TITƏ 3:11 - Bibəl ta Sar̄

¹¹ Tɔdɔ̄ ī-ger̄ kadə̄ de kə́ beé i de kə́ tɔ̄ɔ̄ róbə kɔ̄ɔ́ ō, i de kə́ nge rāā majaĺ ō, nəkɔ́ gān̄g sarya dɔ rɔ̄n tə́ kɔ̄ɔ́ ō.

Bible sar

¹¹ Tɔdɔ̄ ī-ger̄ kadə̄ de kə́ beé i de kə́ tɔ̄ɔ̄ róbə kɔ̄ɔ́ ō, i de kə́ nge rāā majaĺ ō, nəkɔ́ gān̄g sarya dɔ rɔ̄n tə́ kɔ̄ɔ́ ō.

TITƏ 3:11 Referans Kwoze

HEBƏRO 10:26

Tɔdɔ̄ ré jə-gerī najə̄ kə́ rɔ̄kum pá tá jə-na̰yiī kə̄ loo rāā yá̰á̰ kə́ majaĺ tə́ kə gō kem ndigə yājí anī, gotə yá̰a̰ tun̄ kə́ tām̄ majaĺ tə́ gətóo.

KƏLA RĀĀ 15:24

J-oō kadə̄ na de kə́rēý gə̄ ḭḭn̄ danjí tə́ laā aw̄ nujən̄ kemsí ō, a̰ȳn̄ ndíĺsí ō kə najə̄ kɔr̄də́. Banī jḭḭ j-adə̄də́ ndūjí dɔ yá̰á̰ kógə̄ḿ tə́ tū najə̄ ń noō tə́ aĺ bátə́.

JA̰A̰ 3:18

Deē ń taā kemən anī, gāngə̄n̄ sarya dɔn tə́ alé, ba deē ń taā kemən aĺ anī, gāngə̄n̄ sarya dɔn tə́ kɔ̄ɔ́, tɔdɔ̄ ni-taā kem Ngōn̄ Nə́ɓā kə́ kal kógə̄ḿ beē alé.

Najə̄ kə́ Majə yā Jeju ń Luk ndang ní 19:22

Ngār ní ədan na: Ḭ̄ i nge kəla kə́ majaĺ. M-ā m̄-gān̄g sarya dɔí tə́ i kə gō najə̄ gə̄ ń teēn̄ taí ḭ̄ kɔ́ tə́ ní. Adə̄ m-ā m-ún yá̰á̰ kə́ m-ə̄nā aĺ ō, m-ə́ja kōō kə́ m̄-dubə̄ aĺ ō,

TITƏ 1:11

Majə kadə̄ deē utə̄ tadə́ kɔ̄ɔ́, tām̄ nin̄ i ngé nujə kem de gə̄ kə́ kem gír kojə kə́ kógə̄ḿ beē tə́ gə̄ malang kə yá̰á̰ ndóō kə́ majə kadə̄ deē ndóō de gə̄ aĺ tə́. Nin̄-rāān̄ nge ń nuū i yā kəngeń yá̰a̰ kə ta róbə́ kə́ gō tə́ alé.

2 TIMOTE 2:14

Ɔ́jə́də́ yá̰a̰ gə̄ ń toō adə̄ əga kemdə́ dɔ tə́. Ī-rāādə́ ɓɔ́ ta kum Nə́ɓā tə́ kadə̄ lōōn̄ tṵ́ṵ̄ naā tām̄ yā kum najə̄ gə̄ tə́. Tɔdɔ̄ nge ń noō a teē yá̰a̰ alé, ba a nujə i ngé gə̄ ń oōn̄ ní ngóy.

Makətūbə̄ ń Pol ndang adə̄ Rom gə̄ ní 3:19

Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō.

KƏLA RĀĀ 13:46

Loo ń noō tə́ Pol nin̄ kə Barnabas ədan̄də́ kanjə̄ ɓōĺ na: Majə kadə̄ i sḭḭ̄ n ədan̄sí najə̄ yā Nə́ɓā kété ní! Ba dan ń sḭḭ̄ kɔ́ gə̄ ī-mbātíī ō, á̰a̰ī kadə̄ ī-ndetiī kadə ndi kə kumuú kə́ ngándáńg aĺ ō ɓá ní, jḭḭ jə-tūr̄ rɔ̄jí kə̄ rɔ̄ de gə̄ kə́ nin̄ i Jipə aĺ gə̄ tə́.

Najə̄ kə́ Majə yā Jeju ń Luk ndang ní 7:30

Banī Parijiyḛ gə̄ ō, ngé ndóō de gə̄ ndū najə̄ ō, mbātə́n̄ yá̰á̰ ń Nə́ɓā gḛy tām̄ yādə́ tə́ ní, adə̄ mbātə́n̄ kadə̄ Ja̰a̰ rāādə́ batém.

KƏLA RĀĀ 23:25

Ba ni-ndang najə̄ gə̄ ń toō əlańdə́:

TITƏ 1:14

Ādə̄ nin̄-əhɔn̄ gō gotə najə̄ kə́ tūr̄ gidə kadə̄ majə gə̄ yā Jipə gə̄ aĺ ō, əhɔn̄ gō yá̰a̰ gə̄ ń ngé tūr̄ gidədə́ kɔ̄ɔ́ ta najə̄ kə́ rɔ̄kum tə́ gə̄ ran̄ kə de gēé ta rāā ní aĺ ō.