TITƏ 2:2 - Bibəl ta Sar̄

² Əda de kə́ tɔgə ɓə́ga gə̄ kadə̄ nin̄ i ngé kəhɔ rɔ̄də́ dɔ yá̰á̰ tə́ gə̄ ō, nin̄ i de gə̄ kə́ asən̄ kadə̄ de gə̄ rɔȳn̄də́ ō, nin̄ i ngé rāā yá̰a̰ kadə̄ mān̄ dɔ loon aĺ gə̄ ō, kadə̄ nin̄-ndan̄ ngan̄g dɔ taā kem tə́ ō, dɔ táŕ tə́ ō, dɔ tə́gā ta tə́ ō.

Bible sar

² Əda de kə́ tɔgə ɓə́ga gə̄ kadə̄ nin̄ i ngé kəhɔ rɔ̄də́ dɔ yá̰á̰ tə́ gə̄ ō, nin̄ i de gə̄ kə́ asən̄ kadə̄ de gə̄ rɔȳn̄də́ ō, nin̄ i ngé rāā yá̰a̰ kadə̄ mān̄ dɔ loon aĺ gə̄ ō, kadə̄ nin̄-ndan̄ ngan̄g dɔ taā kem tə́ ō, dɔ táŕ tə́ ō, dɔ tə́gā ta tə́ ō.

TITƏ 2:2 Referans Kwoze

GALATƏ 5:23

dɔ sɔl̄ ō, kəhɔ rɔ̄ ō. Ndū najə̄ mbātə́ yá̰a̰ gə̄ ń noō alé.

1 PIYER 4:7

Ta ngóý yá̰a̰ malang dɔ i ngɔr. I beé ní ādə̄ sḭḭ̄ i de kə́ ngé kum kedə̄ gə̄ ō, ngé kəhɔ rɔ̄də́ dɔ yá̰á̰ tə́ gə̄ ō, yā kadə̄ sḭḭ̄ ásiīneé ndɔ̄ȳ Nə́ɓā.

1 TIMOTE 3:11

Yā dəyá̰ gə̄ i tītə̄ ń noō ō, ādə̄ nin̄ i dəyá̰ gə̄ kə́ de gə̄ ɓōlə́n̄ ndíĺdə́ ō, nin̄ i ngé tām̄ kə de gēé aĺ ō, ngé kəhɔ rɔ̄də́ dɔ yá̰á̰ tə́ gə̄ ō, ādə̄ nin̄ i ngé ra dɔ ndūdə́ tə́ gə̄ tū yá̰a̰ gə̄ tə́ malang ō.

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

TITƏ 1:13

Najə̄ ń deē ń nuū əda ní, i najə̄ kə́ rɔ̄kum. Adə̄ majə kadə̄ ī-ndán̄gdə́ tá kadə̄ taā kem yādə́ i taā kem kə́ gō tə́.

1 TIMOTE 3:2

Adə̄ majə kadə̄ ni i de kə́ najə̄ gətóo dɔn tə́ ō, nə̄yá̰n i kógə̄ḿ beē ō, ni i de kə́ nge kəhɔ rɔ̄n dɔ yá̰á̰ tə́ ō, nge rāā yá̰a̰ kadə̄ mān̄ dɔ loon aĺ ō, i de kə́ de gə̄ a rɔȳnən̄ ō, i de kə́ nge kəhɔ de gə̄ kə̄ rɔ̄n tə́ majə ō, kə́ ger̄ loo ndóō de gə̄ yá̰a̰ ō,

Gōsə̄ najə̄ gə̄ 16:31

Dɔ kə́ ndaa i jākā kɔsə gɔn kə́ majə ngá̰ý. Deē a ənge i loo rāā yá̰á̰ kə́ gōtə́ tə́.

1 TESALONIK 5:8

Banī jḭḭ̄ ń i de kə́ kadaá gə̄ ní, ādə̄ j-əhɔī rɔ̄jí dɔ yá̰á̰ tə́. J-əlaī kūbə̄ gində̄ ń i taā kem ō, tár ō ní rɔ̄jí tə́ ō, jākā kəndā kem dɔ kajə tə́ dɔjí tə́ ō.

Makətūbə̄ ń Pol ndang adə̄ Rom gə̄ ní 12:3

Sɔɔ̄ń yá̰á̰ ń Nə́ɓā adə̄m̄ karī kə ta kūl̄ kem majə yānneé ní, m-ə́dásí sḭḭ̄ malang najə̄ ń toō: Ī-lōōī kɔjə rɔ̄sí kadə̄ mān̄ dɔ majən, banī ādī gír̄ yāsí i gír̄ kə́ kə looneé, kadə̄ náā náā nəkɔ́ ɓáa ɔjə rɔ̄n kadə̄ mān̄ dɔ majən alé, ba kadə̄ asə kə gō taā kem ń Nə́ɓā mbɔ̄jə́ adə̄sí ní.

Makətūbə̄ yā Job 12:12

Kum kedə̄ i ɓē kum kɔɔ̄ gēé ō, ger̄ kum yá̰a̰ əhɔ i de kə́ ɓālə̄n i ngá̰ý ō.

LEBI GƏ̄ 19:32

Ré á̰a̰ de kə́ dɔn ndaa ɓáa ḭ́ḭ dɔɔ́. Ī-rɔȳ de kə́ tɔgə ɓə́ga. Loo ɓōĺ ndíl Nə́ɓā yāí n noó. Mā i Kɔ́ɔ̄ɓē.

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

1 KORḚNTƏ 15:34

Ādī asəsí mbóo ō, ī-lōōī rāā majaĺ ō. Tɔdɔ̄ de kə́rēý gə̄ kə́ dáńsí tə́ gerə̄n̄ Nə́ɓā alé. M-ə́da nge ń noō i yā kəlań rɔ̄sɔl̄ dɔsí tə́.

PĀ GƏ̄ 92:14

Ni i kāgə̄ kə́ deē əhɔn ɓē yā Kɔ́ɔ̄ɓē tə́. Ni hútə̄ ndágə loo kə́ gīr̄ gidə kújə yā Kɔ́ɔ̄ɓē Nə́ɓā yājí tə́.

2 PIYER 1:6

ə́hɔī rɔ̄sí tɔgə ba ə̄ndāī tə́gā ta dɔ yá̰a̰ ger̄ tə́ ō, ə̄ndāī kəre rɔ̄ dɔ tə́gā ta tə́ ō, ə̄ndāī rāā yá̰a̰ kə gō ń Nə́ɓā ndigə ní dɔ kəre rɔ̄ tə́ ō,

TITƏ 1:8

Majə kadə̄ ni i de kə́ nge kəhɔ de gə̄ mbā ō, de kə́ yá̰á̰ kə́ majə nelə̄n ō. Ni a a̰a̰ i yá̰á̰ kə́ majə tá a rāā ō, i de kə́ nge rāā yá̰á̰ kə́ gōtə́ ō, yá̰á̰ kə́ nel̄ Nə́ɓā ō, de kə́ a əhɔ rɔ̄n dɔ yá̰á̰ tə́ ō.

1 TIMOTE 3:4

ger̄ loo kɔr no de kə́ kem kújə yān tə́ gə̄ majə ō, ger̄ loo rāā kadə̄ ngánən gə̄ oōn̄ tan majə ō, ɓōlə́n̄ ndílən ō.

1 TIMOTE 1:5

Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

1 TESALONIK 5:6

I beé ní, jə-lōōī ɓīī tītə̄ yā gotə de gə̄. Banī jə-ndiī kanjə̄ kənī ɓīī kumjí tə́ ō, j-əhɔī rɔ̄jí dɔ yá̰á̰ tə́ ō.

PILIPƏ 4:8

Tām̄ yā gotə najə̄ gə̄ malang tə́ ɓáa ngákó̰ó̰ḿ gə̄, yá̰a̰ malang ń i yá̰á̰ kə́ majə ō, i yá̰á̰ kə́ to kadə̄ deē tɔ̄ȳsí loon tə́ ō, i yá̰á̰ kə́ rɔ̄kum ō, i yá̰á̰ kə́ to kadə̄ deē ɓōĺ gidə ō, i yá̰á̰ kə́ gō tə́ ō, i yá̰á̰ kə́ unjə̄ njáý njáý ō, i yá̰á̰ kə́ nel̄ deē ō, i yá̰á̰ kə́ to rɔȳ ō ní, ādī gír̄ yāsí malang i dɔ tə́.

2 KORḚNTƏ 5:13

Ré i rɔ̄kum kadə̄ jḭḭ i de kə́ mbóo gə̄ anī, i tām̄ yā Nə́ɓā tə́. Ba ré jḭḭ i de kə́ ngáā gə̄ anī, i tām̄ yāsí tə́.

1 KORḚNTƏ 9:25

Ngé kənī gambəla gə̄ malang ní, dan ń nin̄ a nāān̄ rɔ̄də́ ɓáý ní, nin̄ kɔ́ gə̄ əlan̄ dɔdə́ gír ndū najə̄ kə́ ngan̄g ngan̄g gə̄ tə́. Nin̄-rāān̄ rɔ̄də́ yá̰á̰ kə́ tōr̄ i yā kəngeń jākā mbang kə́ a nujə kɔ̄ɔ́ ba a to ngándáńg alé. Banī jḭḭ̄ jə-rāāī i yā kəngeń jākā mbang kə́ a to ngándáńg.

KƏLA RĀĀ 24:25

Ba dan ń Pol a ɔr̄ najə̄ kə́ dɔ háĺ kə́ gōtə́ tə́ ō, dɔ kəhɔ rɔ̄ dɔ yá̰á̰ tə́ ō, dɔ sarya kə́ a reē ɓáý tə́ ō anī, ɓōĺ rāā Peliksə adə̄ əda na: Kə́ ngɔr ń toō tə́ ɓáa ī-tél āw̄ kə̄ naā tə́. Ré m-ə́nge kum mbang anī m-ā m̄-ɓāríī ɓáý.

Najə̄ kə́ Majə yā Jeju ń Luk ndang ní 8:35

Adə̄ de gə̄ teē reēn̄ ka̰a̰ yá̰a̰ nəkɔ́ ń rāā yá̰á̰ tə́ ní. Dan ń reē ugə̄n̄ rɔ̄ Jeju tə́ anī, əngen̄ dəngam ń ndíĺ kə́ majaĺ gə̄ teēn̄ kemən tə́ kɔ̄ɔ́ ní ndi nang tə́ nja Jeju tə́ kə kūbūú rɔ̄n tə́ ō, ndi i kə́ de kə́ karī gə̄ tə́ ba i kə́ de kə́ yá̰a̰ rāān tə́ to̰ aĺ ō, adə̄ ɓōĺ rāādə́.

MARK 5:15

Dan ń reē ugə̄n̄ rɔ̄ Jeju tə́ anī, a̰ā̰n̄ deē ń ndíĺ kə́ majaĺ gə̄ i kemən tə́ ní ndi nang tə́ kə kūbūú rɔ̄n tə́. Ni ń ndíĺ kə́ majaĺ gə̄ i ngá̰ý kemən tə́ ní, tél ndi i kə́ de kə́ karī gə̄ tə́, adə̄ ɓōĺ rāādə́ ngá̰ý.

IJAI 65:20

Ngōn̄ kásə̄ kə́ yā ndi ndɔ̄ kóndóńg wań ngóy a koy kɔ̄ɔ́ a gətóo ō. De kə́ tɔgə kə́ yā gān̄g koy kanjə̄ tɔgə ɓə́ga a gətóo ō. De kə́ dūú tɔȳ madə̄n gə̄ a rāā ɓāl̄ ɓú tá a oy ō, de gə̄ a rāān̄ koy kə́ kanjə̄ kadə̄ ɓāl̄ deē i ɓú i ndɔ̄ĺ kə́ reē dɔ deē tə́ tə́.

1 TIMOTE 3:8

Ngé rāā kəla nə̄ɓō yá̰a̰ gə̄ ní, yādə́ i tītə̄ ń noō ō. Ādə̄ nin̄ i de gə̄ kə́ de gə̄ rɔȳn̄də́ gə̄ ō, nin̄ i ngé míndə jōó aĺ gə̄ ō, ngé ka̰ȳ kasə ngá̰ý gə̄ aĺ ō, ngé sāā kənge yá̰a̰ kə ta róbə́ kə́ gō tə́ aĺ gə̄ alé ō.

1 TIMOTE 1:2

n m-ə́la kə makətūbə̄ ń toō m-ādī ḭ̄ Timote ní. Ḭ̄ i ngōnə̄ḿ kə́ rɔ̄kum, tɔdɔ̄ i mā n m̄-rāā adə̄ ī-taā kem ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē yājí Kərist Jeju rāān̄ kem majə seí ō, a̰a̰n̄ kum tō ndoō yāí ō, sɔlə̄n̄ kemií ō.

1 TIMOTE 1:10

ngé sāā naā loo kaya tə́ gə̄ ō, ngé sāā dəngam madə̄də́ gə̄ ō, ngé kigə de gə̄ ō, ngé sor̄ gə̄ ō, ngé túbə̄ dɔ sor̄ tə́ gə̄ ō, aláa ngé rāā yá̰á̰ kə́ rang gə̄ malang kə́ mbātə́ yá̰á̰ ndóō kə́ rɔ̄kum ō.

1 TIMOTE 1:14

Banī Kɔ́ɔ̄ɓē rāā kem majə seḿ ngá̰ý. Ni-rāā adə̄ m̄-taā kem ō, m̄-tár ō, kə ta kūl̄ kem kógə̄ḿ kə́ m̄-rāā kə Kərist Jeju.

1 TIMOTE 5:1

Ī-lōō gɔŕyɔ̄ de kə́ tɔgə ɓə́ga kə ngangāá, ba ɔ̄jən tītə̄ kə́ ni i bɔbí beē. Ɔ̄jə̄ balsáa gə̄ tītə̄ kə́ nin̄ i ngákó̰ó̰í gə̄ ō,

PILEMO̰ 1:9

m̄-gír̄ kadə̄ i só tə́ kadə̄ m-ə̄ndā tɔ́gə́ḿ dɔ tár tə́ m̄-rāāīneé ɓɔ́: Mā Pol ń i ɓə́ga ō, i dəngáy tām̄ yā Jeju Kərist tə́ kə̄ dɔ tə́ ɓáý to̰ ngɔlaā ō ní,