TA KƏLA 8:21 - Bibəl ta Sar̄

²¹ Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

Bible sar

²¹ Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

TA KƏLA 8:21 Referans Kwoze

2 KORḚNTƏ 2:15

Tɔdɔ̄ jə-to i tītə̄ sēē ítər kə́ otə majə kə́ Kərist ndējə̄ Nə́ɓā beé. Jḭḭ i sēē ítər tām̄ yā ngé gə̄ ń nin̄ i dɔ róbə kajə tə́ ní ō, tām̄ yā ngé tḭ̄ḭ̄ ta rɔ̄də́ gə̄ tə́ ō.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

TA KƏLA 6:5

Kɔ́ɔ̄ɓē a̰a̰ kadə̄ kem de kə́ dɔ nang tə́ gə̄ ndul ngá̰ý ō, gír̄ yādə́ i kə́ majaĺ kə ndɔ̄ gə̄ ō.

PILIPƏ 4:18

Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ yá̰a̰ tun̄ kə́ Nə́ɓā ndigə ō, nel̄ kemən ō beé.

Makətūbə̄ ń Pol ndang adə̄ Rom gə̄ ní 3:23

Nin̄ malang rāān̄ majaĺ, adə̄ i tām̄ ń noō tə́ n asən̄ kugə̄ tū kɔsə gɔn yā Nə́ɓā tə́ aĺ ní.

EJEKIEL 20:41

M-ā m̄-teē sesí kɔ̄ɔ́ dan gír de gə̄ tə́ ō, kem ɓē gə̄ ń ī-tə̄ndāī naā ī-tḭ̄ḭ̄ tū tə́ ní ō, ba m-ā m-ɔ́sə dɔsí naā tə́. Gō tə́ anī, m-ā m̄-rāā kem majə sesí adə̄ m-ā m̄-taā yá̰a̰ tun̄ yāsí kə́ sēēdə́ otə majə gə̄. Ré m̄-rāā yá̰á̰ kə́ tītə̄ ń noō sesí anī, m-ɔ́jə i gotə nápar de gə̄ kadə̄ mā i Nə́ɓā kə́ táĺ.

MATIYE 15:19

Tɔdɔ̄ gír̄ kə́ majaĺ gə̄ ō, gír̄ tɔ̄l̄ deē ō, ɓīī kə dəyá̰ kə́ rang, aláa kə dəngam kə́ rang ō, gír̄ rāā háĺ kə́ majaĺ ō, sāā ɓogə ō, tétə̄ najə̄ dɔ deē tə́ ō, ngonjə̄ ō, ḭḭn̄ i dan wur deē tə́.

LEBI GƏ̄ 1:13

Nge ndējə̄ yá̰á̰ ní a tə́go tiīn gə̄ ō, njan gə̄ ō kə maná. Gō tə́ anī nge tun̄ yá̰a̰ a ɔjə Kɔ́ɔ̄ɓē pá tá a róō yá̰a̰ gə̄ ń noō malang horoó dɔ loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

KOHELET 7:20

Tɔdɔ̄ de kə́ dɔ nang tə́ kə́ rāā yá̰a̰ malang súmūú kanjə̄ rāā yá̰á̰ kə́ majaĺ aĺ ní gətóo.

LEBI GƏ̄ 1:9

Nge ndējə̄ yá̰á̰ ní a tə́go tiīn gə̄ njan gə̄ ō kə maná. Go tə́ anī nge tun̄ yá̰á̰ kógə̄ḿ a róō yá̰a̰ gə̄ ń noō malang horoó dɔ loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

TA KƏLA 3:17

Ta tɔ̄l̄ ta anī ni-əda dəngam na: Ḭ̄ ōō ta nə̄yá̰í adə̄ ə́sa kan̄ kāgə̄ ń m-ɔ̄gī kəsa ní ɓá ní, dɔ nang i kə́ ndɔ̄ĺ najə̄ yāí tə́. Ā á̰á̰ tápə̄ kə dɔ ndɔ̄ gə̄ ń ā ī-ndiń kə kumuú ní tá ā ə́ngeń yá̰a̰ kəsa yāí tū tə́.

JA̰A̰ 3:6

Nge ń i deē n ojən ní i deē ō, nge ń i Ndíl n ojə ní i Ndíl ō.

IJAI 53:6

Kété ní jḭḭ̄ malang jə-toī i tītə̄ batə̄ gə̄ kə́ tadə́ tḭ̄ḭ̄ kɔ̄ɔ́ beē, náā nəkɔ́ ɓáa un i róbə yān nəkɔ́. Ba Kɔ́ɔ̄ɓē tél kə yá̰a̰ rāājí jḭḭ̄ malang kə́ gōtə́ aĺ gə̄ əndā i dɔn ni tə́.

PĀ GƏ̄ 58:3

Sḛ́ý aĺ bátə́! Ī-rāāī yá̰á̰ kə́ gōtə́ aĺ gə̄ i ndāńg ndāńg. I sḭḭ̄ kɔ́ gə̄ n ə̄nīī rɔ̄sí ī-rāāī ādə̄ dɔ́nɔ taā loo dɔ nang tə́ kum kə̄ kété kété ní.

PĀ GƏ̄ 51:5

Tɔdɔ̄ yá̰á̰ kə́ gōtə́ aĺ gə̄ ń m̄-rāā ní m̄-ger̄. Yá̰á̰ kə́ majaĺ ń m̄-rāā ní to ta kumḿ tə́ ngándáńg.

1 JA̰A̰ 5:19

Jə-gerī kadə̄ jḭḭ̄ i de gə̄ yā Nə́ɓā, banī de kə́ dɔ nang tə́ gə̄ malang ní nin̄ i gíŕ tɔ́gə yā De kə́ Majaĺ tə́.

Makətūbə̄ ń Pol ndang adə̄ Rom gə̄ ní 1:21

Tɔdɔ̄ nin̄-gerə̄n̄ Nə́ɓā ba ɔsən̄ gɔnən aĺ ō, ndadə̄nən̄ sḛ́ý tītə̄ ń de gə̄ a rāān̄neé kə Nə́ɓāá ní aĺ ō. Ba gír̄ yā de gə̄ i gír̄ kə́ ro karī ō, ger̄ yá̰a̰ aĺ kə́ kemdə́ tə́ ənī til kumdə́ tə́ kɔ̄ɔ́ ō.

JEREMI 18:12

Banī nin̄ ədan̄ na: Yá̰á̰ kə́ yā rāā to̰ gətóo. Jḭḭ, j-a j-un i gō yá̰á̰ ń jə-gír̄ yā rāā ní ō, náā nəkɔ́ ɓáa a rāā dɔ ngan̄g kə́ al̄ naā kə̄ non tə́ ō.

Gōsə̄ najə̄ gə̄ 20:9

I náā n asə kəda na n-tə́go ngarā̰ kemən adə̄ unjə̄ njáý njáý ō, na majaĺ yān kógə̄ḿ gə̄gē na gətóo ō ní?

Makətūbə̄ yā Job 14:4

I náā n asə rāā kadə̄ yá̰á̰ kə́ unjə̄ njáý njáý teē tū yá̰á̰ kə́ majaĺ tákə̄ tə́ ní? De kə́ asə rāā nge ń noō gətóo.

LEBI GƏ̄ 1:17

Ni a njar yel̄ ní danaá ba a gān̄g naā tə́ alé. Gō tə́ anī nge tun̄ yá̰a̰ a róō yel̄ ní horoó dɔ kīr̄ gə̄ ń i ɓōkə́ dɔ loo tun̄ yá̰á̰ tə́ ní. Nge ń noō i yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

Teē Ngán Israel gə̄ 29:25

Gō tə́ anī ā ī-tél yā taā jīdə́ tə́ yā róō horoó dɔ loo tun̄ yá̰á̰ tə́ naā tə́ kə dā̰ kə́ yā róō horoó kadə̄m̄. Nge ń noō i yá̰á̰ kə́ tun̄ kadə̄ Kɔ́ɔ̄ɓē kə́ sēēn nelə̄n.

Teē Ngán Israel gə̄ 29:18

Ā ī-róō horoó malang dɔ*lo tun̄ yá̰á̰ tə́. Nge ń noō i yá̰a̰ tun̄ kə́ róō horoó tām̄ yā Kɔ́ɔ̄ɓē tə́ kə́ sēēn nelə̄n.

TA KƏLA 6:17

Ba m-ā m̄-rāā kadə̄ man̄ kaw̄ kə́ ngá̰ý a taā loo dɔ nang tə́ yā tɔ̄ləń yá̰a̰ malang kə́ ndi kə kumuú kɔ̄ɔ́. Yá̰a̰ malang kə́ dɔ nang tə́ a oy.

JEREMI 8:6

m̄-nēl̄ mbīḿ majə m-ōoń ndūdə́, najə̄ kɔr̄də́ əhɔ naā alé. De kógə̄ḿ kə́ əya̰ gō kem ndul yān, aláa kə́ əda na: I rí n m̄-rāā toó ní gətóo. Nin̄ malang tél unən̄ ta ngɔ̄də̄ yādə́, tītə̄ sə́ndá kə́ a ngɔ̄də̄ ta rɔ̄ɔ̄ tə́ beé.

IJAI 65:6

Ba yá̰a̰ gə̄ ń noō malang ní, m-ə̄ndā kumḿ gírí majə ngá̰ý. M-ā m̄-ndi taḿ mbóo aĺ ō, m-ā m̄-rāā kadə̄ nin̄ a əgān̄ kə̄rā yá̰a̰ rāādə́ nin̄ kɔ́ gə̄ kə́ gōtə́ aĺ gə̄ ngá̰ý ō,

IJAI 48:8

Sḭḭ̄ ōōī alé, sḭḭ̄ ī-gerī yá̰á̰ kógə̄ḿ alé. Əla gír i jóó ngá̰ý n sḭḭ̄ ə̄ndāiń kumsí gíŕ yá̰á̰ tə́ to̰ aĺ ní. m̄-ger̄, sḭḭ̄ i ngé tél kɔ̄ɔ́ gō de gə̄ tə́ gə̄ ō, a ɓārə́n̄sí na i ngé kəsō wōn̄g gə̄ kə́ əlan̄ gír kəsō wōn̄g i ndɔ̄ kojədə́ tə́ ō.

IJAI 47:15

De gə̄ ń noō malang ní, ə́lá gír kɔr gōdə́ tə́ loo kaw̄ koō yādə́ tə́ i dan ń ḭ̄ i balsáá ɓáý ní. I beé ní, nin̄ i tām̄ yāí tə́ i najə̄ yá̰á̰ ń noō tə́! Ngɔlaā ní, nin̄ aw̄n̄ kə̄ loo gə̄ tə́ ō, deē kógə̄ḿ kə́ asə kajiī gətóo ō.

IJAI 47:12

I beé ní, ngé kəga gə̄ malang ō, ngé mbōlí gə̄ ō ní, ī-na̰y kə̄ loo kaw̄ koō yādə́ tə́. Ə́lá gír kɔr̄ gōdə́ tə́ i jóó ngá̰ý, i dan ń ḭ̄ i balsáá ɓáý ní. Majanī a majə seí, majanī ā ī-ger̄ loo rāā madí gə̄ kadə̄ ɓōlə́n̄.

LEBI GƏ̄ 26:31

M-ā m̄-rāā kadə̄ ɓē bo yāsí gə̄ télən̄ ndəba ɓē ō, m-ā m̄-nujə loo kə́ táĺ yāsí gə̄ kɔ̄ɔ́ ō, m-ā m̄-sír̄ sēē ndujə̄ yá̰á̰ kə́ kotə majə yāsí gə̄ ń a sɔlə̄n̄ kemḿ ní to̰ aĺ ō.

TA KƏLA 5:29

Ni əndā rīn na i Noe əda na: Nge ń toō a sɔl̄ kemjí dɔ kɔr yājí gə̄ tə́ ō, dɔ kəla kə́ ngan̄g gə̄ ń j-a jə-rāā tə́ sɔɔ̄ń ndɔ̄ĺ ń Nə́ɓā ndɔ̄ĺ dɔ nang ní ō.

TA KƏLA 4:12

Adə̄ ré ā ī-ndɔr̄ dɔ nang anī, ni a teē yá̰a̰ yā kadī to̰ alé. Ā ī-ndi gotə kógə̄ḿ alé, ā ī-tél i de kə́ nge dáȳ dɔɔ́.

TA KƏLA 6:7

Anī Kɔ́ɔ̄ɓē əda na: M-ā m̄-rāā kadə̄ deē ń m-ə̄ndān dɔ nang tə́ ní gətóo kɔ̄ɔ́. I deē ngóy alé, ba əla gír dɔ deē tə́ bátə́ ugə̄ń dɔ yá̰a̰ kul̄ gə̄ tə́ ō, dɔ ngán dā̰ kə́ kagə nang tə́ gə̄ tə́ ō, dɔ yel̄ kə́ dɔɔ́ gə̄ tə́ ō. Tɔdɔ̄ m̄-ndə̄ngā rɔ̄ḿ tām̄ rāā ń m̄-rāā deē tə́ ní.

TA KƏLA 6:13

Anī ni-əda Noe na: m̄-gḛy kadə̄ gír yā de gə̄ gān̄g kɔ̄ɔ́, tɔdɔ̄ yá̰á̰ kə́ rāā kə dɔ́nɔ́ al̄ naā ngá̰ý dɔ nang tə́, adə̄ m-ā m̄-nujədə́ kɔ̄ɔ́ ō, m-ā m̄-nujəń dɔ nang kɔ̄ɔ́ ō.

LEBI GƏ̄ 4:31

A ɔr̄ yibə̄n malang tītə̄ ń ɔrə̄ń yibə̄ dā̰ kə́ tun̄ tām̄ kem kógə̄ḿ tə́ ní, yā róō horoó dɔ loo tun̄ yá̰á̰ tə́ kadə̄ sēēn nel̄ Kɔ́ɔ̄ɓē. Ré nge tun̄ yá̰a̰ rāā yá̰á̰ kə́ yā kutə̄ń dɔ majaĺ ní oy anī, Nə́ɓā a mā̰ȳ rɔ̄n dɔ deē ní tə́.

LEBI GƏ̄ 8:28

Gō tə́ anī tél taā jīdə́ tə́ kɔ̄ɔ́, róō horoó dɔ loo tun̄ yá̰á̰ tə́ naā tə́ kə dā̰ kə́ yā róō kadə̄ Kɔ́ɔ̄ɓē. Nge ń noō i yá̰a̰ tun̄ kə́ yā kəndāń deē kem kəla tun̄ yá̰á̰ tə́, adə̄ sēēn nel̄ Kɔ́ɔ̄ɓē.

TƏ́DA 15:3

ba ā ī-róōī dā̰ horoó yā kadə̄m̄, aláa ā ī-tunī dā̰ kənī ndū, aláa dā̰ kə́ kə gō kem ndigə yāsí, aláa dā̰ kə́ ndɔ̄ rāā nāā tə́ yā kadə̄m̄ anī, ā ī-gērāī i man̄g, aláa i batə̄, aláa i bə̄yā̰ n ā ī-tunī yā kadə̄ sēēn nel̄ Kɔ́ɔ̄ɓē ní.

1 SAMUEL 26:19

Kɔ́ɔ̄ ɓē gə̄, m̄-rāāī ɓɔ́, ōō najə̄ ń mā nge kəla yāí m-ā m-ə́daī ní: Ré i Kɔ́ɔ̄ɓē n ra seí ta rāām̄ yá̰á̰ kə́ beē anī, ādə̄ un usə yá̰a̰ ndējə̄ kə́ kotə majə. Ba ré i de gə̄ anī, ādə̄ Kɔ́ɔ̄ɓē ndɔ̄ĺdə́. Tɔdɔ̄ ɓōólaā tə̄ɓāmə̄n̄ kɔ̄ɔ́, ɔgə̄mə̄n̄ ndi dɔ nang ń Kɔ́ɔ̄ɓē adə̄ deē yān gə̄ tə́ ní. Adə̄ to i tītə̄ kə́ ədamə̄n̄ na kə m-āw̄ kə m̄-rāā ɓesə̄ gə̄ beé.

PĀ GƏ̄ 58:4

Dan ń əlan̄ gír ndān̄ ngé kem ndul gə̄ ní, nin̄ i de kə́ nujə kɔ̄ɔ́ gə̄. Ngé sor̄ gə̄ əlan̄ gír kɔr̄ najə̄ kə́ a̰a̰ gō naā aĺ gə̄ i ndɔ̄ kojədə́ tə́.