TITƏ 1:15 - Bibəl ta Sar̄

¹⁵ De gə̄ ń nin̄ i de gə̄ kə́ unjə̄n̄ unjə̄ njáý njáý ní, yá̰a̰ malang i yá̰á̰ kə́ unjə̄ unjə̄ njáý njáý tām̄ yādə́ tə́, banī de gə̄ ń nin̄ i de kə́ yḛr gə̄ ō, nin̄ i ngé taā kem aĺ gə̄ ō ní, yá̰á̰ kə́ unjə̄ njáý njáý tām̄ yādə́ nin̄ tə́ gətóo. Tɔdɔ̄ kur̄ dɔdə́ ō, kemdə́ ō, i kə́ yḛr.

Bible sar

¹⁵ De gə̄ ń nin̄ i de gə̄ kə́ unjə̄n̄ *unjə̄ njáý njáý ní, yá̰a̰ malang i yá̰á̰ kə́ unjə̄ *unjə̄ njáý njáý tām̄ yādə́ tə́, banī de gə̄ ń nin̄ i de kə́ yḛr gə̄ ō, nin̄ i ngé taā kem aĺ gə̄ ō ní, yá̰á̰ kə́ *unjə̄ njáý njáý tām̄ yādə́ nin̄ tə́ gətóo. Tɔdɔ̄ kur̄ dɔdə́ ō, kemdə́ ō, i kə́ yḛr.

TITƏ 1:15 Referans Kwoze

Makətūbə̄ ń Pol ndang adə̄ Rom gə̄ ní 14:14

m̄-ger̄, a̰á̰ā̰ m̄-ger̄ majə ngá̰ý tɔdɔ̄ m̄-ndigə najə̄ gō Kɔ́ɔ̄ɓē Jeju tə́, kadə̄ yá̰á̰ kə́ i yá̰á̰ kə́ yḛr kə dɔ rɔ̄neé gətóo. Ba ré deē kógə̄ḿ gír̄ kadə̄ yá̰á̰ kógə̄ḿ i yá̰á̰ kə́ yḛr anī, yá̰á̰ ní a téĺ yá̰á̰ kə́ yḛr tām̄ yā deē ní tə́.

Makətūbə̄ ń Pol ndang adə̄ Rom gə̄ ní 14:20

Ī-lōō nujə kəla yā Nə́ɓā najə̄ yá̰a̰ kəsa tə́. I rɔ̄kum kadə̄ deē asə kəsa yá̰á̰ malang ɓá tā, ba ré yá̰a̰ kəsa rāā adə̄ ngōkó̰ó̰í əsō kum yá̰a̰ rāā kə́ gōtə́ aĺ tə́ anī, ḭ̄ ń ə́sá ní ī-rāā i yá̰á̰ kə́ majaĺ.

1 KORḚNTƏ 10:23

Ngé kə́rēý gə̄ ədan̄ na Nə́ɓā na adə̄jí ta róbə rāā yá̰a̰ malang. Rɔ̄kum, Nə́ɓā adə̄jí ta róbə rāā yá̰a̰ malang ɓá tā, ba i yá̰a̰ malang n i yá̰á̰ kə́ majə ní alé. Nə́ɓā adə̄jí ta róbə rāā yá̰a̰ malang ɓá tā, ba i yá̰a̰ malang n a rāā kə deé kadə̄ tɔgəń kum kə̄ kété ní alé.

MATIYE 15:18

Banī yá̰a̰ ń teē ta deē tə́ ní, ḭḭ i dan wurən tə́, i yá̰á̰ ń noō n a rāā deē kadə̄ tél de kə́ yḛr ní.

Makətūbə̄ ń Pol ndang adə̄ Rom gə̄ ní 14:23

Ba deē ń kemən a tɔ́sə̄n dɔ yá̰a̰ kəsa kə́rēý tə́ banī əsa kə̄ non tə́ ní, Nə́ɓā gān̄g sarya dɔn tə́. Tām̄ yá̰á̰ ń deē ní rāā ní i kə gō róbə́ yá̰á̰ ń ni-taā kem ní alé. Ba yá̰a̰ malang kə́ rāā kanjə̄ kadə̄ deē taā kem mámák ní, i yá̰á̰ rāā kə́ majaĺ.

1 KORḚNTƏ 10:31

I beé ní, ká ré ə́saīneé i yá̰a̰, aké ā̰yīneé i yá̰a̰, aké ī-rāāīneé i rí gə̄gē anī, ī-rāāī yá̰a̰ malang yā kadə̄ ɔ́siīneé gɔn Nə́ɓā.

KƏLA RĀĀ 10:15

Ba ndū deē ń ɔr̄ najə̄ seneé kété ní tél ɔr̄ najə̄ seneé nja kə́ nge ko̰ jōó ɓáý to̰ ədan na: Yá̰á̰ ń Nə́ɓā əda na i yá̰á̰ kə́ unjə̄ njáý njáý ní, ḭ̄ ī-lōō rāān yá̰á̰ kə́ yḛr tə́.

1 KORḚNTƏ 8:7

Banī i de gə̄ malang n gerə̄n najə̄ kə́ rɔ̄kum ń toō ní alé. Ngé kə́rēý gə̄ ní ɓesə̄ ɔr̄ kemdə́ tə́ alé. Adə̄ ɓōólaā gə̄gē ní nin̄-əsan̄ dā̰ gə̄ ń de gə̄ tun̄ adə̄n̄ ɓesə̄ gə̄ ní i tītə̄ kə́ i nin̄ n tun̄ adə̄n̄ ɓesə̄ gə̄ ní beē. Yá̰á̰ ń kemdə́ ɔjədə́ ní kumən unjə̄ alé, adə̄ kemdə́ ní téĺ yá̰á̰ kə́ majaĺ tákə̄.

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ unjə̄ njáý njáý ō.

1 KORḚNTƏ 10:25

Əsaī yá̰a̰ malang ń a igən̄neé loo gātə̄ dā̰ gə̄ tə́ ní, kanjə̄ dəje gír, na sōgə́ kemsí rāāsí.

1 TIMOTE 6:5

kəhɔ naā najə̄ tə́ kə́ dan gān̄g aĺ, yā de gə̄ kə́ gír̄ yādə́ nujə kɔ̄ɔ́, tām̄ tḭ̄ḭ̄ kə́ nin̄-tḭ̄ḭ̄n̄ ta najə̄ kə́ rɔ̄kum kɔ̄ɔ́ tə́ ō. Nin̄-ɔjənə̄ń na rāā yá̰a̰ kə gō ń Nə́ɓā ndigə ní, na i yá̰a̰ kənge yá̰a̰.

Gōsə̄ najə̄ gə̄ 21:4

Ka̰a̰ loo kə́ kə kidə taá ō, kɔjə rɔ̄ kə́ kem deē tə́ ō, hor lámba yā ngé kem ndul gə̄ ō ní, yá̰a̰ gə̄ ń noō malang i rāā majaĺ!

Makətūbə̄ yā Aje 2:13

Aje ɔjədə́ yá̰á̰ kə́ rang ɓáý to̰, əda na: Tītə̄ ń toō deē kógə̄ḿ tél de kə́ yḛr, tām̄ ni ɔdə nīń. Gō tə́ anī, deē ní ɔdə yá̰a̰ kəsa kə́rēý. Ní, yá̰a̰ kəsa ní téĺ yá̰a̰ kəsa kə́ yḛr a? Anī nge tun̄ yá̰a̰ gə̄ tél ədan̄ na: A̰á̰ā̰.

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

Gōsə̄ najə̄ gə̄ 30:12

De kə́rēý gə̄ ndin̄ noó, nin̄ rāān̄ rɔ̄də́ i de kə́ unjə̄n̄ njáý njáý gə̄ tə́ adə̄ nin̄ tə́gon̄ yá̰á̰ kə́ yḛr gə̄ kə́ rɔ̄də́ tə́ kɔ̄ɔ́ alé!

HEBƏRO 12:15

Ə̄ndāī kum kedə̄ dɔ rɔ̄sí tə́, kadə̄ deē kógə̄ḿ mbātə́ rajə kə́ Nə́ɓā rajən alé. Ādə̄ deē kógə̄ḿ tél to tītə̄ ngəra yá̰á̰ kə́ atə̄ kárárá, kə́ əɓa, ba rāā adə̄ kem de gə̄ ngá̰ý nujə sák sák kɔ̄ɔ́ alé.