TITƏ 2:14 - Bibəl ta Sar̄

¹⁴ Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

Bible sar

¹⁴ Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

TITƏ 2:14 Referans Kwoze

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

1 PIYER 1:18

Tɔdɔ̄ sḭḭ̄ kɔ́ gə̄ ī-gerī yá̰á̰ ń rāā yá̰á̰ á gāngə̄n̄neé dɔsí kɔ̄ɔ́ tū yá̰a̰ rāā kə́ kanjə̄ kumən gə̄ tə́ ń kaasí gə̄ ndóōn̄sí kə̄ kété ní. I yá̰a̰ gə̄ kə́ a nujən̄ kɔ̄ɔ́ tītə̄ gində̄ arjā̰a̰ aláa lɔ́r n gāngə̄n̄neé dɔsí ní alé.

TITƏ 3:8

Najə̄ ń noō i Najə̄ kə́ Majə kadə̄ deē taā kem. Adə̄ m-gḛy kadə̄ ī-ra dɔ tə́ ngá̰ý, yā kadə̄ de gə̄ ń taān̄ kem Nə́ɓā ní, əndān̄ kumdə́ gíŕ yá̰á̰ kə́ majə gə̄ tə́ rāān̄. Nge ń noō i yá̰á̰ kə́ majə ō, a rāā majə kə de gēé malang ō.

JEJU TEĒ KUM JA̰A̰ 5:9

Nin̄-ənīn̄ pā kə́ kijə ń toō: Ḭ̄ ásə taā makətūbə̄ ní, ba kɔsə mbō̰ kə́ ta tə́ kɔr̄. Tɔdɔ̄ əjan̄ míndí adə̄ ī-gān̄g dɔ gír ɓē gə̄ malang ō, dɔ de gə̄ kə́ ta yādə́ gə̄ i tayā tayā malang ō, gíŕdə́ i tayā tayā malang ō, nápardə́ i tayā tayā malang ō, ādə̄ Nə́ɓā kə ta kūl̄ mósí.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

GALATƏ 2:20

m̄-ndi kə kumḿ ɓá tā ba i mā alé, i Kərist n ndi kə kumneé kemḿ tə́ ní. Tɔdɔ̄ ndiḿ kə́ deē ndul tə́ kə́ ngɔr ń toō tə́ ní, m-ndi i kə ta kūl̄ taā kə́ m̄-taā kem Ngōn̄ Nə́ɓā kə́ tárəm̄, tɔdɔ̄ ni-adə̄ rɔ̄n kum gotəḿ.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

KƏLA RĀĀ 9:36

Nge ndóō yá̰a̰ yā Jeju kógə̄ḿ kə́ dəyá̰ ndi kem ɓē kə́ Jope tə́, rīn na i Tabita. Rīn ní kə ta Gərek na i Dorkas ń kumən na i Jal̄ ní. Dəyá̰ ní rāā kəla kə́ majə gə̄ ngá̰ý ō, adə̄ ngé ndoō gə̄ yá̰á̰ ngá̰ý ō.

MATIYE 20:28

Yā Ngōn̄ Deē i tītə̄ n noō ō. Ni-reē yā kadə̄ i de gə̄ n rāān̄ kəla yān alé, ba i ni n kadə̄ rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

1 JA̰A̰ 3:2

Kó tár yāḿ gə̄, ngɔlaā ń toō jḭḭ̄ i ngáń Nə́ɓā, ba jī loo kətojí kə́ ndɔ̄ń tə́ ń j-a jə-toī ní, ɔjən̄ kə̄ ndágá aĺ ɓáý. Jə-gerī kadə̄ ré Kərist a ɔjə rɔ̄n kə̄ ndágá anī, j-a jə-toī tītə̄n. Tɔdɔ̄ j-a j-a̰a̰ī kadə̄ ni a to i kum gotən.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

PĀ GƏ̄ 130:8

I ni n i nge gān̄g dɔí, tū yá̰á̰ kə́ gōtə́ aĺ gə̄ malang ń ī-rāā tə́ ní.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

NDŪ NAJƏ̄ 14:2

Tɔdɔ̄ sḭḭ̄ i gír de kə́ ɔrə̄n̄ kam̄sí tayā gə̄ tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ ní.

GALATƏ 1:4

Jeju Kərist, i nge ń adə̄ rɔ̄n kə gō kem ndigə yā Bɔbə̄jí Nə́ɓāá tām̄ yā majaĺ yājí gə̄ tə́, yā kɔrə̄ńjí kɔ̄ɔ́ dan yá̰á̰ kə́ majaĺ kə́ dɔ nang tə́ laā tə́ ní.

JA̰A̰ 10:15

tītə̄ ń Bɔbə́ḿ ger̄məń ō, mā m̄-gerə̄ń Bɔbə́ḿ ō ní. Adə̄ m-óy tām̄ yā batə̄ yāḿ gə̄ tə́.

NDŪ NAJƏ̄ 26:18

Ni-rāā adə̄ ə̄nī ndūí ādə̄n ō, ə́da na ḭ̄ i gír deē yān, nge ń ni ɓārə́n na i yá̰a̰ kənge yān kə́ gātə̄n i ngá̰ý ní ō, ə̄nī ndūí yā ngɔ̄məń gō míndən gə̄ malang ō.

NDŪ NAJƏ̄ 7:6

Tɔdɔ̄ sḭḭ̄ i gír de gə̄ kə́ ɔrə̄n̄ kam̄sí tayā tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ kə́ sɔɔ̄ dɔn nəkɔ́ ngóý ní.

Teē Ngán Israel gə̄ 15:16

Ndíĺdə́ a̰ȳ malang. Kɔ́ɔ̄ɓē, dan ń gír deē yāí gə̄ ń ī-gān̄g dɔdə́ ní a mānə̄n̄ anī, ɓōĺ asə madə̄ ɓēdə́ gə̄ nák adə̄ ədan̄ najə̄ alé, tɔdɔ̄ a̰a̰n̄ tɔ́gí ń ī-rɔ̄ɔń dɔ deē yāí gə̄ tə́ ní.

HEBƏRO 10:24

J-a̰ā̰ī gō naā kadə̄ j-ɔsiī kíl naā kə̄ dɔɔ́ loo tár naā tə́ ō, loo rāā kəla yá̰á̰ kə́ majə tə́ ō.

1 TIMOTE 6:18

Ə́dádə́ kadə̄ rāān̄ majə kə de gēé ō, kadə̄ rāān̄ yá̰á̰ kə́ majə ngá̰ý ō, kadə̄ adə̄n̄ de gə̄ yá̰a̰ ngá̰ý ō, kadə̄ kēgə̄n̄ yá̰a̰ yādə́ gə̄ adə̄n̄ madə̄də́ gə̄ tə́ ō.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

EJEKIEL 37:23

Ā ī-yḛriī rɔ̄sí kə rɔȳ nə́ɓā yāsí kə́ rɔ̄kum aĺ gə̄ to̰ aĺ ō, kə rāā yá̰á̰ kə́ majaĺ ngá̰ý gə̄ to̰ aĺ ō, kə rāā yá̰á̰ kə́ gōtə́ aĺ kə́ tayā tayā gə̄ malang to̰ aĺ ō. Yá̰a̰ gə̄ kə́ ɔjən̄ kadə̄ ī-raī dɔ ndūsí tə́ aĺ gə̄ malang ń ī-rāāī seḿ ní, m-ā m-ɔ̄r̄sí kum tə́ kɔ̄ɔ́. M-ā m̄-rāāsí kadə̄ ā ūnjī njáý njáý. Loo ń noō tə́ sḭḭ̄ i gír deē yāḿ gə̄ ō, mā i Nə́ɓā yāsí ō.

PĀ GƏ̄ 135:4

Tɔdɔ̄ Kɔ́ɔ̄ɓē gə̄rā Jakob tām̄ yān tə́, ni-rāā Israel i yá̰a̰ yān nəkɔ́ tə́.

TA KƏLA 48:16

kadə̄ de kə́ dɔ rā̰ tə́ ń un yá̰á̰ kə́ majaĺ gə̄ kɔ̄ɔ́ dɔn tə́ ní, kə rāā majə kə ngán gə̄ ń toō. Kadə̄ ɓārə́n̄də́ kə rīneé ō, kə rī kaan Abərahamaá ō, kə rī bɔbə̄n Isaaká ō. Kadə̄ ojən̄ naā ngá̰ý kem ɓēé ō.

JAKƏ 4:8

Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī unjə̄ njáý njáý.

1 TIMOTE 2:10

Banī majə kadə̄ yá̰á̰ súū rɔ̄ yādə́ i kəla rāādə́ kə́ majə gə̄, tītə̄ ń dəyá̰ kə́ ngé rāā yá̰a̰ kə gō ń Nə́ɓā ndigə ní gə̄ a rāān̄neé ní.

1 TIMOTE 2:6

Ni-adə̄ rɔ̄n yā gāngəń dɔ de gə̄ malang. Dan ń kum mbang asə ní, ni-əda najə̄ kə́ kum tə́ yān i tītə̄ ń noō, kadə̄ rɔ̄kum Nə́ɓā gḛy kadə̄ de gə̄ malang ajən̄.

1 TIMOTE 1:15

Najə̄ ń toō i najə̄ kə́ rɔ̄kum kə́ to kadə̄ deē taā kem ō, i najə̄ kə́ asə kadə̄ de gə̄ malang ndigən̄ kə taá ō: Kərist Jeju reē dɔ nang tə́ i kajə ngé rāā majaĺ gə̄ tə́, ba majaĺ yāḿ mā tɔȳ majaĺ yā ngé rāā majaĺ gə̄ malang.

KƏLA RĀĀ 15:14

Simo̰ ter̄ kemjí dɔ kəndā ń Nə́ɓā əndā kumən gír de gə̄ ń i Jipə aĺ gə̄ tə́ ní. Ni gə̄rā de gə̄ dandə́ tə́ ta kəla gíŕ tə́ kadə̄ nin̄ i gír deē yān gə̄.

KƏLA RĀĀ 15:9

Nin̄ ō, jḭḭ̄ ō ní jə-tītī naā ta kum Nə́ɓā tə́. Ni-ɔr̄ majaĺ kə́ kemdə́ tə́ kɔ̄ɔ́ adə̄ kemdə́ unjə̄ njáý njáý i kə ta kūl̄ taā ń nin̄-taān̄ kem ní.

JA̰A̰ 6:51

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

MATIYE 1:21

Ni a ojə ngōn̄ kə́ dəngam, ba ḭ̄ ā ə̄ndā rīn na i Jeju, tɔdɔ̄ i ni n a ajə gír deē yān gə̄ kum majaĺ yādə́ gə̄ tə́ ní.

MALASI 3:3

Ni a ndi nang tə́ yā nōō gində̄ arjā̰a̰ horoó ō, yā rāā kadə̄ gində̄ arjā̰a̰ unjə̄ njáý njáý ō. Ngé tun̄ yá̰a̰ gə̄ kə́ kem kojə yā Lebi tə́ ní, ni a tə́gódə́ kadə̄ a unjə̄n̄ njáý njáý. A rāādə́ kadə̄ a unjə̄n̄ njáý njáý tītə̄ loo rāā lɔ́r ō gində̄ arjā̰a̰ ō kadə̄ unjə̄n̄ njáý njáý beē. Loo ń noō tə́ nin̄ a asən̄ kadə̄ Kɔ́ɔ̄ɓē yá̰a̰ ndējə̄ gə̄ kə gō looneé.

TƏ́DA 25:13

I madə̄ naā kə́ əndān kem kəla tun̄ yá̰á̰ tə́ kə ngánən gēé ō, ngán kaan gēé ō, kə́ njɔ́ḿ gə̄ tə́. Tɔdɔ̄ ni-rāā jang kum gotə Nə́ɓā yān ō, rāā yá̰a̰ kutə dɔ majaĺ yā ngán Israel gə̄ ō.

NDŪ NAJƏ̄ 4:20

Banī Kɔ́ɔ̄ɓē ɔysí sḭḭ̄ teē sesí kɔ̄ɔ́ kem ɓē kə́ Ejiptə ń rāā rɔ̄n i hor nō gində̄ tə́ kə́ njɔ́ḿ gə̄ tə́ ní, yā kadə̄ ī-téliī gír deē yān gə̄ kə́ yá̰a̰ halan gə̄ tə́ tītə̄ ń ī-ndiīneé jīsí tə́ ɓōólaā toó.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

EPEJƏ 1:11

J-əngeī yá̰á̰ ń Nə́ɓā ənī míndən yā kadə̄jí ní, i kə ta kūl̄ ɓoo kə́ jə-ɓooī naā kə Kərist. Tām̄ Nə́ɓā gə̄rājí kété i kə gō ń ni-núməń ní. Ba ni a rāā yá̰a̰ malang i tītə̄ ń ni-gḛyń ní.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

1 JA̰A̰ 1:7

Banī ré jə-njə̄rāī i kum loo kə́ unjə̄ kow tə́ tītə̄ ń nəkɔ́ i kum loo kə́ unjə̄ kow tə́ ní anī, jə-rāāī i kem kasə naā mbo̰ō̰jí tə́ kógə̄ḿ kógə̄ḿ ō, mósə Ngōnən Jeju a tə́go majaĺ yājí gə̄ malang ō.

1 JA̰A̰ 1:9

Ré j-ɔrī gír majaĺ yājí anī, Nə́ɓā a mā̰ȳ rɔ̄n dɔ tə́ ō, a tə́go yá̰á̰ kə́ gō tə́ aĺ gə̄ malang kɔ̄ɔ́ rɔ̄jí tə́ ō. Tɔdɔ̄ ni i de kə́ nge ra dɔ ndūn tə́ ō, de kə́ súmūú ō.

LEBI GƏ̄ 25:41

Ré ɓāl̄ Jubile ugə̄ anī, ā ə́ya̰n kə ngánən gēé kadə̄ tél aw̄ gogə́ dan ngéén gə̄ tə́ dɔ nang yā kaan gə̄ tə́.