TA KƏLA 9:16 - Bibəl ta Sar̄

¹⁶ Ré m-á̰á̰ kə́ dēsə́ bā ní anī, a əga kemḿ dɔ madə̄ naā yāḿ kə́ a to ngándáńg ń m-ə́hɔ kə yá̰a̰ malang ń ndi kə kumuú dɔ nang tə́ ní tə́.

Bible sar

¹⁶ Ré m-á̰á̰ kə́ dēsə́ bā ní anī, a əga kemḿ dɔ *madə̄ naā yāḿ kə́ a to ngándáńg ń m-ə́hɔ kə yá̰a̰ malang ń ndi kə kumuú dɔ nang tə́ ní tə́.

TA KƏLA 9:16 Referans Kwoze

JEREMI 32:40

M-ā m-ə́hɔ madə̄ naā sedə́ kadə̄ a to ngándáńg. M-ā m̄-rāā majə sedə́, kanjə̄ kɔr ta tə́ ō, m-ā m̄-rāā kadə̄ a ɓōlə́n̄ ndílə́ḿ ngarā̰ kemdə́ tə́ ō, yā kadə̄ ɔrə̄n̄ rɔ̄də́ sa̰y rɔ̄ḿ tə́ to̰ aĺ i kə́ bátə́ gə̄ tə́.

2 SAMUEL 23:5

Yá̰á̰ ń Nə́ɓā rāā kə kojə yāḿ ní n toó. Ni-əhɔ madə̄ naā kə́ a to ngándáńg seḿ. tə́ndā ndū najə̄ gə̄ dɔ tə́ ō, ɔjə loo ngɔ̄mən majə ō. I ni n rāā adə̄ m̄-tetə rɔ̄ɔ̄ ō, rāā yá̰a̰ malang kə́ nel̄ de gə̄ ō ní.

TA KƏLA 17:19

Nə́ɓā tél ədan na: Rɔ̄kum, nə̄yá̰í Sara a ojə ngōn̄ kə́ dəngam seí kadə̄ ā ə̄ndā rīn na i Isaak. M-ā m-ə́hɔ madə̄ naā seneé ō, kə ngán kaan gēé gotən tə́ ō. I madə̄ naā kə́ a to ngándáńg.

TA KƏLA 17:13

Adə̄ ɓəlo ń ojənən̄ ɓēé loosí aláa ɓəlo ń ī-mangin̄ kə naraá ní, ā ə́jaī mɔtən yā kadə̄ madə̄ naā yāḿ i kə́ ndang kem dā̰ rɔ̄sí tə́ ō, i kə́ a to ngándáńg ō.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

TA KƏLA 17:7

M-ā m-ə́hɔ madə̄ naā seí ō, kə ngán kaaí gə̄ ń a utə̄n̄ gōí ní ō, kə gō kojədə́ gēé. I madə̄ naā kə́ a to ngándáńg, adə̄ mā i Nə́ɓā yāí ō, yā gír kojə yāí ń a utə̄ gōí ní ō.

IJAI 55:3

Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

TA KƏLA 9:17

Ba Nə́ɓā tél əda Noe to̰ na: Kə́ dēsə́ bā i yá̰á̰ ń ɔjə kadə̄ m-ə́hɔ madə̄ naā kə yá̰a̰ malang ń ndi kə kumuú dɔ nang tə́ ní.

EJEKIEL 34:26

M-ā m-ə́yá̰də́ yā kadə̄ nin̄ a ndin̄ kə kumdə́ kadə ngōn̄ mbal̄ bo yāḿ kə́ táĺ tə́. M-ā m̄-rāā man̄ kadə̄ a edə kə kum mbang kə́ majə ō, man̄ ní a rāā majə sedə́ ō.

EJEKIEL 37:26

M-ā m-ə́hɔ madə̄ naā kə́ tām̄ yā lɔm tə́ sesí, ba madə̄ naā ní a to ngándáńg. M-ā m-ə̄ndāsí kem ɓē ń toō tə́ ō, m-ā m̄-rāāsí kadə̄ kutəsí i ngá̰ý ō, m-ā m-ə̄ndā kújə yāḿ dansí tə́ kadə̄ a to ngándáńg ō.