TA KƏLA 9:1 - Bibəl ta Sar̄

¹ Nə́ɓā rāā majə kə Noe ō, ngánən gə̄ ō, ɓáý, ədadə́ na: Ɔ́jiī naā ī-bəlaī, ī-rosiī dɔ nang.

Bible sar

¹ Nə́ɓā rāā majə kə Noe ō, ngánən gə̄ ō, ɓáý, ədadə́ na: Ɔ́jiī naā ī-bəlaī, ī-rosiī dɔ nang.

TA KƏLA 9:1 Referans Kwoze

TA KƏLA 9:7

Ba sḭḭ̄, ójiī ngán gə̄ ādī kutəsí i ngá̰ý, ba ī-taāī gō dɔ nang malang.

TA KƏLA 1:28

Nə́ɓā rāā majə sedə́ ɓáý, ədadə́ na: Ɔ́jiī ngán gə̄ ī-bəlaī ī-rosiī dɔ nang malang, ə́laī dɔ yá̰a̰ malang ń m̄-rāā ní gíŕ tɔ́gə yāsí tə́. Ī-ndiī dɔ kānjə̄ kə́ kum bā bo gə̄ tə́ ō, dɔ yel̄ kə́ dɔɔ́ gə̄ tə́ ō, dɔ dā̰ malang kə́ a njə̄rā nang tə́ tə́ ō.

TA KƏLA 8:17

Ādə̄ gír dā̰ gə̄ malang ń i seí ní teēn̄: Yel̄ gə̄ ō, dā̰ kə́ bo gə̄ ō, kə́ dūú gə̄ ō. Ādə̄ tə̄ndān̄ naā tḭ̄ḭ̄n̄ kə̄ loo gə̄ tə́ dɔ nang tə́ ba ojən̄ naā kadə̄ bəlan̄.

TA KƏLA 1:22

Nə́ɓā rāā majə sedə́ ɓáý, əda na kə dā̰ kə́ kum man̄ tə́ gə̄ kə ojən̄ naā ngá̰ý kadə̄ rosən̄ kum bā bo gə̄ ō, kə yel̄ gə̄ kə ojən̄ naā ngá̰ý dɔ nang tə́ ō.

IJAI 51:2

Á̰a̰ī bɔbə̄sí Abəraham ō, kó̰ó̰sí Sara ń ojəsí ní ō. Dan ń m̄-ɓāŕ Abəraham ní, Abəraham ojə ngōn̄ alé. Banī m̄-tɔ́r̄ taḿ dɔn tə́ ō, m̄-rāā adə̄ ni-tél bɔbə̄ gír de gə̄ kə́ nin̄ i ngá̰ý ō.

TA KƏLA 24:60

Nin̄ tɔ́rə̄n̄ tadə́ dɔ Rebeka tə́ ədan̄ na: Ḭ̄, ngōkó̰ó̰jí kə́ dəyá̰, ādə̄ ī-tél nge kojə kósə de kə́ ngá̰ý gə̄ ō, ādə̄ ngán kaaí gə̄ taān̄ ɓē yā madə̄ ba̰ā̰də́ gə̄ ō.

TA KƏLA 10:32

Gír kaa yā ngán Noe gə̄ n noó kə gō gír kojə yādə́ gēé ō, napar yādə́ gēé ō. Nápar de gə̄ malang ń tə̄ndān̄ naā tḭ̄ḭ̄n̄ kə̄ loo gə̄ tə́ dɔ nang tə́ ní, i nin̄ n ojən̄də́ ní.

TA KƏLA 2:3

Nə́ɓā ɔr̄ najə̄ kə́ majə dɔ ndɔ̄ kə́ nge ko̰ sīrí tə́. Ni-ɔr̄ kamə̄n tām̄ yān nəkɔ́ tə́, tɔdɔ̄ i ndɔ̄ ń ni-ɔrə̄ń koō gō kəla malang ń ni-rāā tə́ ní.

PĀ GƏ̄ 112:1

Aleluya! Rɔ̄nel̄ i kə deē ń ɓōĺ ndíl Kɔ́ɔ̄ɓē ō, nelə́n kə gō míndən gēé ō ní.

TA KƏLA 9:19

I ngán Noe kə́ mətá gə̄ ń toō n ojən̄ naā á taān̄ loo dɔ nang tə́ malang ní.

TA KƏLA 9:2

Dā̰ gə̄ malang kə́ dɔ nang tə́ ō, yel̄ gə̄ malang ō, ngán dā̰ gə̄ malang ō, kānjə̄ kə́ kum bā bo gə̄ tə́ ō, a ɓōlə́n̄sí ngá̰ý. Ásiī rāā yá̰á̰ ń kemsí ndigə ní sedə́.

TA KƏLA 35:11

ba əda na: Mā i Nə́ɓā kə́ bo kə́ tɔ́gə́ḿ i ngá̰ý. M-ā m-ādī ngán gə̄ ngá̰ý adə̄ ā ī-tél kaa nápar de kə́ ngá̰ý gə̄ ō, kaa de kə́ gíŕ nápar de kə́ ngá̰ý gə̄ ō. Ā ī-tél kaa mban̄g gə̄.