TITƏ 2:11 - Bibəl ta Sar̄

¹¹ Tɔdɔ̄ rajə deē ń i ta róbə́ kə́ kadə̄ de gə̄ malang ajən̄neé ní, Nə́ɓā ɔjə kə̄ ndágá.

Bible sar

¹¹ Tɔdɔ̄ rajə deē ń i ta róbə́ kə́ kadə̄ de gə̄ malang ajən̄neé ní, Nə́ɓā ɔjə kə̄ ndágá.

TITƏ 2:11 Referans Kwoze

1 TIMOTE 2:4

Ni-gḛy kadə̄ de gə̄ malang ajən̄ ō, aw̄n̄ bátə́ kadə̄ gerə̄n̄ najə̄ kə́ rɔ̄kum ō.

EPEJƏ 2:8

Tām̄ kajə ń ajən̄sí ní, rajən̄sí i mbée sɔɔ̄ń taā kə́ ī-taāī kem. I sḭḭ̄ kɔ́ gə̄ n ájiī rɔ̄sí ní alé, i Nə́ɓā n ajəsí karī ní.

IJAI 45:22

Sḭḭ̄ ń ī-ndiī ta ngóy dɔ nang tə́ ní, ī-tūrī kumsí kə̄ rɔ̄ḿ tə́, anī ā ájiī. A̰á̰ā̰, mā i Nə́ɓā ō, nə́ɓā kə́ rang gətóo ō.

HEBƏRO 2:9

Banī j-a̰a̰ī kadə̄ télən̄ kə Jeju kə̄ nang tə́, adə̄ de kə́ dɔ rā̰ tə́ gə̄ tɔȳnən̄ sḛ́ý. I yā kadə̄ kə ta kūl̄ rajə ń Nə́ɓā rajə de gə̄ ní, ni-oy tām̄ yā de gə̄ tə́ malang. Ba ngɔlaā j-a̰a̰ī kadə̄ əlan̄ jākā kɔsə gɔn ō, jākā rɔȳ ō dɔn tə́, najə̄ koyn ń ni-a̰a̰ tápə̄ bátə́ loon tə́ ní.

EPEJƏ 2:5

Tɔdɔ̄ jḭḭ̄ ń j-oyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ń jə-rāāī ní, ni-rāā adə̄ jə-ndiī kə kumjí naā tə́ kə Kərist. Loo ń noō tə́ ní rajən̄sí i mbée n ajən̄sí ní.

2 TESALONIK 2:16

Ādə̄ nəkɔ́ Kɔ́ɔ̄ɓē yājí Jeju Kərist ō, Bɔbə̄jí Nə́ɓā ń táŕjí ba rāā kem majə sejí á sɔl̄ kemjí ngándáńg ō, rāā adə̄ j-əndāī kemjí dɔ yá̰á̰ kə́ majə tə́ ō ní,

Makətūbə̄ ń Pol ndang adə̄ Rom gə̄ ní 5:15

Ba majaĺ yā Adam əndā gō yá̰á̰ ń rajə yā Nə́ɓā adə̄ karī tə́ ní alé. Tɔdɔ̄ kósə de gə̄ ngá̰ý oyn̄ tām̄ rāā majaĺ yā de kə́ kal kógə̄ḿ beē tə́ ɓá tá, ba rajə yā Nə́ɓā rāā yá̰á̰ kə́ ngá̰ý tɔȳ ō. Tá yá̰a̰ gə̄ ń Nə́ɓā adə̄ de gə̄ kə ta kūl̄ de kə́ kal kógə̄ḿ beē ń i Jeju Kərist ní, i yá̰á̰ kə́ bo ngá̰ý tɔȳ ō ɓáý to̰.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

IJAI 52:10

Ni ɔjə tɔ́gən kə́ táĺ ta kum nápar de gə̄ tə́ malang ō, de gə̄ a̰a̰n̄ loo kajə ń Nə́ɓā yājí a ajəjí ní bátə́ ta ngóy dɔ nang tə́ ō.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

KƏLA RĀĀ 11:23

Dan ń ni-ɔtə̄ á a̰a̰ majə ń Nə́ɓā rāā ní anī, rɔ̄n nelə̄n ngá̰ý ō, ra sedə́ malang ta kəhɔ gō Kɔ́ɔ̄ɓē kadə̄ ngan̄g ō.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

Najə̄ kə́ Majə yā Jeju ń Luk ndang ní 3:6

Loo ń noō tə́ de gə̄ malang a a̰a̰n̄ loo kajə ń Nə́ɓā a ajə deē ní.

1 TIMOTE 1:14

Banī Kɔ́ɔ̄ɓē rāā kem majə seḿ ngá̰ý. Ni-rāā adə̄ m̄-taā kem ō, m̄-tár ō, kə ta kūl̄ kem kógə̄ḿ kə́ m̄-rāā kə Kərist Jeju.

Makətūbə̄ ń Pol ndang adə̄ Rom gə̄ ní 5:2

I kə kūl̄neé n j-əngeīń ta róbə kadə̄ Nə́ɓā rajəńjí dan ń jə-taāīń kem ní. Rajə yān i naā tə́ sejí, yá̰á̰ ń j-ɔjə rɔ̄jí tāmən tə́ ní i kɔsə gɔn yā Nə́ɓā ń j-əndāī kemjí dɔ tə́ ní.

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

PĀ GƏ̄ 96:10

Ə́daī nápar de gə̄ malang na Kɔ́ɔ̄ɓē i mban̄g, adə̄ dɔ nang a ndi ngan̄g, yá̰a̰ a yéȳn alé. Ni-gān̄g sarya yā gír de gə̄ i kə gōó.

KOLOSƏ 1:6

Najə̄ kə́ Majə aw̄ kum kə̄ kété ō, ojə yá̰á̰ kə́ majə ō, kə̄ loo gə̄ tə́ malang dɔ nang tə́ tītə̄ ń rāań yá̰a̰ dɔ dáńsí tə́ ní. Əla gír rāā yá̰á̰ ní i ndɔ̄ kə́ ta kəga dɔ ń sḭḭ̄ ōōīneé najə̄ rajə ń Nə́ɓā rajəsí tə́ ní ō, ndɔ̄ ń kumsí teēń dɔ tə́ kə́ rɔ̄kum tə́ ní ō.

GALATƏ 2:21

Mā m̄-rāā rajə ń Nə́ɓā rajəm̄ ní i yá̰á̰ kə́ ndāńg karī tə́ alé. Tɔdɔ̄ ré deē a tél de kə́ gōtə́ i kə ta kūl̄ rāā yá̰á̰ ń ndū najə̄ əda ní anī, Kərist oy i yo kə́ ndāńg karī.

2 KORḚNTƏ 6:1

I beé ní, jḭḭ ń i ngé rāā kəla gə̄ kə Nə́ɓāá ní, j-ɔjə̄sí kadə̄ rajə ń Nə́ɓā rajəsí ní kadə̄ gotə to karī alé.

KƏLA RĀĀ 13:47

Tɔdɔ̄ yá̰á̰ ń Kɔ́ɔ̄ɓē ɔsə sejí ta rāā ní n toō: M-ə̄ndāī kadə̄ ḭ̄ i loo kə́ unjə̄ kow yā nápar de gə̄ ō, kadə̄ ɔ́jə najə̄ kə́ dɔ kajə tə́ bátə́ kadə̄ ugə̄ ta ngóy dɔ nang tə́ ō.

KƏLA RĀĀ 13:43

Dan ń ngé kán̄ naā gə̄ tḭ̄ḭ̄n̄ naā anī, Jipə gə̄ ngá̰ý ō, Jipə tél gə̄ kə́ ngé rɔȳ Nə́ɓā gə̄ ō, unən̄ gō Pol nin̄ kə Barnabas. Nin̄-ɔrə̄n̄ najə̄ sedə́ ō, ɔjə̄n̄də́ kadə̄ əhɔn̄ gō majə ń Nə́ɓā rāā sedə́ ní adə̄ ngan̄g ō.

JA̰A̰ 1:9

Najə̄ ní i loo kə́ unjə̄ kow kə́ rɔ̄kum. Ni-reē dɔ nang tə́ adə̄ unjə̄ dɔ de gə̄ tə́ malang.

Najə̄ kə́ Majə yā Jeju ń Luk ndang ní 24:47

na a ənīn̄ mbēr̄ kə rīneé yā kadə̄ nápar de gə̄ malang kə tūrə̄n̄ háĺdə́ kadə̄ Nə́ɓā māȳń rɔ̄n dɔdə́ tə́ ō, ba a əlan̄ gír na i dɔ ɓē kə́ Jerusalem tə́.

MARK 16:15

Ba ədadə́ na: Āwī kə̄ loo gə̄ tə́ malang, ə̄nīī mbēr̄ Najə̄ kə́ Majə ādə̄ de gə̄ malang oōn̄.

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

JAKARI 4:7

Ni-əda ɓáý to̰ na: Mbal̄ kə́ bo ń noō, i yá̰á̰ kə́ ngan̄g ngá̰ý a? Jorobabel a rāān yā kadə̄ a téĺ ndágə mbō. Ni a teē kə mbal̄ kə́ majə tām̄ kíĺ kújə yā Kɔ́ɔ̄ɓē tə́ i tū mbal̄ bo ń noō tə́. Adə̄ de gə̄ a əgan̄ kɔŕ a ədan̄ na: Á, i mbal̄ kə́ majə ngá̰ý a̰á̰, á, i mbal̄ kə́ majə ngá̰ý a̰á̰!

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

HEBƏRO 12:15

Ə̄ndāī kum kedə̄ dɔ rɔ̄sí tə́, kadə̄ deē kógə̄ḿ mbātə́ rajə kə́ Nə́ɓā rajən alé. Ādə̄ deē kógə̄ḿ tél to tītə̄ ngəra yá̰á̰ kə́ atə̄ kárárá, kə́ əɓa, ba rāā adə̄ kem de gə̄ ngá̰ý nujə sák sák kɔ̄ɔ́ alé.

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

KOLOSƏ 1:23

Ba majə kadə̄ ī-raī ngan̄g dɔ taā kem tə́ ō, ādī tɔ́gə́sí to ō. Ī-lōōī kəya̰ najə̄ kə́ majə kɔ̄ɔ́. I ni n i yá̰a̰ kəndā kem dɔ tə́ yājí ní. Najə̄ kə́ Majə ngeé ń toō ń ōōī ní, ɔjən̄ de gə̄ kə̄ loo gə̄ tə́ malang dɔ nang tə́ laā ō, ba i mā Pol n m̄-tél nge rāā kəlan ní.

Makətūbə̄ ń Pol ndang adə̄ Rom gə̄ ní 10:18

Ba mā m̄-sāā dəje na: Ké nin̄-oōn̄ najə̄ ní aĺ wa? Oōn̄ majə, tɔdɔ̄ makətūbə̄ əda na: Ndūdə́ na ɓār̄ taā gō dɔ nang malang ō, deē ra i ta ngóy dɔ nang tə́ gə̄gē anī a oō najə̄ kɔrdə́ gə̄ ō.

PĀ GƏ̄ 67:2

Nə́ɓā, á̰a̰ kum tō ndoō yājí ba ī-rāā majə sejí! Á̰á̰jí kə kumií kə́ majaá.

KƏLA RĀĀ 17:30

Nə́ɓā əhɔ gír ɓāl̄ gə̄ ń de gə̄ gerə̄n̄neé yá̰a̰ aĺ tə́ ní to̰ alé. Banī ngɔlaā ni-tāā de gə̄ malang kə̄ loo gə̄ tə́ kadə̄ tūrə̄n̄ háĺdə́.

2 TIMOTE 1:10

Ba ngɔlaā ń toō teēn̄ kumjí dɔ tə́ i kə ta kūl̄ nge kajəjí Kərist Jeju ń reē ní. Ni-nujə yo kɔ̄ɔ́ ba rāā adə̄ de kə́ ndi kə kumneé a oy alé i kə ta kūl̄ Najə̄ kə́ Majə.