TA KƏLA 6:12 - Bibəl ta Sar̄

¹² Dan ń Nə́ɓā a̰a̰ loo kə́ dɔ nang tə́ anī, a̰a̰ kadə̄ hál de gə̄ malang i kə́ nujə kɔ̄ɔ́, tɔdɔ̄ nin̄ njə̄rān̄ i dɔ róbə́ kə́ súmūú tə́ alé.

Bible sar

¹² Dan ń Nə́ɓā a̰a̰ loo kə́ dɔ nang tə́ anī, a̰a̰ kadə̄ hál de gə̄ malang i kə́ nujə kɔ̄ɔ́, tɔdɔ̄ nin̄ njə̄rān̄ i dɔ róbə́ kə́ súmūú tə́ alé.

TA KƏLA 6:12 Referans Kwoze

2 PIYER 2:5

Dɔ nang kə́ kété jóo ń de kə́ ngé rāā yá̰a̰ gō yā Nə́ɓā tə́ aĺ gə̄ ndin̄ tū tə́ ní, Nə́ɓā əya̰ karī alé, ba rāā adə̄ man̄ un dɔ malang kɔ̄ɔ́. I Noe nge kɔjə yá̰á̰ kə́ gōtə́ ngóy n ni-ajən ní ō, ni-ajə de kə́ rang gə̄ sīrí ō.

Gōsə̄ najə̄ gə̄ 15:3

Kum Kɔ́ɔ̄ɓē a̰a̰ loo i kə̄ loo gə̄ tə́ malang, ni-əndā ma̰ȳ de kə́ majə gə̄ ō, ngé kem ndul gə̄ ō.

Makətūbə̄ yā Job 33:27

Ni-ənī pā ta kum de gə̄ tə́ malang əda na: Kété ní m̄-rāā yá̰a̰ gōtə́ alé, m̄-ɓōĺ ndū najə̄ gə̄ alé. Banī Nə́ɓā rāā háĺ kə́ tītə̄ yāḿ mā alé.

TA KƏLA 7:1

Kɔ́ɔ̄ɓē əda Noe na: Údiī kem to boó, ḭ̄ ō, deē yāí gə̄ malang ō, tɔdɔ̄ i ḭ̄ ngóy n i de kə́ súmūú ta kumḿ tə́ dan de kə́ dɔ nang tə́ gə̄ tə́.

TA KƏLA 6:8

Ɓá tā ba Kɔ́ɔ̄ɓē rāā kem majə kə Noeé.

Najə̄ kə́ Majə yā Jeju ń Luk ndang ní 3:6

Loo ń noō tə́ de gə̄ malang a a̰a̰n̄ loo kajə ń Nə́ɓā a ajə deē ní.

TA KƏLA 18:21

Adə̄ m-ā m̄-risə yā ka̰ā̰ ké yá̰a̰ rāādə́ gə̄ malang to i tītə̄ ń sekə́nəńdə́ rɔ̄ḿ tə́ ní rɔ̄kum wa. Ré i kə gōó aĺ anī, m-ā m̄-ger̄.

TA KƏLA 9:12

Nə́ɓā əda ɓáý to̰ na: Yá̰á̰ ń ɔjə kadə̄ m-ā m̄-rāā yá̰á̰ ń toō tām̄ yāsí tə́ ō, tām̄ yā yá̰a̰ malang kə́ ndi kə kumuú tə́ ō, kə dɔ ɓāl̄ gə̄ malang ń de gə̄ a ndinə̄ń dɔ nang tə́ ní n toó:

TA KƏLA 7:21

Adə̄ yel̄ gə̄ ō, dā̰ kə́ ɓēé gə̄ ō, kə́ bembeé gə̄ ō, ngán dā̰ kə́ kagə nang tə́ gə̄ ō, de gə̄ ō, oyn̄ malang.

TA KƏLA 6:13

Anī ni-əda Noe na: m̄-gḛy kadə̄ gír yā de gə̄ gān̄g kɔ̄ɔ́, tɔdɔ̄ yá̰á̰ kə́ rāā kə dɔ́nɔ́ al̄ naā ngá̰ý dɔ nang tə́, adə̄ m-ā m̄-nujədə́ kɔ̄ɔ́ ō, m-ā m̄-nujəń dɔ nang kɔ̄ɔ́ ō.

TA KƏLA 18:20

Anī Kɔ́ɔ̄ɓē əda Abəraham na: Sekə́n̄ de kə́ Sodom gə̄ ō, Gomor gə̄ ō, sekə́ kə́ ngan̄g ngá̰ý rɔ̄ḿ tə́. Yá̰a̰ gə̄ ń rāān̄ ní majaĺ ngá̰ý.