TA KƏLA 7:11 - Bibəl ta Sar̄

¹¹ Kem ɓāl̄ ń ɓāl̄ Noe i ɓú mehḛ́ tə́ ní, kə ndɔ̄ kə́ nge ko̰ kutə gidə i sīrí yā nāā kə́ nge ko̰ jōó anī, ndɔ̄ ń noō tə́ ta kəɓa man̄ kə́ gír nángāá gə̄ malang teēn̄ ō, ta kār̄ man̄ kə́ dɔɔ́ gə̄ malang i kə́ teē ō.

Bible sar

¹¹ Kem ɓāl̄ ń ɓāl̄ Noe i ɓú mehḛ́ tə́ ní, kə ndɔ̄ kə́ nge ko̰ kutə gidə i sīrí yā nāā kə́ nge ko̰ jōó anī, ndɔ̄ ń noō tə́ ta kəɓa man̄ kə́ gír nángāá gə̄ malang teēn̄ ō, ta kār̄ man̄ kə́ dɔɔ́ gə̄ malang i kə́ teē ō.

TA KƏLA 7:11 Referans Kwoze

TA KƏLA 8:2

Nə́ɓā utə̄ ta kəɓa man̄ kə́ nang tə́ gə̄ kɔ̄ɔ́ ō, ta kār̄ man̄ kə́ dɔɔ́ gə̄ kɔ̄ɔ́ ō. Man̄ kə́ dɔɔ́ edə to̰ alé,

MALASI 3:10

I beé ní, yá̰a̰ kənge yāsí gə̄ kə́ nge ko̰ kutə gə̄ ní, ī-reēīń kə́ rɔ̄kum tə́, kem kújə ngɔ̄m̄ yá̰a̰ kənge tə́, ādə̄ yá̰a̰ kəsa to ngándáńg kem kújə yā Kɔ́ɔ̄ɓē tə́. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Ásiī ndəle gír yā ger̄ kadə̄ m-ə́da i najə̄ kə́ rɔ̄kum. Loo ń noō tə́ ā á̰a̰ī kadə̄ m-ā m̄-teē ta kār̄ man̄ gə̄ kə́ dɔ rā̰ tə́ tām̄ yāsí tə́ ō, m-ā m̄-rāā majə sesí ngá̰ý ō.

JEREMI 51:16

Dan ń ndūn ɓār̄ anī, man̄ gə̄ ɔsən̄ dɔdə́ naā tə́ dɔ rā̰ tə́, ni-rāā adə̄ kil̄ man̄ gə̄ ḭḭn̄ i ta ngóy dɔ nang tə́. Ni-rāā adə̄ man̄ tel̄ yā kadə̄ man̄ edəń. Ni-rāā adə̄ nél teē kem loo ɓɔ̄ɔ̄ rɔ̄ yān tə́.

JEREMI 5:22

Ā ī-ɓōlíī ndílə́ḿ aĺ a? Mā ń m-ə̄ndā nán̄g ngárə̄ḿnjēý m̄-gāngəń gír ba bo ō, m-əndān m-ādə̄ i dɔ nin̄ kə́ a to ngándáńg kə́ ni asə mān̄ dɔ aĺ ō ní? A ī-ndebiī ta kumḿ tə́ aĺ a? Najə̄ ń Kɔ́ɔ̄ɓē əda ní n noó. Bəngálən gə̄ ḭḭn̄, banī tɔ́gə́də́ gətóo. Kōōdə́ ɓār̄ a mānə̄n̄ dɔn alé.

2 MBAN̄G 7:19

nge kətō der yā mban̄g əda deē yā Nə́ɓā na ká ré Kɔ́ɔ̄ɓē mbutəń i ko̰rō̰ kújə gə̄ dɔ rā̰ tə́ gə̄gē anī, najə̄ ń ə́da noó na a reē yā kudə gírí nəkɔ́ a? Ba Elije tél ədan na: Majə, ā á̰a̰ā̰ kə kumií ba a ɔdə taí alé.

EJEKIEL 26:19

A̰á̰ā̰, mā Kɔ́ɔ̄ɓē Nə́ɓā m-ə́da na: M-ā m̄-rāāī kadə̄ ā ī-to tītə̄ ɓē gə̄ ń nujən̄də́ kɔ̄ɔ́ ní, ɓē gə̄ ń de kə́ kemeé gə̄ gətóon̄ kɔ̄ɔ́ ní. M-ā m̄-rāā kadə̄ man̄ kə́ ngá̰ý ḭḭ gír bā bo tə́ reē un dɔí kɔ̄ɔ́.

PĀ GƏ̄ 33:7

Ni kán̄ man̄ bā bo loo kógə̄ḿ gidə babəra kógə̄ḿ tə́. Ni kán̄ man̄ bā bo kem kārə̄n tə́.

2 MBAN̄G 7:2

Nge kətō der yā mban̄g ń mban̄g ndə̄nā rɔ̄n dɔ jīn tə́ ní tél əda deē yā Nə́ɓā na: Ká ré Kɔ́ɔ̄ɓē mbútəń i ko̰rō̰ kújə gə̄ dɔ rā̰ tə́ gə̄gē anī, yá̰á̰ ń ə́da noō a reē yā kudə gíŕ nəkɔ́ a? Anī Elije tél ədan na: Majə, ā á̰a̰ā̰ kə kumií ba a ɔdə taí alé.

TA KƏLA 1:7

anī yá̰á̰ ní reē tītə̄ ń Nə́ɓā ədań ní. Adə̄ Nə́ɓā rāā loo kə́ to tītə̄ gār̄ kújə kēgəń man̄ kə́ nang tə́ kə man̄ kə́ dɔɔ́.

MATIYE 24:38

Tɔdɔ̄ kété tá kadə̄ man̄ kaw̄ taā loo ní, de gə̄ əsan̄ yá̰a̰ ō, a̰ȳn̄ yá̰a̰ ō, taān̄ naā ō, adə̄n̄ ngáńdə́ gə̄ aw̄n̄ ngawaá ō, bátə́ ugə̄ń ndɔ̄ ń Noe udəń kem to bo tə́ ní.

IJAI 24:19

Dɔ nang njar, ni tá̰ā̰, ni-əsō.

PĀ GƏ̄ 74:15

I ḭ̄ n ī-rāā ta róbə ādə̄ man̄ gə̄ əɓan̄neé ō, ādə̄ ngán man̄ gə̄ nūgə́n̄neé ō ní. I ḭ̄ n ī-rāā ādə̄ man̄ bā kə́ dum̄ kiī gə̄ iīn̄ kɔ̄ɔ́, adə̄ loo tél tutə káḿ káḿ kem kār̄də́ gə̄ tə́ ní.

TA KƏLA 6:17

Ba m-ā m̄-rāā kadə̄ man̄ kaw̄ kə́ ngá̰ý a taā loo dɔ nang tə́ yā tɔ̄ləń yá̰a̰ malang kə́ ndi kə kumuú kɔ̄ɔ́. Yá̰a̰ malang kə́ dɔ nang tə́ a oy.

Makətūbə̄ yā Job 28:4

De gə̄ ndērə̄n̄ bəlo gíŕ nángāá sa̰y rɔ̄ ɓē tə́, loo kə́ deē asə kaw̄ tū tə́ aĺ tə́. Ngé ndēr̄ bəlo gə̄ ní əhɔn̄ kəlā ń aw̄ sedə́ kə̄ kété gə̄gē, tél sedə́ kə̄ gogə́ gə̄gē ní adə̄ ngan̄g

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

2 PIYER 3:6

Tá i man̄, adə̄ i man̄ kə́ un dɔ dɔ nang malang kété jóo n nujə yá̰a̰ gə̄ ń Nə́ɓā əndādə́ kété ní.

TA KƏLA 7:6

Dan ń man̄ kaw̄ taā loo dɔ nang tə́ malang ní, ɓāl̄ Noe i ɓú mehḛ́.

Makətūbə̄ yā Job 12:15

Ré ni-əhɔ man̄ anī, man̄ əhɔ laa, ba ré ni əya̰ man̄ dɔɔ́ anī, man̄ nujə loo dɔ nang tə́.

Makətūbə̄ yā Job 38:16

Ḭ̄ āw̄ bátə́ ūgə̄ ta kəɓa man̄ bā katə̄ tə́ ō, ī-njə̄rā á̰a̰ loo kə́ gír bā bo tə́ ō ɓá a?

Gōsə̄ najə̄ gə̄ 3:20

Man̄ kə́ gíŕ nángāá əɓa dɔɔ́ i kə ta kūl̄ yá̰a̰ ger̄ yānneé ō, kil̄ man̄ gə̄ rāān̄ man̄ adə̄ edə i kə ta kūl̄ yá̰a̰ ger̄ yānneé ō.

IJAI 24:18

Nge ka̰ȳ kɔŕ ɓōĺ a əsō gír bəloó. Ré ni asə teē bəloó kɔ̄ɔ́ anī, a əsō kum gūmbə̄ tə́. Ta ko̰rō̰ kújə gə̄ kə́ dɔ rā̰ tə́ i kə́ teē ngá̰ý, dɔ nang kə taá malang ndew dɔ ngəran tə́.

TA KƏLA 8:14

Dɔ nang tutə kə ndɔ̄ kə́ nge ko̰ kutə jōó gidə i sīrí yā nāā kə́ nge ko̰ jōó.

Makətūbə̄ yā Job 38:37

I náā n ger̄ tə́da kil̄ man̄ gə̄ majə ō, ɗel ta sɔl kə́ dɔ rā̰ tə́ gə̄ yā kəjāń man̄ kə́ kemeé ō,