TITƏ 1:6 - Bibəl ta Sar̄

⁶ Majə kadə̄ najə̄ gətóo dɔ kum kɔɔ̄ tə́ ō, kadə̄ nə̄yá̰n i kógə̄ḿ beē ō, ngánən gə̄ taān̄ kem najə̄ yā Nə́ɓā ō, deē əndā najə̄ háĺ kə́ gō tə́ aĺ, aláa dum̄ naā dɔdə́ tə́ aĺ ō.

Bible sar

⁶ Majə kadə̄ najə̄ gətóo dɔ *kum kɔɔ̄ tə́ ō, kadə̄ nə̄yá̰n i kógə̄ḿ beē ō, ngánən gə̄ taān̄ kem najə̄ yā Nə́ɓā ō, deē əndā najə̄ háĺ kə́ gō tə́ aĺ, aláa dum̄ naā dɔdə́ tə́ aĺ ō.

TITƏ 1:6 Referans Kwoze

1 TIMOTE 3:12

Ādə̄ nge rāā kəla nə̄ɓō yá̰a̰ i de kə́ nə̄yá̰n i kógə̄ḿ beē ō, ger̄ loo kɔr no ngánən gə̄ ō, de kə́ kem kújə yān tə́ gə̄ ō majə.

TITƏ 1:10

Tɔdɔ̄ ngé dum̄ naā gə̄ ō, ngé kɔr̄ najə̄ kə́ kanjə̄ kumən gə̄ ō, ngé gól̄ de gə̄ ō i ngá̰ý. Ba mandang ɓáa kə́ ngá̰ý gə̄ i dan ngé kəja mɔtədə́ gə̄ tə́.

EPEJƏ 5:18

Ī-lōōī kadə̄ kasə rāāsí, tām̄ nge ń noō i ta róbə rāā yá̰á̰ kə́ gō tə́ aĺ gə̄. Ba ādī Ndíĺ kə́ Táĺ rosə kemsí.

EJEKIEL 44:22

Nge tun̄ yá̰a̰ a taā dəyá̰ kə́ ngaa koy aĺ ō, kə́ ngaan mbātə́n aĺ ō. Ni a taā i ngōn̄ kə́ mandə kə́ Israel tə́, aláa a taā i nə̄yá̰ nge tun̄ yá̰á̰ kə́ rang kə́ oy.

LEBI GƏ̄ 21:7

A taān̄ dəyá̰ ájə́ba aĺ ō, dəyá̰ kə́ dəngam ɓīī seneé əlań rɔ̄sɔl̄ dɔn tə́ aĺ ō. A taān̄ dəyá̰ kə́ ngaan mbātə́n aĺ ō, tɔdɔ̄ nge tun̄ yá̰a̰ i de kə́ ɔrə̄n̄ kamə̄n tām̄ yā Nə́ɓā yān tə́.

1 TESALONIK 5:14

Ngákó̰ó̰jí gə̄, jə-rāāsí ɓɔ́ ba ī-gɔŕyɔ̄ī ngé yay gə̄ ō, ə́laī go̰ kem ngé ɓōĺ gə̄ tə́ ō, ī-rāāī kə ngé tɔ́gə gətóo gə̄ ō. Ī-tə́gāī tasí dɔ de gə̄ tə́ malang ō.

Najə̄ kə́ Majə yā Jeju ń Luk ndang ní 1:5

Dan ń Herod i mban̄g kə́ Jude tə́ ní, nge tun̄ yá̰á̰ kógə̄ḿ ndi noó, rīn na i Jakari, ni i de kə́ gír ɓūtə̄ yā Abia tə́. Nə̄yá̰n i de kə́ gír kaa Aaro̰ tə́ ō, rī nə̄yá̰n ní na i Elijabet ō.

Gōsə̄ najə̄ gə̄ 28:7

Ngōn̄ kə́ nge rāā yá̰á̰ ń ndū najə̄ yā Nə́ɓā əda ní i ngōn̄ kə́ ger̄ najə̄, banī ngōn̄ kə́ nge njə̄rā rɔ̄ ngé rāā haĺ gə̄ tə́ i ngōn̄ kə́ nge kəla rɔ̄sɔl̄ dɔ bɔbə̄n tə́.

1 SAMUEL 2:22

Eli tɔgə ɓə́gá ngá̰ý kɔ̄ɔ́. Dan ń ni oō yá̰á̰ ń ngánən kə́ dəngam gə̄ a rāān̄ kə ngán Israel gēé ní ō, ɓīī ń a ɓīīn̄ kə dəyá̰ gə̄ ń ɔsən̄ dɔdə́ naā tə́ ta kújə kənge naā tə́ ní ō anī,

1 SAMUEL 2:11

Gō tə́ anī Elkana tél aw̄ gogə́ ɓē yān kə́ Rama tə́. Ba ngōn̄ tá na̰y gogə́ Silo yā rāā kəla yā Kɔ́ɔ̄ɓē ta kum Eli nge tun̄ yá̰á̰ tə́.

LEBI GƏ̄ 21:14

A taā dəyá̰ kə́ ngaa koy aĺ ō, kə́ ngaan mbātə́n aĺ ō, kə́ rāā ájə́ba əlań rɔ̄sɔl̄ dɔ rɔ̄n tə́ aĺ ō, banī a taā ngōn̄ kə́ mandə kə́ dan gír deē yān gə̄ tə́.

TA KƏLA 18:19

m̄-gə̄rān i tām̄ kadə̄ əndā dɔ ngánən gə̄ tə́ ō, dɔ ngán kaan gə̄ tə́ ō, kadə̄ unən̄ róbə yāḿ, kadə̄ háĺdə́ i gōtə́ ō, súmūú ō, yā kadə̄ m̄-rāań yá̰á̰ ń m-ə̄nī míndə́ḿ yā rāā kadə̄n ní.

MALASI 2:15

Kɔ́ɔ̄ɓē rāāsí adə̄ ī-téliī de kə́ kógə̄ḿ beē kə dəyá̰ ní aĺ a? I rɔ̄ kə́ kógə̄ḿ beē, kə́ i koō kə́ kógə̄ḿ beē kə́ nge rāā deē kadə̄ ndi kə́ kumneé n i kemeé ní aĺ a? Ba yá̰á̰ ń de kə́ kal kógə̄ḿ beē ngeé ń toō ndigə ní i rí? I ngán gə̄ ń Nə́ɓā a adə̄ ní n ni ndigə kənge ní wa ḿ? Á̰a̰ī rɔ̄sí sḭḭ̄ kɔ́ gə̄ majə! Dəyá̰ ń sḭḭ̄ ī-gə̄rāī dan balsáásí tə́ ní, ī-lōōī gólən!

1 TIMOTE 1:9

Yá̰á̰ ń kadə̄ jə-gerī majə ní n toó: Ngé gə̄ ń əndān̄ ndū najə̄ tām̄ yādə́ tə́ ní, i de kə́ súmūú gə̄ alé, ba i de kə́ ngé rāā yá̰á̰ kə́ gō tə́ aĺ gə̄ ō, ngé dum̄ naā gə̄ ō, ngé mbātə́ rāā yá̰a̰ kə gō yā Nə́ɓāá ō, ngé rāā majaĺ gə̄ ō, ngé nujə yá̰á̰ kə́ kɔr̄ kam̄ gə̄, aláa rāā yá̰á̰ kə́ kɔr̄ kam̄ gə̄ yá̰á̰ kə́ karī tə́ ō, ngé tɔ̄l̄ bɔbə̄də́ kə kó̰ó̰də́ gə̄ ō, ngé tɔ̄l̄ de gə̄ ō,