TITƏ 2:12 - Bibəl ta Sar̄

¹² Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō.

Bible sar

¹² Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō.

TITƏ 2:12 Referans Kwoze

EJEKIEL 36:27

M-ā m-ə̄ndā ndílə́ḿ kemsí tə́. I tītə̄ ń noō n m-ā m̄-rāań kadə̄ sḭḭ̄ ásiī koō taḿ ba rāā yá̰a̰ gə̄ ń ndū najə̄ yāḿ gə̄ ədan̄ ní ō, ɓōĺ gidə yá̰á̰ m-ə́dásí kadə̄ ī-rāāī ní ō, rāā yá̰á̰ m-ə́dásí kadə̄ ī-rāāī ní ō.

MATIYE 16:24

Gō tə́ anī Jeju əda ngé ndóō yá̰a̰ yān gə̄ na: Ré deē kógə̄ḿ gḛy reē gōḿ tə́ anī, adə̄ kɔ́ɔ̄ gír̄ dɔ rɔ̄n tə́ to̰ alé, ādə̄ kɔ́ɔ̄ əla dɔn gír kāgə̄ kə́ dēsə́ yān tə́ ba un gōḿ.

Makətūbə̄ ń Pol ndang adə̄ Rom gə̄ ní 6:19

M-ɔ̄r̄ najə̄ sesí i tītə̄ deē ndul gə̄, tɔdɔ̄ ré i beé aĺ anī, sḭḭ̄ ā ásiī ger̄ kum alé. Tītə̄ ń kété sḭḭ̄ ī-rāāī rɔ̄sí i ɓəlo gə̄ tə́ adə̄ ī-ndiī i kə rī rāā yá̰á̰ kə́ yḛr to kum gə̄ ō, kə rī rāā yá̰á̰ kə́ gōtə́ aĺ gə̄ ń a rāān̄sí kadə̄ ī-téliī de kə́ gōtə́ aĺ gə̄ ō ní, ngɔlaā majə kadə̄ ī-rāāī rɔ̄sí ɓəlo gə̄ tə́, ba i kadə̄ ī-ndiīń kə rī rāā yá̰á̰ kə́ gōtə́ gə̄ ń a rāān̄sí kadə̄ ī-téliī de kə́ táĺ gə̄ ní ō.

PĀ GƏ̄ 4:3

Sḭḭ̄ de gə̄ ń nel̄sí sekə́ deē kanjə̄ kumən ō, ī-sāāī tetə najə̄ dɔḿ tə́ ō ní, i rə́ngáý tə́ n a asəsí kídə̄ kɔsə gɔn yāḿ ní?

2 PIYER 2:9

Kumən na Kɔ́ɔ̄ɓē asə kɔr̄ de kə́ ngé rāā yá̰a̰ kə gō ń ni-ndigə ní gə̄ kum yá̰a̰ nāā tə́ ō, asə ngɔ̄m̄ de kə́ gōtə́ aĺ gə̄ yā rāādə́ yá̰á̰ kə́ tōr̄ ndɔ̄ gān̄g sarya tə́ ō.

1 JA̰A̰ 2:6

Deē ń əda na n-ndi na i kemən tə́ ní, majə kadə̄ kɔ́ɔ̄ njə̄rā tītə̄ ń Jeju nəkɔ́ njə̄rań ní.

2 TIMOTE 3:12

Tá de gə̄ malang ń ndigən̄ rāā yá̰a̰ kə gō ń Nə́ɓā ndigə ní, kə gō ɓoo naā yādə́ kə Kərist Jeju ní, a rāān̄də́ ndoō tə́ ō.

JEJU TEĒ KUM JA̰A̰ 14:12

De gə̄ yā Nə́ɓā ń i ngé ra dɔ gō míndən gə̄ tə́ ō, i ngé ra dɔ taā kem Jeju tə́ ō ní, kum mbang ń toō i kum mbang kə́ kadə̄ nin̄-tə́gān̄ tadə́.

Najə̄ kə́ Majə yā Jeju ń Luk ndang ní 1:75

Kadə̄ ta kumən tə́ ɓáa jḭḭ i de kə́ táĺ gə̄ ō, kə́ gōtə́ gə̄ ō, kə dɔ ndɔ̄ gə̄ malang ń jə-ndiń kə kumjí ní.

1 TESALONIK 4:7

Tɔdɔ̄ Nə́ɓā ɓāŕjí i yā kadə̄ jḭḭ̄ i de kə́ majaĺ tákə̄də́ gə̄ alé, banī kadə̄ jḭḭ̄ i de kə́ háĺjí i háĺ kə́ unjə̄ njáý njáý gə̄.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

1 TESALONIK 4:9

Najə̄ kə́ dɔ tár kə́ dɔ dáń ngákó̰o̰ naā gə̄ tə́ ní, majə kadə̄ deē ndang makətūbə̄ adə̄sí najə̄n tə́ alé, tɔdɔ̄ i Nə́ɓā n ɔjəsí sḭḭ̄ kɔ́ gə̄ loo tár naā ní.

EPEJƏ 2:2

ń ī-rāāī kété dan ń ā úniīń gō nə́ɓā kə́ dɔ nang tə́ laā, ń i ngār kə́ nge ra dɔ dán dɔ rā̰ kə dɔ nangaá tə́, adə̄ i ndíĺ ń a rāā kəla ngɔlaā kə ngé dum̄ naā gēé ní.

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

Makətūbə̄ ń Pol ndang adə̄ Rom gə̄ ní 6:12

Ī-lōōī kadə̄ majaĺ o̰o̰ ɓē dɔ dā̰ rɔ̄sí kə́ a oy kɔ̄ɔ́ ń toō tə́, na sōgə́ ā ōōī i yān tá loo rāā yá̰a̰ gə̄ ń ngurdə́ a rāān tə́ ní.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

1 JA̰A̰ 2:27

Ba Ndíĺ kə́ Táĺ ń ə́ngeī jīn tə́ ní i kemsí tə́, adə̄ ā ī-sāāī kadə̄ i deē kógə̄ḿ tá kə ndóōsí yá̰a̰ alé. Ndíĺ kə́ Táĺ ń ni-adə̄sí ní ndóōsí yá̰a̰ malang. Tá yá̰á̰ ń Ndíĺ kə́ Táĺ ndóōsí ní, i yá̰á̰ kə́ rɔ̄kum ba i sor̄ alé. Adə̄ tītə̄ ń ni ndóōsí yá̰á̰ ní, ī-ndiī kemən tə́.

2 PIYER 3:11

Dan ń a nujən̄ yá̰a̰ malang i tītə̄ ń noō ní, háĺ ń kadə̄ ī-ndiīneé ní sḭḭ̄ ī-gerī majə! Majə kadə̄ háĺsí i háĺ kə́ kɔr̄ kam̄ tām̄ yā Nə́ɓā tə́ ō, i háĺ kəhɔ gō Nə́ɓā ō,

HEBƏRO 8:11

Deē kógə̄ḿ dandə́ tə́ kə́ yā ndóō de kə́ ɓē yān tə́, aláa ngōkó̰o̰n kəda na: Ī-ger̄ Kɔ́ɔ̄ɓē ní, a gətóo. Tɔdɔ̄ nin̄ malang ger̄mə̄n̄, ngán gə̄gē ngatɔ́gə́ gə̄gē.

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

1 TIMOTE 4:12

Ādə̄ deē kídī tām̄ ḭ̄ kə́ i ngōn̄ kə́ balsáá ɓáý tə́ alé. Ba ādə̄ loo kɔr̄ najə̄ tə́ ō, loo rāā yá̰á̰ tə́ ō, loo táŕ tə́ ō, loo taā kem tə́ ō, loo rāā háĺ kə́ unjə̄ njáý njáý tə́ ō ɓáa, ḭ̄ i yá̰á̰ ndájə̄ tām̄ yā ngé taā kem gə̄ tə́.

KOLOSƏ 1:22

ngɔlaā lɔm to dɔ dáńsí tə́ kə Nə́ɓāá, sɔɔ̄ń koy ń Kərist oy ní. Adə̄ sḭḭ̄ i deē yān kə́ táĺ gə̄ kə́ najə̄ gətóo dɔsí tə́ ō, yá̰a̰ rāāsí kə́ majaĺ gətóo ō.

GALATƏ 5:24

De gə̄ ń nin̄ i yā Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́.

GALATƏ 1:4

Jeju Kərist, i nge ń adə̄ rɔ̄n kə gō kem ndigə yā Bɔbə̄jí Nə́ɓāá tām̄ yā majaĺ yājí gə̄ tə́, yā kɔrə̄ńjí kɔ̄ɔ́ dan yá̰á̰ kə́ majaĺ kə́ dɔ nang tə́ laā tə́ ní.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

Makətūbə̄ ń Pol ndang adə̄ Rom gə̄ ní 8:13

Tɔdɔ̄ ré ī-rāāī yá̰a̰ i kə gō kem ndigə yā dā̰ rɔ̄ɔ́ anī, ā óyiī. Banī ré ī-mbātíī rāā yá̰a̰ ń dā̰ rɔ̄sí ndigə ní kə ta kūl̄ Ndílí anī, ā ī-ndiī kə kumsí.

KƏLA RĀĀ 24:25

Ba dan ń Pol a ɔr̄ najə̄ kə́ dɔ háĺ kə́ gōtə́ tə́ ō, dɔ kəhɔ rɔ̄ dɔ yá̰á̰ tə́ ō, dɔ sarya kə́ a reē ɓáý tə́ ō anī, ɓōĺ rāā Peliksə adə̄ əda na: Kə́ ngɔr ń toō tə́ ɓáa ī-tél āw̄ kə̄ naā tə́. Ré m-ə́nge kum mbang anī m-ā m̄-ɓāríī ɓáý.

KƏLA RĀĀ 24:16

I tām̄ najə̄ ń noō tə́ n m-ā m-ə́hɔń rɔ̄ḿ tɔgə ngándáńg kadə̄ najə̄ gətóoń dɔḿ tə́ ta kum Nə́ɓā tə́ ō, ta kum de gə̄ tə́ ō ní.

1 JA̰A̰ 5:19

Jə-gerī kadə̄ jḭḭ̄ i de gə̄ yā Nə́ɓā, banī de kə́ dɔ nang tə́ gə̄ malang ní nin̄ i gíŕ tɔ́gə yā De kə́ Majaĺ tə́.

EPEJƏ 1:4

Tɔdɔ̄ kété pá tá kadə̄ Nə́ɓā rāā dɔ rā̰ ō, dɔ nang ō ní, ni-gə̄rājí kɔ̄kə́ yā kadə̄ jḭḭ̄ i deē yān gə̄, kə gō ɓoo kə́ jə-ɓooī naā kə Kərist, yā kadə̄ jḭḭ̄ i de kə́ táĺ gə̄ ō, de kə́ kanjə̄ najə̄ dɔjí tə́ gə̄ ō, kə̄ ta kumən tə́.

JA̰A̰ 14:30

M-ā m-ɔ̄r̄ najə̄ sesí ngá̰ý to̰ alé, tɔdɔ̄ ngār yā de kə́ dɔ nang ń toō tə́ gə̄ a reē i mbée. Ni-aw̄ kə tɔ́gə yā rāā yá̰á̰ kógə̄ḿ seḿ alé,

JA̰A̰ 6:25

Loo ń nin̄-əngenən̄ gidə bā bo tə́ anī, ədanən̄ na: Ngoljí, ūgə̄ laā i rə́ngáý tə́?

Najə̄ kə́ Majə yā Jeju ń Luk ndang ní 1:6

Nin̄ jōó mbak i de kə́ súmūú gə̄ ta kum Nə́ɓā tə́. Gō míndə gə̄ malang yā Kɔ́ɔ̄ɓē ō, yá̰a̰ malang ń Kɔ́ɔ̄ɓē əda kadə̄ yā rāā ō ní, nin̄-tetən̄ rɔ̄də́ gō tə́ rāān̄ kə gōó majə, adə̄ najə̄ gətóo dɔdə́ tə́.

PĀ GƏ̄ 105:45

yā kadə̄ nin̄-ngɔ̄mə̄n̄neé yá̰a̰ gə̄ ń ni ndang kadə̄ yā rāā ní ō, əndān̄neé kumdə́ gír ndū najə̄ yān gə̄ tə́ ō. Aleluya!

Makətūbə̄ ń Jud ndang ní 1:18

Nin̄-ədan̄sí na: Ta ngóy ndɔ̄ gə̄ tə́ anī ngé mbóo kə de gēé gə̄ na a ḭḭn̄ yā mbóo kə de gēé ō, i yá̰á̰ kə́ majaĺ gə̄ ń kemdə́ gḛy ngá̰ý ní n a ndɔ́r̄də́ ta róbə́ ní ō.

2 TIMOTE 4:10

Tām̄ Demas əya̰m̄ kɔ̄ɔ, tɔdɔ̄ yá̰á̰ kə́ dɔ nang tə́ kə́ ngɔlaā ń toō nelə̄n ngá̰ý, adə̄ ni-aw̄ Tesalonik. Tá Kəresa̰s aw̄ Galasi tə́ ō, Titə aw̄ Dalmati tə́ ō,

MATIYE 12:32

A mā̰ȳn̄ rɔ̄də́ dɔ deē ń əda najə̄ kə́ majaĺ dɔ Ngōn̄ deē tə́ ní, ba deē ń ɔr̄ najə̄ kə́ majaĺ dɔ Ndíĺ kə́ Táĺ tə́ ní, a mā̰ȳn̄ rɔ̄də́ dɔn tə́ dɔ nang ń toō tə́ aĺ ō, dɔ nang kə́ kijə kə́ ndɔ̄ń tə́ tə́ aĺ ō.

1 TIMOTE 6:9

Ba ngé gə̄ ń gḛyn̄ kənge yá̰á̰ ngá̰ý ní, a əsōn̄ kum gūmbə̄ yā yá̰a̰ nāā tə́ ō, yā ngur yá̰á̰ kə́ to mbóo gə̄ tə́ ō, kə́ majaĺ gə̄ tə́ ō ń i yá̰á̰ kə́ a nujən̄ de gə̄ sák sák ō, a tḭ̄ḭ̄n̄ tadə́ ō ní.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.