TITƏ 1:11 - Bibəl ta Sar̄

¹¹ Majə kadə̄ deē utə̄ tadə́ kɔ̄ɔ́, tām̄ nin̄ i ngé nujə kem de gə̄ kə́ kem gír kojə kə́ kógə̄ḿ beē tə́ gə̄ malang kə yá̰á̰ ndóō kə́ majə kadə̄ deē ndóō de gə̄ aĺ tə́. Nin̄-rāān̄ nge ń nuū i yā kəngeń yá̰a̰ kə ta róbə́ kə́ gō tə́ alé.

Bible sar

¹¹ Majə kadə̄ deē utə̄ tadə́ kɔ̄ɔ́, tām̄ nin̄ i ngé nujə kem de gə̄ kə́ kem gír kojə kə́ kógə̄ḿ beē tə́ gə̄ malang kə yá̰á̰ ndóō kə́ majə kadə̄ deē ndóō de gə̄ aĺ tə́. Nin̄-rāān̄ nge ń nuū i yā kəngeń yá̰a̰ kə ta róbə́ kə́ gō tə́ alé.

TITƏ 1:11 Referans Kwoze

2 TIMOTE 3:6

Nin̄ i ngé túdə̄ kə̄ kem kújə gə̄ tə́ kə̄ gō dəyá̰ kə́ ngan̄g aĺ gə̄ tə́, yā rāādə́ kadə̄ əsōn̄ kum gūmbə̄ yādə́ gə̄ tə́. Dəyá̰ gə̄ ngeé ń toō ní, majaĺ rosə kemdə́ ō, ngur yá̰á̰ kə́ tayā tayā gə̄ ndɔ́r̄də́ ō.

1 TIMOTE 6:5

kəhɔ naā najə̄ tə́ kə́ dan gān̄g aĺ, yā de gə̄ kə́ gír̄ yādə́ nujə kɔ̄ɔ́, tām̄ tḭ̄ḭ̄ kə́ nin̄-tḭ̄ḭ̄n̄ ta najə̄ kə́ rɔ̄kum kɔ̄ɔ́ tə́ ō. Nin̄-ɔjənə̄ń na rāā yá̰a̰ kə gō ń Nə́ɓā ndigə ní, na i yá̰a̰ kənge yá̰a̰.

Makətūbə̄ ń Pol ndang adə̄ Rom gə̄ ní 3:19

Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō.

TITƏ 3:10

De kə́ nge ndóō de gə̄ yá̰á̰ kə́ rɔ̄kum aĺ ní, ī-tāan nja kógə̄ḿ, ba nja kə́ nge ko̰ jōó anī, ɔ̄rə̄n kɔ̄ɔ́ kə̄ gogə́.

PĀ GƏ̄ 63:11

Ādə̄ oyn̄ yo kaskar! Ādə̄ télən̄ dā̰ yā tal̄ gə̄.

TITƏ 1:9

Ni i nge kəhɔ najə̄ kə́ to kadə̄ deē taā kem kadə̄ ngan̄g, adə̄ i najə̄ kə́ əhɔn̄ naā kə yá̰á̰ ń ni-ndóō ní. Loo ń noō tə́ ni-asə kadə̄ de gə̄ tɔ́gə kə yá̰á̰ ndóō kə́ rɔ̄kum ō, ni-asə kɔjə kə̄ ndágá kadə̄ najə̄ yā ngé mbātə́ najə̄ gə̄ i rɔ̄kum aĺ ō.

TITƏ 1:7

Nge kɔr no ngé kán̄ naā gə̄ ń i de kə́ əndān̄ dɔn tə́ kadə̄ əndā kumən gír yá̰a̰ gə̄ yā Nə́ɓā tə́ ní, majə kadə̄ ni i de kə́ najə̄ gətóo dɔn tə́. Adə̄ ni i de kə́ nge kídə̄ deē aĺ ō, nge wōn̄g aĺ ō, nge ka̰ȳ yá̰a̰ aĺ ō, de kə́ nge sāā nar kə ta róbə́ kə́ gō tə́ aĺ aĺ ō.

MISE 3:5

Najə̄ ń Kɔ́ɔ̄ɓē əda dɔ ngé koō ta gə̄ kə́ ngé ngól̄ gír deē yāḿ gə̄ tə́ ní n toó: Ré deē ul̄də́ majanī, nin̄-ənīn̄ mbēr̄ lɔm. Ba ngé kəla yá̰a̰ tadə́ tə́ aĺ gə̄ ɓáa nin̄ rɔ̄ɔ̄n̄də́.

PĀ GƏ̄ 107:42

De kə́ súmūú gə̄ a̰a̰n̄ yá̰a̰ gə̄ ń toō malang anī rāān̄ rɔ̄nel̄ ō, ngé rāā yá̰á̰ kə́ majaĺ gə̄ malang ndin̄ kə tadə́ kə́ mbóó ō.

2 KORḚNTƏ 11:10

Yá̰a̰ kɔr ta rɔ̄ yāḿ ń toō, deē a taā jīḿ tə́ dɔ nang kə́ Akayi tə́ alé. M-ə́da nge ń noō kə̄ ndágá, i kə ta kūl̄ najə̄ kə́ rɔ̄kum yā Kərist ń to kemḿ tə́ ní.

Najə̄ kə́ Majə yā Jeju ń Luk ndang ní 20:40

Tɔdɔ̄ nin̄-ɓōlə́n̄ dəjen najə̄ dɔ yá̰á̰ kógə̄ḿ kə́ rang tə́ kɔ̄ɔ́.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

EJEKIEL 16:63

Loo ń noō tə́ a əga kemií dɔ yá̰á̰ kə́ mān̄ kɔ̄ɔ́ tə́ ō, rɔ̄í a sɔlī najə̄n tə́ ō, ā ī-teē taí yā kɔrə̄ń najə̄ to̰ aĺ ō. Banī mā m-ā m̄-mā̰ȳ rɔ̄ḿ dɔ yá̰a̰ malang ń ī-rāā tə́ ní. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 13:19

Sḭḭ̄ ī-kídə̄mī ta kum gír deē yāḿ gə̄ tə́, tām̄ yā kəngeń kōō ɔ́rjə́ kə́ kem jī kóndóńg wań, aláa tām̄ yā kəngeń yá̰a̰ kəsa kə́ sḛ́ý beē. Sḭḭ̄ ī-gólī gír deē yāḿ gə̄ kə́ ngé taā kem sor̄ yāsí gə̄. I tītə̄ ń noō n sḭḭ̄ ī-tɔ̄līneé de gə̄ ń sɔɔ̄ kadə̄ nin̄ oyn̄ aĺ ní ō, ngé gə̄ ń sɔɔ̄ kadə̄ nin̄ ndin̄ kə kumdə́ aĺ ní ɓáa, sḭḭ̄ ī-rāāī adə̄ nin̄ ndin̄ kə kumdə́ ō ní.

JEREMI 8:10

Tām̄ ń toō tə́ ní, m-ādə̄ nə̄yá̰də́ gə̄ de kə́ rang gə̄ ō, m-ādə̄ ndɔr̄ yādə́ gə̄ ngé gə̄ ń a taān̄ jīdə́ tə́ kɔ̄ɔ́ ní ō. Tɔdɔ̄ de kə́ yá̰a̰ aĺ gə̄ ō, de kə́ bo gə̄ ō malang naā tə́ i ngé rāā ta nar gə̄. Háĺ ngé koō ta gə̄ ō, ngé tun̄ yá̰a̰ gə̄ ō i háĺ kə́ rɔ̄kum alé.

JA̰A̰ 10:12

Ba nge kəla ń a ngɔ̄m̄ batə̄ gə̄ i gír naraá ní, i nge kul̄ kə́ rɔ̄kum aĺ ō, ni i kɔ́ɔ̄ batə̄ gə̄ aĺ ō. Ni-a̰a̰ soó loo reē tə́ anī, əya̰ batə̄ gə̄ kɔ̄ɔ́ ba a̰ȳ. Adə̄ soó əhɔdə́ ō, tə̄ndā tḭ̄ḭ̄də́ kɔ̄ɔ́ ō.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

1 TIMOTE 5:4

Ré dəyá̰ kə́ ngaa koy kógə̄ḿ i kə ngánən gēé, aláa i kə ngán kaan gēé anī, i nin̄ n majə kadə̄ a̰a̰n̄ gō gír kojə yādə́ ngeé ń toō ní. Yá̰á̰ ń ngéédə́ gə̄ rāān̄ tām̄ yādə́ tə́ ní, majə kadə̄ nin̄-tél rāān̄ tām̄ yādə́ tə́ ō. Tɔdɔ̄ nge ń noō i yá̰á̰ kə́ nel̄ Nə́ɓā.

1 TIMOTE 5:13

Tá ɓáý to̰ ní, dan ń yá̰á̰ kə́ yā kadə̄ nin̄-rāān̄ gətóó ní, kəla rāādə́ i njə̄rā kaw̄ kə̄ ta de gə̄ tə́, kə̄ kem kújə gə̄ tə́. Ba kə́ majaĺ tɔȳ nge ń noō ní, nin̄ i ngé najə̄ wa gə̄ ō, ngé ger̄ kəhɔ tadə́ dɔ najə̄ tə́ aĺ gə̄ ō, ngé kɔr̄ najə̄ kə́ ndetədə́ aĺ gə̄ ō.

2 TIMOTE 2:18

Nin̄-unən̄ gō najə̄ kə́ rɔ̄kum to̰ alé, ədan̄ na ndól̄ ń de kə́ koy gə̄ na a ndólə̄n̄ ní, na i yá̰á̰ kə́ na rāā yá̰a̰ kɔ̄ɔ́ ɓá. Adə̄ nin̄-tūrə̄n̄ gír taā kem yā de kə́rēý gə̄ kɔ̄ɔ́, adə̄ tél i taā kem kə́ kə gōó to̰ alé.