TITƏ 1:10 - Bibəl ta Sar̄

¹⁰ Tɔdɔ̄ ngé dum̄ naā gə̄ ō, ngé kɔr̄ najə̄ kə́ kanjə̄ kumən gə̄ ō, ngé gól̄ de gə̄ ō i ngá̰ý. Ba mandang ɓáa kə́ ngá̰ý gə̄ i dan ngé kəja mɔtədə́ gə̄ tə́.

Bible sar

¹⁰ Tɔdɔ̄ ngé dum̄ naā gə̄ ō, ngé kɔr̄ najə̄ kə́ kanjə̄ kumən gə̄ ō, ngé gól̄ de gə̄ ō i ngá̰ý. Ba mandang ɓáa kə́ ngá̰ý gə̄ i dan ngé *kəja mɔtədə́ gə̄ tə́.

TITƏ 1:10 Referans Kwoze

1 TIMOTE 1:6

De kə́rēý gə̄ əya̰n̄ háĺ ń noō kɔ̄ɔ́, loo ń noō tə́ nin̄-ndúmə̄n̄, adə̄ a ɔrə̄n̄ i najə̄ kə́ kanjə̄ kumən gə̄.

1 JA̰A̰ 4:1

Kó tár yāḿ gə̄, ī-taāī kem ndíl gə̄ malang alé, banī ī-nāāī ndíl gə̄ á̰a̰ī ké ḭḭn̄ i rɔ̄ Nə́ɓā tə́ wa. Tɔdɔ̄ ngé koō ta kə́ rɔ̄kum aĺ gə̄ teēn̄ ngá̰ý kə̄ loo gə̄ tə́ dɔ nang tə́.

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

JAKƏ 1:26

Ré deē kógə̄ḿ gír̄ kadə̄ ni i nge rɔȳ Nə́ɓā, ba ger̄ loo kəhɔ ta ndo̰n kə jámá aĺ anī, ni a gól̄ i rɔ̄n nəkɔ́: Rɔȳ Nə́ɓā yān i rɔȳ Nə́ɓā kə́ ndāńg karī.

2 TIMOTE 3:13

Banī de kə́ majaĺ gə̄ ō, ngé gól̄ loo gə̄ ō, a rāān̄ yá̰á̰ kə́ majaĺ i kum kə̄ kété kété ō, nin̄ a gólə̄n madə̄də́ gə̄ ō, a gólə̄n̄də́ nin̄ ō.

KƏLA RĀĀ 11:2

Ba dan ń Piyer tél aw̄ ugə̄ gogə́ Jerusalem anī Jipə gə̄ kɔ̄lə̄n̄ seneé,

JEJU TEĒ KUM JA̰A̰ 2:14

Ba yá̰á̰ ń mā m̄-mbātə́ gōí tə́ sḛ́ý ní, i de kə́rēý gə̄ kə́ ɓēé looí kə́ əhɔn̄ gō yá̰á̰ ndóō yā Balam. Tɔdɔ̄ Balam ɔjə Balak kadə̄ əyā gūmbə̄ no ngán Israel gə̄ tə́ yā səlāńdə́ kadə̄ əsan̄ dā̰ kə́ tɔ̄l̄ ba tun̄ kadə̄ ɓesə̄ gə̄ ō, kadə̄ rāān̄ ájə́ba ō.

JEJU TEĒ KUM JA̰A̰ 2:6

Ba yá̰a̰ yāí kə́ só tə́ n toó, nelī kə kəla rāā Nikolaitə gēé aĺ bátə́ tītə̄ ń nel̄məń mā aĺ ngá̰ý ní ō.

1 JA̰A̰ 2:18

Ngánə́ḿ kə́ dūú gə̄, jə-ndiī i kum mbang kə́ ta tɔ̄l̄ ta tə́. Ba tītə̄ ń ōōī kadə̄ nge rɔ̄ɔ̄ Kərist kógə̄ḿ a reē ní, ngɔlaā ngé rɔ̄ɔ̄ Kərist gə̄ ngá̰ý reē ugə̄n̄ kɔ̄ɔ́ ɓá. I tītə̄ ń noō n jə-gerīiń kadə̄ jə-ndiī i kum mbang kə́ ta tɔ̄l̄ ta tə́ ní.

2 TIMOTE 4:4

Nin̄ a unən̄ mbīdə́ kɔ̄ɔ́ ta najə̄ kə́ rɔ̄kum tə́, ba a tūrə̄n̄ rɔ̄də́ i kə̄ rɔ̄ súū kə́ kɔr̄ gə̄ tə́.

1 TIMOTE 1:4

kadə̄ ə́da de gə̄ kadə̄ əhɔn̄ gō súū kə́ kɔr̄ gə̄ aĺ ō, gō kɔr̄ gír kaa gə̄ kə́ ta ngóýdə́ gətóo gə̄ aĺ ō. Tɔdɔ̄ nge ń noō a teē ta róbə a adə̄ i nējə̄ naā najə̄ gə̄, ba a rāā kəla tām̄ yā yá̰á̰ ń Nə́ɓā núm̄ á ra i dɔ taā kem tə́ ní alé.

GALATƏ 3:1

Galatə gə̄, sḭḭ̄ i de kə́ kur̄ dɔsí gətóo. Sḭḭ̄ ń ɔjən̄sí najə̄ yā Jeju Kərist kə́ əndanən̄ kə máyá̰ tū kāgə̄ kə́ dēsə́ tə́ adə̄ unjə̄ ta kumsí tə́ ní, i náā n tūr̄ kumsí kɔ̄ɔ́ ní?

KƏLA RĀĀ 20:29

m̄-ger̄ majə kadə̄ ré m-āw̄ kɔ̄ɔ́ anī soó kə́ majaĺ ngá̰ý gə̄ a reēn̄ dansí tə́ ō, nin̄ a əya̰n̄ yá̰a̰ kul̄ gə̄ ní aĺ ō.

KƏLA RĀĀ 15:1

Anī de kə́rēý gə̄ ḭḭn̄ Jerusalem reē ɔjən̄ ngákó̰ó̰jí gə̄ najə̄ A̰tiyos, ədan̄də́ na: Ré ādī əjan̄ mɔtəsí tītə̄ ń najə̄ yā Moijə ədań ní aĺ anī, ā ásiī kadə̄ ajən̄sí alé.

KƏLA RĀĀ 15:24

J-oō kadə̄ na de kə́rēý gə̄ ḭḭn̄ danjí tə́ laā aw̄ nujən̄ kemsí ō, a̰ȳn̄ ndíĺsí ō kə najə̄ kɔr̄də́. Banī jḭḭ j-adə̄də́ ndūjí dɔ yá̰á̰ kógə̄ḿ tə́ tū najə̄ ń noō tə́ aĺ bátə́.

1 TIMOTE 1:9

Yá̰á̰ ń kadə̄ jə-gerī majə ní n toó: Ngé gə̄ ń əndān̄ ndū najə̄ tām̄ yādə́ tə́ ní, i de kə́ súmūú gə̄ alé, ba i de kə́ ngé rāā yá̰á̰ kə́ gō tə́ aĺ gə̄ ō, ngé dum̄ naā gə̄ ō, ngé mbātə́ rāā yá̰a̰ kə gō yā Nə́ɓāá ō, ngé rāā majaĺ gə̄ ō, ngé nujə yá̰á̰ kə́ kɔr̄ kam̄ gə̄, aláa rāā yá̰á̰ kə́ kɔr̄ kam̄ gə̄ yá̰á̰ kə́ karī tə́ ō, ngé tɔ̄l̄ bɔbə̄də́ kə kó̰ó̰də́ gə̄ ō, ngé tɔ̄l̄ de gə̄ ō,

TITƏ 1:6

Majə kadə̄ najə̄ gətóo dɔ kum kɔɔ̄ tə́ ō, kadə̄ nə̄yá̰n i kógə̄ḿ beē ō, ngánən gə̄ taān̄ kem najə̄ yā Nə́ɓā ō, deē əndā najə̄ háĺ kə́ gō tə́ aĺ, aláa dum̄ naā dɔdə́ tə́ aĺ ō.

1 JA̰A̰ 2:4

Deē ń əda na n-gerə̄n, banī rāā yá̰a̰ kə gō míndəneé aĺ ní, i de kə́ nge sor̄, adə̄ najə̄ kə́ rɔ̄kum gətóo kemən tə́.

MATIYE 23:14

Sḭḭ̄ ngé ndang makətūbə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Sḭḭ̄ ī-táāī yá̰a̰ yā dəyá̰ kə́ ngaa koy gə̄ jīdə́ tə́ malang kɔ̄ɔ́ ō, ī-raī dɔ tə́ noō īlī gidə rɔ̄sí kə ndɔ̄ȳ Nə́ɓā kə́ dan gān̄g aĺ yā kadə̄ de gə̄ rāān̄neésí de kə́ majə gə̄ tə́ ō. I tām̄ najə̄ ń noō tə́ n sḭḭ̄ ā ə́ngeī ndéý kə́ al̄ naā ní.