TA KƏLA 6:7 - Bibəl ta Sar̄

⁷ Anī Kɔ́ɔ̄ɓē əda na: M-ā m̄-rāā kadə̄ deē ń m-ə̄ndān dɔ nang tə́ ní gətóo kɔ̄ɔ́. I deē ngóy alé, ba əla gír dɔ deē tə́ bátə́ ugə̄ń dɔ yá̰a̰ kul̄ gə̄ tə́ ō, dɔ ngán dā̰ kə́ kagə nang tə́ gə̄ tə́ ō, dɔ yel̄ kə́ dɔɔ́ gə̄ tə́ ō. Tɔdɔ̄ m̄-ndə̄ngā rɔ̄ḿ tām̄ rāā ń m̄-rāā deē tə́ ní.

Bible sar

⁷ Anī Kɔ́ɔ̄ɓē əda na: M-ā m̄-rāā kadə̄ deē ń m-ə̄ndān dɔ nang tə́ ní gətóo kɔ̄ɔ́. I deē ngóy alé, ba əla gír dɔ deē tə́ bátə́ ugə̄ń dɔ yá̰a̰ kul̄ gə̄ tə́ ō, dɔ ngán dā̰ kə́ kagə nang tə́ gə̄ tə́ ō, dɔ yel̄ kə́ dɔɔ́ gə̄ tə́ ō. Tɔdɔ̄ m̄-ndə̄ngā rɔ̄ḿ tām̄ rāā ń m̄-rāā deē tə́ ní.

TA KƏLA 6:7 Referans Kwoze

SOPONI 1:3

M-ā m̄-rāā kadə̄ deē ndul gə̄ gətóon̄ ō, dā̰ gə̄ gətóon̄ ō, yel̄ kə́ dɔɔ́ gə̄ gətóon̄ ō, kānjə̄ gə̄ kə́ kum bā bo tə́ gətóon̄ ō. M-ā m̄-rāā kadə̄ de kə́ majaĺ gə̄ gətóon̄ ō, yá̰á̰ ń rāādə́ adə̄ a rāān̄ yá̰a̰ majaĺ ní gətóo ō. M-ā m̄-rāā kadə̄ deē ndul gə̄ a gətóon̄ kɔ̄ɔ́ dɔ nang tə́.

PĀ GƏ̄ 37:20

Ngé kem ndul gə̄ a oyn̄. Madə̄ ba̰ā̰ Kɔ́ɔ̄ɓē gə̄ a oyn̄ kɔ̄ɔ́ tītə̄ hútə̄ mu kə́ bembeé beē. Nin̄ a aw̄n̄ kɔ̄ɔ́, a aw̄n̄ tītə̄ sa hor beé.

Gōsə̄ najə̄ gə̄ 16:4

Kɔ́ɔ̄ɓē rāā yá̰a̰ malang i kə kumneé, de kə́ nge kem ndul gə̄gē ni-rāān i tām̄ yā ndɔ̄ yá̰á̰ kə́ to kum kaȳ aĺ tə́.

Gōsə̄ najə̄ gə̄ 10:27

Ɓōĺ ndíĺ Kɔ́ɔ̄ɓē a ənī ndɔ̄ deē ta madə̄ tə́, banī a gāngə̄n̄ ta ɓāl̄ ngé kem ndul gə̄ kɔ̄ɔ́.

OJEE 4:3

I tām̄ najə̄ ń toō tə́ n loo laa a rāā dɔ nang kə́ kem ɓēé kadə̄ tutə káḿ káḿ ní. De kə́ kem ɓēé gə̄ malang ō, dā̰ kə́ bembeé gə̄ ō, yel̄ kə́ dɔɔ́ gə̄ ō ní, tɔ́gə́də́ a gətóo i ndɔ̄ naā tə́ gidə kógə̄ḿ. Kānjə̄ gə̄ kə́ kum bā bo tə́ gə̄gē a gətóon̄ kɔ̄ɔ́.

TA KƏLA 6:6

Tōrə̄n ngá̰ý adə̄ ndə̄ngā rɔ̄n tām̄ rāā ń ni-rāā deē əndān dɔ nang tə́ ní.

TA KƏLA 7:4

Tɔdɔ̄ na̰y i ndɔ̄ sīrí kadə̄ m-ə́la kə maná kadə̄ edə dɔ nang tə́ ndɔ̄ kutə sɔ́. M-ā m̄-tɔ̄l̄ yá̰a̰ malang ń ndi kə kumuú dɔ nang tə́ ní kɔ̄ɔ́.

TA KƏLA 7:21

Adə̄ yel̄ gə̄ ō, dā̰ kə́ ɓēé gə̄ ō, kə́ bembeé gə̄ ō, ngán dā̰ kə́ kagə nang tə́ gə̄ ō, de gə̄ ō, oyn̄ malang.

TA KƏLA 8:21

Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

NDŪ NAJƏ̄ 28:63

Tītə̄ ń ka̰a̰ gōsí kadə̄ ī-ndiī majə ō, rāā kadə̄ kutəsí i ngá̰ý ō, i yá̰á̰ kə́ nel̄ Kɔ́ɔ̄ɓē ngá̰ý ní, yá̰á̰ ń a tél yā nelə̄n ní i kəndā kumən gōsí tə́ yā rāań kadə̄ sḭḭ̄ ī-gətóoī kɔ̄ɔ́ ō, yā nujəńsí kɔ̄ɔ́ malang ō. Ni a ngḭ̄sí yā kɔr̄sí kɔ̄ɔ́ dɔ nang ń ā āwī kə̄ tū tə́ yā taā ní.

NDŪ NAJƏ̄ 29:20

Kɔ́ɔ̄ɓē a ɔrə̄n kɔ̄ɔ́ dan gír ɓē gə̄ kə́ Israel tə́ yā kəndān kə kérneé kadə̄ yá̰á̰ kə́ tōr̄ gə̄ malang ń ənīn̄ ndūdə́ dɔ tə́ loo kəhɔ madə̄ naā ń ndangən̄ najə̄n kem makətūbə̄ ndū najə̄ ń toō tə́ ní rāān.

1 SAMUEL 15:11

m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

AMOS 7:3

Loo ń noō tə́ Kɔ́ɔ̄ɓē lōō gíŕ yá̰á̰ ń ni sāā rāā tə́ ní, adə̄ əda na: Yá̰á̰ ní a rāā yá̰a̰ alé.

AMOS 7:6

Loo ń noō tə́ Kɔ́ɔ̄ɓē lōō gíŕ yá̰á̰ ń ni a sāā rāā tə́ ní, adə̄ əda na: Yá̰á̰ ń noō a rāā yá̰a̰ aĺ ō.

SOPONI 1:2

Kɔ́ɔ̄ɓē əda wáńg na: M-ā m-ɔ̄r̄ yá̰a̰ malang kɔ̄ɔ́ dɔ nang tə́.

SOPONI 1:18

Gində̄ arjā̰a̰ yādə́ ō, lɔ́r yādə́ ō, a asə kajədə́ ndɔ̄ ń Kɔ́ɔ̄ɓē a rāań wōn̄g tə́ ní alé. Hor wōn̄g yān kə́ ngá̰ý a nujə dɔ nang malang. A̰á̰ā̰, i yá̰á̰ kə́ to ɓōĺ ngá̰ý. Kɔ́ɔ̄ɓē a nujə de gə̄ malang kə́ dɔ nang tə́ kɔ̄ɔ́.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.