰ ngōkó̰o̰n anī a ɓōkə́ manə̄n i nang tə́ kɔ̄ɔ́ yā kojəń ngōn̄ kadə̄ ngōkó̰o̰n alé.

TA KƏLA 39:16

Dəyá̰ ní ənī kūbə̄ ní ngóoń ngaan.