TA KƏLA 8:16 - Bibəl ta Sar̄

¹⁶ Ī-teē kɔ̄ɔ́ kem toó, ḭ̄ ō, nə̄yá̰í ō, ngání gə̄ ō, umií gə̄ ō.

Bible sar

¹⁶ Ī-teē kɔ̄ɔ́ kem toó, ḭ̄ ō, nə̄yá̰í ō, ngání gə̄ ō, umií gə̄ ō.

TA KƏLA 8:16 Referans Kwoze

TA KƏLA 7:13

Ndɔ̄ ń noō tə́ Noe udə kem to bo tə́ nin̄ kə nə̄yá̰neé ō, ngánən kə́ dəngam kə́ mətá gə̄ ń i Sem ō, Kam ō, Japet ní ō, umən kə́ dəyá̰ kə́ mətá gə̄ ō,

PĀ GƏ̄ 121:8

Kɔ́ɔ̄ɓē a ngɔ̄mī ta kawīí ō, ta télí ō, a əla gír i ngɔr ń toō tə́ njɔ́ḿ kə̄ no tə́!

JAKARI 9:11

Kɔ́ɔ̄ɓē əda na: Sɔɔ̄ń madə̄ naā ń m-ə́hɔ sesí ní ō, mósə́ kə́ ɓōkə́ nang tə́ kə́ ɔjə kadə̄ m-ə́hɔ madə̄ naā sesí rɔ̄kum ō ní, de gə̄ ń əhɔn̄də́ dəngáyá á ton̄ gə́le bəlo taā man̄ ndi kə́ man̄ gətóo kemeé tə́ ní, m-ā m-ɔ̄r̄də́ dəngáyá.

PĀ GƏ̄ 91:11

Tām̄ Kɔ́ɔ̄ɓē a əda deē yān kə́ dɔ rā̰ tə́ gə̄ kadə̄ a ngɔ̄m̄nī loo malang ń ā āw̄ tū tə́ ní tə́.

JOJUE 4:10

Ngé tun̄ yá̰a̰ gə̄ n ətōn̄ sandúkə madə̄ naā ní dəba ran̄ kum bā Jurdḛ tə́ bátə́ adə̄ de gə̄ rāān̄neé yá̰a̰ malang ń Kɔ́ɔ̄ɓē mēr̄ Jojue kədadə́ ní. I beé n Jojue rāań yá̰a̰ malang kə gō ń Moijə ɔjəń ní. Ba de gə̄ gāngə̄n̄ bā i láẃ, ɔrən̄ bā̰ā̰ loon tə́ alé.

JOJUE 3:17

Ngé tun̄ yá̰a̰ gə̄ ń ətōn̄ sandúkə madə̄ naā yā Kɔ́ɔ̄ɓē ní, dəba ran̄ gotə kógə̄ḿ dan bāá loo kə́ tutə tə́, bátə́ adə̄ ngán Israel gə̄ mānə̄nəń malang kə̄ gidə kə́rēý tə́ kanjə̄ kadə̄ man̄ ɔdə njadə́.

TA KƏLA 7:7

Ni udə kem to bo tə́ kə ngánən kə́ dəngam gə̄ ō, nə̄yá̰n ō, umən gə̄ ō, yā ka̰ȳń man̄ kə́ a rāā yā taā loo.

TA KƏLA 7:1

Kɔ́ɔ̄ɓē əda Noe na: Údiī kem to boó, ḭ̄ ō, deē yāí gə̄ malang ō, tɔdɔ̄ i ḭ̄ ngóy n i de kə́ súmūú ta kumḿ tə́ dan de kə́ dɔ nang tə́ gə̄ tə́.

TA KƏLA 8:15

Anī Nə́ɓā əda Noe na:

TA KƏLA 8:17

Ādə̄ gír dā̰ gə̄ malang ń i seí ní teēn̄: Yel̄ gə̄ ō, dā̰ kə́ bo gə̄ ō, kə́ dūú gə̄ ō. Ādə̄ tə̄ndān̄ naā tḭ̄ḭ̄n̄ kə̄ loo gə̄ tə́ dɔ nang tə́ ba ojən̄ naā kadə̄ bəlan̄.