TA KƏLA 6:2 - Bibəl ta Sar̄

² ngáń Nə́ɓā gə̄ a̰a̰n̄ ngáń kə́ dəyá̰ yā de gə̄ ní mandən̄ ngá̰ý ta kumdə́ tə́, adə̄ táān̄ ngé gə̄ ń nin̄ gə̄rān̄də́ ní kə́ dəyá̰ gə̄ tə́.

Bible sar

² ngáń Nə́ɓā gə̄ a̰a̰n̄ ngáń kə́ dəyá̰ yā de gə̄ ní mandən̄ ngá̰ý ta kumdə́ tə́, adə̄ táān̄ ngé gə̄ ń nin̄ gə̄rān̄də́ ní kə́ dəyá̰ gə̄ tə́.

TA KƏLA 6:2 Referans Kwoze

1 JA̰A̰ 2:16

Tɔdɔ̄ yá̰á̰ kə́ dɔ nang tə́ laā gə̄ malang, adə̄ i ngur yá̰a̰ ō, ndə̄ngā yá̰a̰ ō, kɔjə rɔ̄ kə́ tām̄ yá̰a̰ kənge tə́ ō ní, ḭḭn̄ i rɔ̄ Bɔbə̄ Ngōn̄ tə́ alé, ba i dɔ nang tə́ laā.

2 PIYER 2:14

Kumdə́ a ndəle i dəyá̰ kə́ ngé rāȳ gə̄ ō, asədə́ rāā yá̰á̰ kə́ majaĺ aĺ bátə́ ō. Nin̄-əyān̄ gūmbə̄ əhɔn̄neé de kə́ tɔ́gə́də́ gətóo gə̄ ō. Yá̰á̰ ń i rāā ta nar ní, nin̄-gerə̄n̄ ngá̰ý ō. Ndɔ̄ĺ yā Nə́ɓā i dɔdə́ tə́!

ESDRAS 9:12

Ní ī-lōōī kəya̰ ngáńsí kə́ dəyá̰ gə̄ kadə̄ ngáńdə́ kə́ dəngam gə̄ ō, ī-lōōī táā ngáńdə́ kə́ dəyá̰ gə̄ kadə̄ ngáńsí kə́ dəngam gə̄ ō. Ā ī-sāāī ta róbə lápə́ya aké ndi majə tām̄ yādə́ tə́ aĺ i kə́ bátə́ gə̄ tə́. I beé n ā ī-téliīneé gír de kə́ tɔ́gə́də́ to gə̄ ō, ā ə́saīneé yá̰á̰ kə́ majə gə̄ kə́ kem ɓēé ba ā ə́ya̰īneé gotə yā kadə̄ ngáńsí gə̄ kadə̄ i yá̰a̰ yādə́ kə́ njɔ́ḿ gə̄ tə́ ní ō.

2 SAMUEL 11:2

Ndɔ̄ kógə̄ḿ tə́ loo sɔlí dan ń Dabid ɔr̄ koō oy anī, ḭḭ dɔ tə̄rá yān tə́ ba aw̄ njə̄rā dɔ kújə́ dúŕ dur yā mban̄g tə́. Ni-ra dɔ kújə́ ní tə́, anī a̰a̰ dəyá̰ kógə̄ḿ loo ndogə̄ man̄ tə́. Dəyá̰ ní mandə ngá̰ý.

NDŪ NAJƏ̄ 14:1

Sḭḭ̄ i ngán Kɔ́ɔ̄ɓē Nə́ɓā yāsí, adə̄ ā ī-tə́jāī rɔ̄sí, aláa ā ī-dəsāī dɔsí yā rāań ndoō de kə́ koy alé.

Teē Ngán Israel gə̄ 34:16

Ré ī-táāī ngáńdə́ kə́ dəyá̰ gə̄ ādī ngáńsí kə́ dəngam gə̄ anī, ngáńdə́ kə́ dəyá̰ gə̄ ní a rāān̄ kadə̄ ngáńsí kə́ dəngam gə̄ a rāān̄ ɓesə̄ yādə́ gə̄.

TA KƏLA 27:46

Rebeka əda Isaak na: Nelə̄m̄ kə rɔ̄ḿ to̰ alé sɔɔ̄ń dəyá̰ Het gə̄ ń Esau taā ní. Ré Jakob taā dəyá̰ dɔ nang ń toō tə́ ɓáý to̰ anī, ndiḿ kə kumḿ to̰ aĺ i só tə́.

TA KƏLA 24:3

ba ə̄nī míndí ādə̄m̄ kə rī Kɔ́ɔ̄ɓē Nə́ɓā kə́ nge rāā dɔ rā̰ ō, dɔ nang ō, kadə̄ ā ī-taā dəyá̰ dan ngáń kə́ dəyá̰ yā Kanaan gə̄ ń m̄-ndi dɔ dáńdə́ tə́ toō tām̄ yā ngōnə̄ḿ tə́ alé,

TA KƏLA 4:26

Set ojə ngōn̄ kə́ dəngam ō. Ni-əndā rīn na i Enos. I loo ń noō tə́ n de gə̄ əlanə̄ń gír ɓāŕ Nə́ɓā na i Kɔ́ɔ̄ɓē dan ń a ndɔ̄ȳnən̄ tə́ ní.

TA KƏLA 3:6

Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.

2 KORḚNTƏ 6:18

Loo ń noō tə́ mā i bɔbə̄sí ō, sḭḭ̄ i ngánə́ḿ kə́ dəngam gə̄ ō, kə́ dəyá̰ gə̄ ō. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

1 KORḚNTƏ 7:39

Ndū najə̄ do̰ō̰ dəyá̰ naā tə́ kə ngaaneé i kə dɔ ndɔ̄ gə̄ malang ń ngaan ndiń kə kumneé ní. Ba ré ngaan oy kɔ̄ɔ́ anī ni i kɔ́ɔ̄ rɔ̄n, adə̄ ni a taā dəngam kə́ kemən ndigə, ba kadə̄ dəngam ní i deē yā Kərist tá.

MALASI 2:15

Kɔ́ɔ̄ɓē rāāsí adə̄ ī-téliī de kə́ kógə̄ḿ beē kə dəyá̰ ní aĺ a? I rɔ̄ kə́ kógə̄ḿ beē, kə́ i koō kə́ kógə̄ḿ beē kə́ nge rāā deē kadə̄ ndi kə́ kumneé n i kemeé ní aĺ a? Ba yá̰á̰ ń de kə́ kal kógə̄ḿ beē ngeé ń toō ndigə ní i rí? I ngán gə̄ ń Nə́ɓā a adə̄ ní n ni ndigə kənge ní wa ḿ? Á̰a̰ī rɔ̄sí sḭḭ̄ kɔ́ gə̄ majə! Dəyá̰ ń sḭḭ̄ ī-gə̄rāī dan balsáásí tə́ ní, ī-lōōī gólən!

MALASI 2:11

De kə́ Juda gə̄ ran̄ dɔ míndə́də́ kə́ ənīn̄ tə́ alé. Nin̄ rāān̄ yá̰á̰ kə́ majaĺ ngá̰ý gə̄ kem ɓē kə́ Jerusalem tə́ ō, kem ɓēé kə taá malang ō. Tām̄ nin̄ kídə̄n̄ loo kə́ táĺ ń nel̄ Kɔ́ɔ̄ɓē ní. Nin̄ táān̄ dəyá̰ kə́ ngé rɔȳ nə́ɓā kə́ mbā gə̄.

IJAI 63:16

Tá ḭ̄ i bɔbə̄jí. Kaají Abəraham ger̄ najə̄ yājí kógə̄ḿ alé, Jakob ger̄jí alé. Ba ḭ̄ Kɔ́ɔ̄ɓē ḭ̄ i bɔbə̄jí, nge gān̄g dɔjí, nəkɔ́ ń jóo toó rīí n noó ngándáńg.

Makətūbə̄ yā Job 31:1

J-oō naā jḭḭ kə kumḿ, kadə̄ m-ə̄ndā kumḿ dɔ ngōmandə kə́ ger̄ dəngam aĺ tə́.

TA KƏLA 6:1

Dan ń de gə̄ bəlan̄ ngá̰ý dɔ nang tə́ ō, ojən̄ ngáń kə́ dəyá̰ gə̄ ō anī,

TA KƏLA 6:3

Tā anī Kɔ́ɔ̄ɓē əda na: M-ā m-ādə̄ ndílə́ḿ a ndi kem deē tə́ kə ndɔ̄ gə̄ ngándáńg alé, tɔdɔ̄ deē i dā̰ rɔ̄ kə́ tɔ́gən i ngá̰ý alé, adə̄ ɓālə̄n a aw̄ ngá̰ý gē a, i ɓú kə kutə jōó ngóy.

TA KƏLA 12:11

Dan ń a rāān̄ yā kudə kə̄ kem ɓē kə́ Ejiptə tə́ anī, ni-əda nə̄yá̰n Sarai na: Ōō majə! m̄-ger̄ kadə̄ ḭ̄ i dəyá̰ kə́ mandə ngá̰ý.

TA KƏLA 26:35

Nin̄ rāān̄ Isaak ō, Rebeka ō, adə̄ wurdə́ atə̄də́ ngá̰ý.

Makətūbə̄ yā Job 1:6

Ndɔ̄ kógə̄ḿ tə́ anī de gə̄ kə́ dɔ rā̰ tə́ yā Nə́ɓā reēn̄ kɔjə Kɔ́ɔ̄ɓē gotə yá̰a̰ gə̄ ń rāān̄ yá̰á̰ tə́ ní, anī Sətan, nge sekə́ de gə̄, reē ra ta kum Kɔ́ɔ̄ɓē tə́ sedə́ ō.