TITƏ 2:8 - Bibəl ta Sar̄

⁸ Ādə̄ najə̄ kɔrīí i najə̄ kə́ to ngáā ō, kə́ dum̄ kadə̄ deē nējə̄ ō.

Bible sar

⁸ Ādə̄ najə̄ kɔrīí i najə̄ kə́ to ngáā ō, kə́ dum̄ kadə̄ deē nējə̄ ō.

TITƏ 2:8 Referans Kwoze

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

1 PIYER 2:15

Tɔdɔ̄ yá̰á̰ ń Nə́ɓā ndigə ní, i kadə̄ ī-rāāī yá̰á̰ kə́ majə kadə̄ ūtīneé ta de kə́ ger̄ yá̰a̰ aĺ gə̄ ō, kə́ mbóo gə̄ ō kɔ̄ɔ́.

1 PIYER 3:16

Banī ə̄nīī rɔ̄sí lɔm ɔ́jiīneédə́ gír ō, ī-ɓōlíī ndíĺdə́ ō. Ādī najə̄ gətóo dɔsí tə́, yā kadə̄ ré tetən̄ najə̄ dɔsí tə́ anī, ngé tə́da najə̄ kə́ majaĺ dɔ háĺ kə́ majə ń sḭḭ̄ ə́ngeī kə ta kūl̄ ɓoo naā yāsí kə Kərist ní, rɔ̄də́ sɔl̄də́ tām̄ najə̄ kɔr̄də́ tə́.

1 TIMOTE 6:3

Ré deē kógə̄ḿ ndóō de gə̄ yá̰á̰ kə́ rang ba əya̰ najə̄ kə́ rɔ̄kum gə̄ yā Kɔ́ɔ̄ɓē yājí Jeju Kərist kɔ̄ɔ́ ō, əya̰ yá̰á̰ ndóō kə́ əhɔn̄ naā kə taā kem yājí kɔ̄ɔ́ ō anī,

2 TESALONIK 3:14

Ré deē kógə̄ḿ mbātə́ najə̄ ń j-əda kem makətūbə̄ ń toō tə́ ní anī, ī-rāāī ādə̄ de gə̄ ger̄nən̄, ba ī-lōōī ɓoo naā seneé, ādə̄ rɔ̄n sɔlə̄n.

NEHEMI 5:9

Tā anī m-ə́dádə́ na: Yá̰á̰ ń ī-rāāī ní majə alé. Yá̰á̰ ń kadə̄ ī-rāāī ní i kadə̄ ī-ɓolíī ndíĺ Nə́ɓā yājí. Tá kadə̄ nápar de kə́ rang gə̄ ń i madə̄ ba̰ā̰jí gə̄ ní əlan̄ rɔ̄sɔl̄ dɔjí tə́ alé.

IJAI 66:5

Sḭḭ̄ ń ī-taāī najə̄ yā Kɔ́ɔ̄ɓē ō, ī-ɓōlíī gidə najə̄ yān ngá̰ý ō ní, ōōī yá̰á̰ ń Kɔ́ɔ̄ɓē əda ní: Ngákó̰ó̰sí kə́rēý gə̄ ní nel̄də́ sesí aĺ ngá̰ý ō, nin̄ tə̄ɓān̄sí kɔ̄ɔ́ najə̄ yāḿ mā tə́ ō. Nin̄ mbóōn̄ sesí ədan̄ na: Ādə̄ Kɔ́ɔ̄ɓē ɔjə kɔsə gɔn yān kə̄ ndágá, loo ń noō tə́ j-a j-a̰a̰ rɔ̄nel̄ yāsí! Banī i nin̄ n rɔ̄də́ a sɔl̄də́ ngá̰ý ní.

1 TIMOTE 5:14

Adə̄ dəyá̰ kə́ ngaa koy kə́ na̰y mandə ɓáý gə̄ ní, m̄-gḛy kadə̄ táān̄ dəngam gə̄ ō, ojən̄ ngán gə̄ ō, əndān̄ kumdə́ gír de kə́ kem kújə yādə́ gə̄ tə́ majə ō. I beé tá nin̄ a adə̄n̄neé ngé rɔ̄ɔ̄ sejí gə̄ ta róbə kəda najə̄ kə́ majaĺ dɔjí tə́ alé.

Najə̄ kə́ Majə yā Jeju ń Luk ndang ní 13:17

Dan ń ni-əda najə̄ ń toō anī, madə̄ kɔ̄lən gə̄ malang ní rɔ̄də́ sɔl̄də́, ba kósə de gə̄ malang tá rɔ̄də́ nel̄də́ ngá̰ý tām̄ yá̰á̰ kə́ majə ngá̰ý gə̄ malang ń ni-rāā tə́ ní.

MARK 12:34

Ba loo ń Jeju a̰a̰ kadə̄ deē ní tél əda najə̄ ní majə kə kum kedēé ní anī, ədan na: Ḭ̄ i sa̰y rɔ̄ Ɓē ko̰o̰ yā Nə́ɓā tə́ alé. Gō najə̄ ń noō tə́ ní, nin̄ malang ɓōlə́n̄ dəjen najə̄ dɔ yá̰á̰ kə́ rang tə́ kɔ̄ɔ́.

MARK 12:32

Nge ndóō de gə̄ ndū najə̄ ní ədan na: Majə, Ngoljí, əda rɔ̄kum na Nə́ɓā i kal kógə̄ḿ beē, ba kə́ rang gətóo, i ni ngóy.

MARK 12:28

Nge ndóō de gə̄ ndū najə̄ kógə̄ḿ oō najə̄ ń Sadusiyḛ gə̄ ō Jeju ō nējə̄n̄ naā najə̄ dɔ tə́ ní. Dan ń a̰a̰ kadə̄ Jeju tél ədadə́ i kə gōó majə ní anī, ndɔ́tə̄ kə̄ rɔ̄n tə́ ba dəjen na: Dan gō míndə gə̄ tə́ malang ní, nge kə́ rá n i kə́ kété bang ní?

MARK 12:17

Anī Jeju ədadə́ na kə tél adə̄n̄ Sejar yá̰á̰ ń i yā Sejar ní ō, kə tél adə̄n̄ Nə́ɓā yá̰á̰ ń i yā Nə́ɓā ní ō. Adə̄ ɔr kumdə́ seneé ngá̰ý.

TITƏ 3:14

Majə kadə̄ deē yājí gə̄ ndóōn̄ rāā kəla kə́ majə gə̄ ō, tá kadə̄ nin̄-əndān̄ rɔ̄də́ ta yá̰á̰ kə́ tōr̄ rɔ̄ gə̄ tə́. Loo ń noō tə́, nin̄ a télən̄ de kə́ teē yá̰a̰ aĺ gə̄ alé.