TITƏ 1:5 - Bibəl ta Sar̄

⁵ M-ə́ya̰ī gō nang kə́ Kəretə tə́ i yā kadə̄ ə̄ndā dɔ yá̰a̰ gə̄ ń na̰yn̄ ɓáý ní danaá kə gōó ō, kadə̄ ə̄ndā kum kɔɔ̄ gə̄ kə dɔ ɓē gə̄ kógə̄ḿ kógə̄ḿ tītə̄ ń m-ə́daīń ní ō.

Bible sar

⁵ M-ə́ya̰ī gō nang kə́ Kəretə tə́ i yā kadə̄ ə̄ndā dɔ yá̰a̰ gə̄ ń na̰yn̄ ɓáý ní danaá kə gōó ō, kadə̄ ə̄ndā *kum kɔɔ̄ gə̄ kə dɔ ɓē gə̄ kógə̄ḿ kógə̄ḿ tītə̄ ń m-ə́daīń ní ō.

TITƏ 1:5 Referans Kwoze

KƏLA RĀĀ 14:23

Nin̄-gə̄rān̄ kum kɔɔ̄ gə̄ kem Egəlijə gə̄ tə́ kógə̄ḿ kógə̄ḿ adə̄n̄ ngé taā kem gə̄, ba gō tə́ anī ndin̄ ɓō tām̄ yā Nə́ɓā tə́ ō, ndɔ̄ȳn̄ ō, pá tá kadə̄ ɓɔ̄ɔ̄n̄də́ kə Kɔ́ɔ̄ɓē ń taān̄ kemən ní ɓáý.

1 TIMOTE 1:3

Tītə̄ ń m-ə́daīneé kété pá tá kadə̄ m-ɔ́tə m-āw̄ Masedəwan tə́ ní, ī-ndi Epejə kadə̄ ə́da de kə́rēý gə̄ kadə̄ ndóōn̄ de gə̄ yá̰á̰ kə́ rang gə̄ aĺ ō,

KOHELET 12:9

Tá ɓáý to̰ nge kɔjə ngé kán̄ naā gə̄ najə̄ ndóō de gə̄ yá̰á̰ ń ni ger̄ ní. Ni-a̰a̰ tɔ́gə kāgə̄ najə̄ gə̄ ngá̰ý ō, əndā ma̰ȳdə́ ō, rāādə́ adə̄ ton̄ kə gōó majə ō.

1 KORḚNTƏ 14:40

Ba ī-rāāī yá̰a̰ malang kə gōó ō, ādī yá̰a̰ malang un gō naā jerere ō.

2 TIMOTE 2:2

Yá̰a̰ gə̄ ń ōō taḿ tə́ ta kum de kə́ kum tə́ gə̄ kə́ ngá̰ý ní, ɔ́jə de kə́ ngé ra dɔ ndūdə́ tə́ gə̄, kə́ asən̄ ndóō de kə́ rang gə̄ kə̄ kété ō.

1 KORḚNTƏ 11:34

Ré de kə́rēý ɓō rāān anī ādə̄ ni-əsa yá̰a̰ ɓēé, na sōgə́ sarya əsō dɔsí tə́ najə̄ yā kán̄ naā yāsí tə́. Ré m-ūgə̄ anī m-ā m-ə̄ndā gotə najə̄ kə́ rang gə̄ ní naā tə́.

KƏLA RĀĀ 27:21

Rāā ndɔ̄ ngá̰ý ní deē əsa yá̰a̰ alé. Anī Pol ḭḭ ra dɔɔ́ dan madə̄n gə̄ tə́ ba ədadə́ na: Madə́ḿ gə̄, nə́ngētə́ ōōī i taḿ ba ī-ndɔ́tī Kəretə tə́ aĺ anī, yá̰á̰ kə́ to yo ń toō a əsō dɔjí tə́ aĺ ō, yá̰a̰ gə̄ a nujən̄ aĺ ō.

KƏLA RĀĀ 27:12

Kum kā̰ā̰ ní majə ndi tū tə́ kūlīí alé. Adə̄ ngá̰ý gə̄ ndigən̄ kadə̄ ré i loon tə́ ɓáa kə n-aw̄ kə n-ndin̄ Penikəs kə n-ngóōn̄neé kadə̄ gír kūl̄ gān̄g tá. Penikəs i kum kā̰ā̰ kógə̄ḿ kə́ dor̄ kə́ Kəretə tə́, kə́ ra kumən sɔɔ̄ loo kə́ dɔ dáń mbɔ́r ɓē kə́ geleé tə́ kə loo kə́ no ɓē tə́ ō, ra kumən sɔɔ̄ loo kə́ dɔ dáń mbɔ́r ɓē kə́ ko̰ó̰ tə́ kə loo kə́ no ɓē tə́ ō.

KƏLA RĀĀ 27:7

Rāā ndɔ̄ ngá̰ý ní to njə̄rā sejí láẃ aĺ bátə́, adə̄ j-a̰a̰ tápə̄ ngá̰ý tá j-ugə̄ń loo ń ra sɔɔ̄n̄ ta naā kə ɓē kə́ Kənidə ní tə́. Dan ń nél a əla i kə gō gūsə̄rūú adə̄ ɔgə̄jí kaw̄ kum kə̄ kété ní, jə-tetə rɔ̄jí j-aw̄ Salmone ń i ta só̰o̰ dor̄ kə́ Kəretə ní tə́, ba j-əndā to bo kə gō kadə̄ kóongó kə́ dor̄ kə́ Kəretə tə́ kadə̄ taā nél dɔjí tə́.

KƏLA RĀĀ 11:30

I yá̰á̰ ń noō n nin̄-rāān̄ ní, adə̄ əlan̄ Barnabas ō Sol ō kə yá̰a̰ kadə̄ karī gə̄ ní kadə̄ aw̄n̄neé adə̄n̄ kum kɔɔ̄ gə̄ kə́ gō nang kə́ Jude tə́.

IJAI 44:7

I náā ń asə seḿ? Deē ń asə seḿ ní ādə̄ kɔ́ɔ̄ əga mbēr̄ dɔ tə́, ādə̄ kɔ́ɔ̄ əda ō, ɔjəm̄ adə̄ m̄-ger̄ kum ō! Ādə̄ ni-əda yá̰a̰ gə̄ ń rāān̄ yá̰a̰ dan ń m̄-rāań gír de gə̄ kə́ ta kəga dɔ ní ō, yá̰á̰ ń a rāā yā rāā yá̰á̰ ní, ādə̄ ni-əda kété ō.

KOLOSƏ 2:5

Ká ré m̄-gətóo dansí tə́ kə dā̰ rɔ̄ḿ gə̄gē anī, ndílə́ḿ i sesí. Adə̄ rɔ̄ḿ nelə̄m̄ dan ń sḭḭ̄ ī-ndiī kə gōó ō, ī-raī dɔ Kərist ń ī-taāī kemən tə́ ní ādī ngan̄g ō ní.

KƏLA RĀĀ 2:11

Jipə húŕ gə̄ ō, Jipə tél gə̄ ō, Kəretə gə̄ ō, Arabə gə̄ ō nin̄ i danjí tə́. Banī ngámbang kəla gə̄ ədan̄ najə̄ yá̰á̰ kə́ bo bo gə̄ ń Nə́ɓā rāā ní kə ta ɓē yājí gēé adə̄ j-oōī.

1 YÁ̰A̰ GƏ̄ 6:32

Musi kə́ ngōn̄ Merari kə́ ngōn̄ Lebi.

KƏLA RĀĀ 27:13

Ngōn̄ néĺ kógə̄ḿ kə́ dām̄ mbɔ́r ɓē kə́ geleé tə́ əla pelele, anī nin̄-ɔjən̄neé na yá̰á̰ ń na n-gírə̄n̄ rāā ní na n-a n-rāān̄ kadə̄ a udə gírí karī. Gində̄ kə́ ta ngɔr ngo̰ ń rāān̄ bēl̄ tə́ əhɔn̄neé to bo gotə kógə̄ḿ ní, ndɔ́r̄ ənīn̄ kem toó, ba adə̄n̄ néĺ ndɔ́r̄ to bo kə gō kadə kóongó kə́ dor̄ kə́ Kəretə tə́ ngɔr ngɔr aw̄ń.

1 KORḚNTƏ 4:17

I tām̄ najə̄ ń noō tə́ n m-ə́la Timote rɔ̄sí tə́ ní. Ni i ngōnə̄ḿ kə́ ra dɔ ndūn tə́ kə́ m̄-tárən ngá̰ý sɔɔ̄ń Kɔ́ɔ̄ɓē. Ndū najə̄ gə̄ ń m-ún gō á m̄-ndiń kə Kərist ní, ni a ter̄ kemsí dɔ tə́. Adə̄ i yá̰a̰ gə̄ ń m̄-ndóō de gə̄ kə̄ kem Egəlijə gə̄ tə́ malang ní.

TITƏ 1:12

Deē kógə̄ḿ dandə́ tə́ kə́ nge koō ta yādə́ nin̄ kɔ́ gə̄ əda na: Kəretə gə̄ i ngé sor̄ gə̄ tá dejə. Nin̄ i dā̰ kə́ do̰ gə̄.

LEBI GƏ̄ 14:42

Gō tə́ anī a mēr̄ tə́la mbal̄ kə́ rang gə̄ gotə madə̄ gə̄ kə́ kété tə́ ō, a adə̄ ló̰ȳn̄ nán̄g kə́ rang yā longəń kadə̄ bɔr ní gogə́ rang ō.