TA KƏLA 6:5 - Bibəl ta Sar̄

⁵ Kɔ́ɔ̄ɓē a̰a̰ kadə̄ kem de kə́ dɔ nang tə́ gə̄ ndul ngá̰ý ō, gír̄ yādə́ i kə́ majaĺ kə ndɔ̄ gə̄ ō.

Bible sar

⁵ Kɔ́ɔ̄ɓē a̰a̰ kadə̄ kem de kə́ dɔ nang tə́ gə̄ ndul ngá̰ý ō, gír̄ yādə́ i kə́ majaĺ kə ndɔ̄ gə̄ ō.

TA KƏLA 6:5 Referans Kwoze

MATIYE 15:19

Tɔdɔ̄ gír̄ kə́ majaĺ gə̄ ō, gír̄ tɔ̄l̄ deē ō, ɓīī kə dəyá̰ kə́ rang, aláa kə dəngam kə́ rang ō, gír̄ rāā háĺ kə́ majaĺ ō, sāā ɓogə ō, tétə̄ najə̄ dɔ deē tə́ ō, ngonjə̄ ō, ḭḭn̄ i dan wur deē tə́.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

KOHELET 9:3

Kadə̄ yá̰á̰ kə́ kógə̄ḿ beē rāā de gə̄ malang tū yá̰a̰ malang ń de gə̄ a rāān̄ tə́ dɔ nang tə́ ní i yá̰á̰ kógə̄ḿ kə́ majaĺ. I yá̰á̰ ń noō n rāā adə̄ ngam i ngá̰ý kem ngán kaa Adam gə̄ tə́ ō, mbóo i kemdə́ tə́ dan ndidə́ kə kumdə́ tə́ ō ní. Ba gō tə́ anī a oyn̄ i mbéé ngóy.

KOHELET 7:29

Banī yá̰á̰ ń m-ə́ngé ní á̰a̰ā̰ a? Nə́ɓā rāā de gə̄ adə̄ ran̄ súmūú, banī nin̄ tə́lan̄ yá̰a̰ naā tə́ adə̄ al̄ naā ngá̰ý.

TA KƏLA 8:21

Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

PĀ GƏ̄ 53:2

Mbóo gə̄ gírə̄n̄ kemdə́ tə́ na Nə́ɓā na gətóo. Nin̄ i de kə́ nujə kɔ̄ɔ́ gə̄ ō, yá̰a̰ rāādə́ to yḛr kum ō, deē kógə̄ḿ kə́ dandə́ tə́ kə́ rāā yá̰a̰ kə gōó gətóo ō.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

EJEKIEL 8:9

Ni ədam̄ ɓáý to̰ na: Údə kemeé ba á̰a̰ loo. De gə̄ rāān̄ yá̰á̰ kə́ majaĺ ngá̰ý ō, kə́ to yḛr kum ō, loo ń toō tə́ laā.

TA KƏLA 13:13

De kə́ Sodom gə̄ i de kə́ kemdə́ ndul ngá̰ý gə̄. Nin̄-rāān̄ yá̰á̰ kə́ majaĺ ngá̰ý gə̄ ta kum Kɔ́ɔ̄ɓē tə́.

EJEKIEL 8:12

Nə́ɓā ədam̄ na: Ḭ̄ ngōn̄ deē, yá̰á̰ ń kum kɔɔ̄ gə̄ yā ngán Israel gə̄ ndi a rāān̄ loo ɓɔ̄ɔ̄ rɔ̄ tə́, nin̄ kógə̄ḿ kógə̄ḿ kə̄ loo yādə́ gə̄ tə́ kə̄ no ɓesə̄ yādə́ gə̄ tə́ ní á̰a̰ā̰ a? Nin̄ ədan̄ na Kɔ́ɔ̄ɓē na asə ka̰a̰də́ alé, Kɔ́ɔ̄ɓē na mbātə́ ɓē kɔ̄ɔ́.

NDŪ NAJƏ̄ 29:19

Kɔ́ɔ̄ɓē a mā̰ȳ rɔ̄n dɔn tə́ alé. Wōn̄g a rāān seneé ngá̰ý ō, jang a rāān seneé ngá̰ý ō, adə̄ ni a əya̰n karī alé. A əndan kə yá̰á̰ kə́ tōr̄ gə̄ malang ń ndangən̄ najə̄ yādə́ kem makətūbə̄ ń toō tə́ ní ō, a rāā kadə̄ əga kem de gə̄ dɔn tə́ dɔ nang tə́ to̰ aĺ ō.

Makətūbə̄ yā Job 15:16

Anī deē ndul ń i yá̰á̰ kə́ to yēńg ō, nujə kɔ̄ɔ́ ō, rāā yá̰á̰ kə́ gōtə́ aĺ láẃ ngá̰ý tītə̄ loo ka̰ȳ man̄ beé ō ní, yān i kə́ to ráá aĺ a?

MATIYE 24:37

Yá̰a̰ gə̄ ń rāān̄ yá̰a̰ ɓāl̄ yā Noe tə́ ní, ta reē Ngōn̄ Deē tə́ anī, a rāān̄ yá̰a̰ ō.

Najə̄ kə́ Majə yā Jeju ń Luk ndang ní 17:26

Ndɔ̄ gə̄ yā Ngōn̄ Deē tə́ anī, a to i tītə̄ nəkɔ́ kə́ ndɔ̄ gə̄ yā Noe tə́ ō.

1 PIYER 3:20

Kumən na ɔjə i ndíl de gə̄ ń kété mbātə́n̄ ta Nə́ɓā, dan ń Nə́ɓā a tə́gań tan ɓáý ndɔ̄ gə̄ ń Noe a rāań to bo tə́ ní. I de kə́ sḛ́ý beē gə̄, adə̄ malang ɓáa i deē sɔ́sɔ́ ngóy n udən̄ kem toó ajən̄neé ní.

Makətūbə̄ yā Job 22:15

I beé ní, ī-ndigə kun róbə́ kə́ jóó ń de kə́ háĺdə́ nujə kɔ̄ɔ́ gə̄ unən̄ ní a?