TA KƏLA 6:8 - Bibəl ta Sar̄

⁸ Ɓá tā ba Kɔ́ɔ̄ɓē rāā kem majə kə Noeé.

Bible sar

⁸ Ɓá tā ba Kɔ́ɔ̄ɓē rāā kem majə kə Noeé.

TA KƏLA 6:8 Referans Kwoze

TA KƏLA 19:19

Ḭ̄ ī-rāā kem majə seḿ rɔ̄kum, ɔ́jə́ tár yāí kə́ ngá̰ý tām̄ yāḿ tə́ tɔdɔ̄ ī-rāā adə̄ m̄-ndi kə kumḿ. Tā ba m-ásə ka̰ȳ kugə̄ mbalá kanjə̄ kadə̄ yá̰á̰ kə́ tōr̄ əngem̄ róbó alé, adə̄ m-ā m-óý róbó.

HEBƏRO 4:16

I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

Najə̄ kə́ Majə yā Jeju ń Luk ndang ní 1:30

Anī de kə́ dɔ rā̰ tə́ ní ədan na: Mari, ī-ɓōĺ alé, tɔdɔ̄ Nə́ɓā rajiī.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

TITƏ 2:11

Tɔdɔ̄ rajə deē ń i ta róbə́ kə́ kadə̄ de gə̄ malang ajən̄neé ní, Nə́ɓā ɔjə kə̄ ndágá.

1 KORḚNTƏ 15:10

Banī Nə́ɓā rāā seḿ adə̄ m̄-tél de kə́ m̄-to beé. Ba rāā ń Nə́ɓā rāā seḿ ní gotə to karī alé, tām̄ m̄-rāā kəla tɔȳ gotə ngámbang kəla gə̄ malang. Kə́ rɔ̄kum tə́ ɓáa i mā alé, banī i rajə kə́ Nə́ɓā rajəm̄.

Gōsə̄ najə̄ gə̄ 3:4

Loo ń noō tə́ Nə́ɓā a táriī ō, de gə̄ a tárnī ō, míndə́sí a əsō gō naā tə́ ō.

PĀ GƏ̄ 145:20

Kɔ́ɔ̄ɓē i nge ngɔ̄m̄ de gə̄ malang ń a tárnən̄ ní, banī ni i nge tɔ̄l̄ ngé kem ndul gə̄ malang kɔ̄ɔ́.

Makətūbə̄ ń Pol ndang adə̄ Rom gə̄ ní 4:4

Ba deē ń rāā kəla ní nar kəla ń ənge ní i yá̰á̰ kə́ adə̄nən̄ karī alé, ba i yá̰á̰ kə́ sɔɔ̄ kadə̄ ni a ənge gáŕ.

KƏLA RĀĀ 7:46

Nel̄ Nə́ɓā kə Dabidí adə̄ Dabid dəjen ta róbə kadə̄ n-aw̄ kə loo ndi kə́ tām̄ yā Nə́ɓā yā Jakob tə́.

Gōsə̄ najə̄ gə̄ 12:2

Kɔ́ɔ̄ɓē ndigə de kə́ majə, ba ni-gān̄g sarya dɔ deē ń gír̄ kə́ kemən tə́ i gír̄ kə́ majaĺ ní.

2 PIYER 2:5

Dɔ nang kə́ kété jóo ń de kə́ ngé rāā yá̰a̰ gō yā Nə́ɓā tə́ aĺ gə̄ ndin̄ tū tə́ ní, Nə́ɓā əya̰ karī alé, ba rāā adə̄ man̄ un dɔ malang kɔ̄ɔ́. I Noe nge kɔjə yá̰á̰ kə́ gōtə́ ngóy n ni-ajən ní ō, ni-ajə de kə́ rang gə̄ sīrí ō.

Gōsə̄ najə̄ gə̄ 8:35

Tɔdɔ̄ deē ń əngem̄ ní ənge i ta róbə ndi kə kumuú ō, ndɔ̄də̄ i kem majə yā Kɔ́ɔ̄ɓē ō.

JEREMI 31:2

Najə̄ ń Kɔ́ɔ̄ɓē əda ní n toó: m̄-rāā kem ndaa kə gír de gə̄ ń teēn̄ ta yo kaskar tə́ ní kem dəla loo tə́. Israel a tél yā ndi lɔm.

2 TIMOTE 1:18

Ādə̄ Kɔ́ɔ̄ɓē rāā seneé, ba a̰a̰ kum tō ndoō yān ndɔ̄ sarya tə́. Yá̰a̰ malang ń ni-rāā adə̄m̄ kem ɓē kə́ Epejə tə́ ní, ḭ̄ ī-ger̄ majə tɔȳ de kə́ rang gə̄.

GALATƏ 1:15

Banī Nə́ɓā rajəm̄, ni-gə̄rām̄ dan ń mā i kem kó̰ó̰ḿ tə́ ɓáý ní, ba ɓārə́m̄ kadə̄ m̄-rāā kəla m-ādə̄n.

Makətūbə̄ ń Pol ndang adə̄ Rom gə̄ ní 11:6

Ba ré ɔjəń i dɔ rajə anī, i tām̄ yā kəla rāādə́ gə̄ tə́ to̰ alé. Tɔdɔ̄ ré i tām̄ yā kəla rāādə́ gə̄ tə́ anī, rajə ní i rajə to̰ alé.

TITƏ 3:7

Ni-əda kə̄ ndágá wáńg na najə̄ gətóo dɔjí tə́ i kə ta kūl̄ kem majə yān, i yā kadə̄ jə-téliīń ngé kənge ndi kə kumuú kə́ ngándáńg gə̄, adə̄ i ndi kə kumuú kə́ ngándáńg ń j-əndāī kemjí dɔ tə́ ní.

MATIYE 24:37

Yá̰a̰ gə̄ ń rāān̄ yá̰a̰ ɓāl̄ yā Noe tə́ ní, ta reē Ngōn̄ Deē tə́ anī, a rāān̄ yá̰a̰ ō.

Najə̄ kə́ Majə yā Jeju ń Luk ndang ní 17:26

Ndɔ̄ gə̄ yā Ngōn̄ Deē tə́ anī, a to i tītə̄ nəkɔ́ kə́ ndɔ̄ gə̄ yā Noe tə́ ō.

1 PIYER 3:20

Kumən na ɔjə i ndíl de gə̄ ń kété mbātə́n̄ ta Nə́ɓā, dan ń Nə́ɓā a tə́gań tan ɓáý ndɔ̄ gə̄ ń Noe a rāań to bo tə́ ní. I de kə́ sḛ́ý beē gə̄, adə̄ malang ɓáa i deē sɔ́sɔ́ ngóy n udən̄ kem toó ajən̄neé ní.

EJEKIEL 14:14

Ká ré de kə́ mətá kə́ tītə̄ Noe ō, Danel ō, Job ō, nin̄ i dan de gə̄ kə́ kem ɓē ń toō tə́ gə̄ tə́ anī, ra dɔ ndū tə́ yādə́ a ajə i rɔ̄də́ nin̄ kɔ́ gə̄ ngóy. I mā Kɔ́ɔ̄ɓē Nə́ɓā n m-ə́da najə̄ ń noō ní.