TITƏ 1:9 - Bibəl ta Sar̄

⁹ Ni i nge kəhɔ najə̄ kə́ to kadə̄ deē taā kem kadə̄ ngan̄g, adə̄ i najə̄ kə́ əhɔn̄ naā kə yá̰á̰ ń ni-ndóō ní. Loo ń noō tə́ ni-asə kadə̄ de gə̄ tɔ́gə kə yá̰á̰ ndóō kə́ rɔ̄kum ō, ni-asə kɔjə kə̄ ndágá kadə̄ najə̄ yā ngé mbātə́ najə̄ gə̄ i rɔ̄kum aĺ ō.

Bible sar

⁹ Ni i nge kəhɔ najə̄ kə́ to kadə̄ deē taā kem kadə̄ ngan̄g, adə̄ i najə̄ kə́ əhɔn̄ naā kə yá̰á̰ ń ni-ndóō ní. Loo ń noō tə́ ni-asə kadə̄ de gə̄ tɔ́gə kə yá̰á̰ ndóō kə́ rɔ̄kum ō, ni-asə kɔjə kə̄ ndágá kadə̄ najə̄ yā ngé mbātə́ najə̄ gə̄ i rɔ̄kum aĺ ō.

TITƏ 1:9 Referans Kwoze

2 TESALONIK 2:15

Adə̄, ngákó̰ó̰jí gə̄, ə́hɔī rɔ̄sí tɔgə ō, jī bēl̄ loo rāā yá̰a̰ gə̄ ń jə-ndóōsí kə tají, aláa jə-ndang j-adə̄sí ní, ə́hɔī gō ādī ngan̄g ō.

2 TIMOTE 1:13

Ī-ndájə̄ najə̄ kə́ rɔ̄kum gə̄ ń m-ɔ̄r̄ seí ní ō, ī-ra ngan̄g dɔ taā kem tə́ ō, dɔ táŕ ń j-awīneé kə gō ɓoo kə́ jə-ɓooī naā kə Jeju Kərist ní ō.

1 TIMOTE 6:3

Ré deē kógə̄ḿ ndóō de gə̄ yá̰á̰ kə́ rang ba əya̰ najə̄ kə́ rɔ̄kum gə̄ yā Kɔ́ɔ̄ɓē yājí Jeju Kərist kɔ̄ɔ́ ō, əya̰ yá̰á̰ ndóō kə́ əhɔn̄ naā kə taā kem yājí kɔ̄ɔ́ ō anī,

1 TIMOTE 1:10

ngé sāā naā loo kaya tə́ gə̄ ō, ngé sāā dəngam madə̄də́ gə̄ ō, ngé kigə de gə̄ ō, ngé sor̄ gə̄ ō, ngé túbə̄ dɔ sor̄ tə́ gə̄ ō, aláa ngé rāā yá̰á̰ kə́ rang gə̄ malang kə́ mbātə́ yá̰á̰ ndóō kə́ rɔ̄kum ō.

JEJU TEĒ KUM JA̰A̰ 3:3

Loo koō najə̄ ń ōō ō, loo taā ń ī-taā ō ní, ādə̄ əga kemií dɔ tə́. Ī-ngɔ̄m̄ najə̄ ní ba ī-tūr̄ hálí. Ré ī-ndi dɔ rɔ̄í tə́ aĺ anī, m-ā m̄-reē tītə̄ nge ɓogə beé, kanjə̄ kadə̄ ā ī-ger̄ kum mbang ń m-ā m̄-reē yā kəhɔīneé dɔ jīí tə́ ní.

1 TIMOTE 1:15

Najə̄ ń toō i najə̄ kə́ rɔ̄kum kə́ to kadə̄ deē taā kem ō, i najə̄ kə́ asə kadə̄ de gə̄ malang ndigən̄ kə taá ō: Kərist Jeju reē dɔ nang tə́ i kajə ngé rāā majaĺ gə̄ tə́, ba majaĺ yāḿ mā tɔȳ majaĺ yā ngé rāā majaĺ gə̄ malang.

TITƏ 2:1

Ba ḭ̄, yāí i kadə̄ ī-ndóō de gə̄ yá̰á̰ kə́ əhɔn̄ naā kə yá̰á̰ ndóō kə́ gō tə́.

TITƏ 1:11

Majə kadə̄ deē utə̄ tadə́ kɔ̄ɔ́, tām̄ nin̄ i ngé nujə kem de gə̄ kə́ kem gír kojə kə́ kógə̄ḿ beē tə́ gə̄ malang kə yá̰á̰ ndóō kə́ majə kadə̄ deē ndóō de gə̄ aĺ tə́. Nin̄-rāān̄ nge ń nuū i yā kəngeń yá̰a̰ kə ta róbə́ kə́ gō tə́ alé.

2 TIMOTE 4:3

Tɔdɔ̄ ndɔ̄ gə̄ a reēn̄ noó kadə̄ de gə̄ a ndigən̄ yá̰á̰ ndóō kə́ rɔ̄kum to̰ alé, ba a rāān̄ i yá̰á̰ ń kemdə́ gḛy ní. Adə̄ a ɔyn̄ ngé ndóōdə́ yá̰a̰ gə̄ kə́ kadə̄ a ndóōn̄də́ i yá̰á̰ ń nel̄də́ koō ní.

1 TESALONIK 5:21

Ə̄ndāī ma̰ȳ najə̄ gə̄ malang, ba ī-ndigiī ngé kə́ majə gə̄.

Gōsə̄ najə̄ gə̄ 23:23

Ī-sāā háĺ kə́ sew kadə̄ ə́nge ba ī-lōō kigəń ō, ī-rāā tītə̄ ń noō tām̄ yā kum kedə̄ tə́ ō, kɔjə̄ tə́ ō, ger̄ kum najə̄ tə́ ō.

Makətūbə̄ yā Job 2:3

Anī Kɔ́ɔ̄ɓē dəjen najə̄ ədan na: Á̰a̰ nge kəla yāḿ Job a? De kə́ tītə̄n gətóo dɔ nang tə́. Ni i de kə́ najə̄ gətóo dɔn tə́ ō, i de kə́ súmūú ō, de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō. Ni-əhɔ rɔ̄n tɔgə kem háĺ kə́ gōtə́ yān tə́, banī ḭ̄ ī-ra seḿ ta rāān yá̰á̰ kə́ gōtə́ aĺ kanjə̄ kumən.

JEJU TEĒ KUM JA̰A̰ 3:11

M-ā m̄-reē ngɔr. Yá̰á̰ ń āwń ní, ə́hɔ́ sásáp na sōgə́ deē kógə̄ḿ taā jākā mbang yāí kɔ̄ɔ́.

JEJU TEĒ KUM JA̰A̰ 2:25

Ba yá̰á̰ ń sḭḭ̄ āwīneé ɓá ní, ə́hɔī sásáp bátə́ kadə̄ m-ūgəń.

Makətūbə̄ ń Jud ndang ní 1:3

Kó tár yāḿ gə̄, najə̄ kə́ dɔ kajə deē tə́ ń i najə̄ kə́ sɔɔ̄jí malang ní, m̄-gḛy ngá̰ý kadə̄ m̄-ndang makətūbūú m-ādə̄sí. M-á̰a̰ā̰ ní majə kadə̄ m̄-ndang m-ə́lań go̰ kemsí tə́, kadə̄ ī-rɔ̄ɔ̄īneé dɔ taā kem ń i yá̰á̰ kə́ Nə́ɓā adə̄ deē yān gə̄ i nja kógə̄ḿ beē ngóý ní tə́.

2 TIMOTE 2:25

Ni a gɔŕyɔ̄ ngé mbātə́ najə̄ gə̄ ní i kə kem kə́ sɔl̄ lɔmɔɔ́. Na majanī Nə́ɓā a rāā sedə́ kadə̄ tūrə̄n̄ háĺdə́ ō, gerə̄n̄ najə̄ kə́ rɔ̄kum ō.

2 TIMOTE 2:2

Yá̰a̰ gə̄ ń ōō taḿ tə́ ta kum de kə́ kum tə́ gə̄ kə́ ngá̰ý ní, ɔ́jə de kə́ ngé ra dɔ ndūdə́ tə́ gə̄, kə́ asən̄ ndóō de kə́ rang gə̄ kə̄ kété ō.

1 TIMOTE 4:9

Najə̄ ń toō i najə̄ kə́ rɔ̄kum kə́ to kadə̄ de gə̄ taān̄ kem kə taá malang.

1 TIMOTE 1:19

Ī-ngɔ̄m̄ taā kem ō, ādə̄ kemií ɔjiī yá̰á̰ kógə̄ḿ kə́ majaĺ aĺ ō. De kə́rēý gə̄ mbātə́n̄ koō najə̄ yā kemdə́ kə́ ɔjədə́ yá̰á̰ kógə̄ḿ kə́ majaĺ aĺ ngeé ń toō. I tītə̄ ń noō n nin̄-rāān̄neé adə̄ taā kem yādə́ əsōń kɔ̄ɔ́ ní.

KƏLA RĀĀ 18:28

Tɔdɔ̄ ni-əhɔ Jipə gə̄ kə najá ndágə looó ta kum kósə de gə̄ tə́ malang: Ni ɔjədə́ kə makətūbə̄ yā Nə́ɓāá jin̄ tə́ kadə̄ i Jeju n i Kərist ní.

Makətūbə̄ yā Job 27:6

m̄-ra ngan̄g dɔ yá̰á̰ kə́ gōtə́ yāḿ tə́, m-ā mə́ya̰ alé! Kemḿ rāām̄ najə̄ yá̰á̰ kógə̄ḿ kə́ gōtə́ aĺ kə́ m̄-rāā tə́ alé.

1 KORḚNTƏ 14:24

Ba ré ngé taā kem gə̄ malang ədan̄ i najə̄ kə́ Nə́ɓā əndā tadə́ tə́, tá nge taā kem aĺ kógə̄ḿ, aláa i de kə́ ger̄ yá̰a̰ aĺ kógə̄ḿ, udə gōdə́ tə́ anī, najə̄ ń ni-oō ní rāā adə̄ ni-ger̄ majaĺ yān. Najə̄ malang ń ni-oō ní rāā sarya seneé ō,

2 TIMOTE 3:14

Ba ḭ̄, ī-ra dɔ yá̰a̰ gə̄ ń ī-ndóō á ī-ger̄ majə kadə̄ i yá̰á̰ kə́ rɔ̄kum gə̄ ní tə́. De gə̄ ń ndóōnī yá̰á̰ ní ḭ̄ ī-ger̄də́ majə.