TA KƏLA 5:5 - Bibəl ta Sar̄

⁵ Ɓāl̄ Adam malang i ɓú ndōhó. Gō tə́ anī, ni oy.

Bible sar

⁵ Ɓāl̄ Adam malang i ɓú ndōhó. Gō tə́ anī, ni oy.

TA KƏLA 5:5 Referans Kwoze

TA KƏLA 5:11

Ɓāl̄ Enos malang i ɓú ndōhó kə kalən kə́ mí. Gō tə́ anī, ni oy.

TA KƏLA 5:8

Ɓāl̄ Set malang i ɓú ndōhó kə kutə kógə̄ḿ kə kalən kə́ jōó. Gō tə́ anī, ni oy.

2 SAMUEL 14:14

Rɔ̄kum yojí i tītə̄ man̄ ń deē ɓōkə́ nang tə́ anī loo tél kɔyn gogə́ gətóó ní. Ɓá tā ba yá̰á̰ ń Nə́ɓā núm̄ tām̄ yā Absalom tə́ ní, kə ngɔr ń toō tə́ i nge ń noō alé. Ni əndā dɔ rɔ̄n danaá kɔ̄ɔ́ yā kadə̄ Absalom ndi sa̰y rɔ̄n tə́ alé.

TA KƏLA 3:19

Ā ī-rāā kəla kə́ úy tətō tá ā ə́ngeń yá̰a̰ kəsa yāí, bátə́ kadə̄ ā ī-tél āwń gogə́ tū nán̄g ń ī-teē tū tə́ ní tə́. Tɔdɔ̄ rāāīn̄ i kə nángāá, adə̄ ā ī-tél kə̄ gogə́ gíŕ nángāá.

HEBƏRO 9:27

Ba tītə̄ ń əndān̄ dɔ deē ndul gə̄ tə́ kadə̄ oyn̄ nja kógə̄ḿ beē, ba gō tə́ anī Nə́ɓā gān̄g sarya dɔdə́ tə́ ní,

EJEKIEL 18:4

Tām̄ ndi kə kumuú yā de gə̄ kógə̄ḿ kógə̄ḿ i yá̰a̰ yāḿ mā. Ndi kə kumuú yā ngé kojə ngán gə̄ ō, yā ngán gə̄ ō, i yá̰a̰ yāḿ mā. I deē ń rāā majaĺ ní n sɔɔ̄ kadə̄ oy ní.

KOHELET 12:7

Loo ń noō tə́ ní dā̰ rɔ̄ deē téĺ nán̄g gogə́ tām̄ rāānən̄ i kə nángāá ō, koō deē tél kə̄ rɔ̄ Nə́ɓā tə́ gogə́, tām̄ i Nə́ɓā n i nge kəla koō kem deē tə́ ní ō.

KOHELET 12:5

Loo ń noō tə́ ní, róbə́ kə́ əta tan kə̄ dɔɔ́ rāā adə̄ deē ɓōĺ ō, deē ɓōĺ njə̄rā ō. Dɔ deē ndaa bum tītə̄ kāgə̄ kə́ hútə̄ beé ō, rɔ̄ deē ɔȳn tītə̄ gaẃ kə́ ḭḭ ba tél əsō nang tə́ beē ō. Ndi kə kumuú yā deē aw̄ kɔ̄ɔ́ tītə̄ kan̄ kāgə̄ kə́ ḭḭ dɔɔ́ əsō beé ō. A̰á̰ā̰, ndɔ̄ kógə̄ḿ tə́ anī, de gə̄ kógə̄ḿ kógə̄ḿ a aw̄n̄ kum kə́ ɓádá. Loo kə́ ɓádá i kújə yā de kə́ ta tɔ̄l̄ ta tə́. Dəyá̰ kə́ ngé nōō yo gə̄ i kum róbə kɔsɔɔ́ kɔ̄ɔ́ ɓá.

KOHELET 9:5

Tɔdɔ̄ de gə̄ ń ndin̄ kə kumdə́ ní nin̄ gerə̄n̄ kadə̄ a oyn̄. Banī de kə́ koy kɔ̄ɔ́ gə̄ ní gerə̄n̄ yá̰á̰ kógə̄ḿ alé. Deē a əndā njadə́ nin̄ to̰ alé, tām̄ dɔ deē ndígə̄naldə́ kɔ̄ɔ́.

PĀ GƏ̄ 90:10

J-asə ndi ɓāl̄ kutə sīrí. Ngé kə́ tɔ́gə́də́ i ngá̰ý gə̄ asən̄ ndi ɓāl̄ kutə sɔ́sɔ́. Banī yá̰á̰ ń j-ənge gírí ní i tápə̄ ō, kum tō ndoō ō. Gír ndi kə kumuú yājí gān̄g láẃ ngá̰ý ō, koōjí teē kɔ̄ɔ́ ō.

PĀ GƏ̄ 89:48

Deē ndul a ndi kə kumneé ɓāl̄ ngá̰ý aĺ ní ī-gír̄ dɔḿ tə́. Ī-gír̄ dɔ ndɔ̄ ndiḿ kə kumḿ kə́ i ngá̰ý aĺ tə́, ḭ̄ ə̄ndā deē i yā kadə̄ ta tɔ̄l̄ tan to rim a?

Makətūbə̄ yā Job 30:23

Mā m̄-ger̄ majə kadə̄ ī-tél ā āw̄ seḿ i kə̄ ɓē yā yo tə́. I loo kənge naā yā de gə̄ malang ń ndin̄ kə kumdə́ ní.

KOHELET 9:8

Ə́la kūbə̄ rɔ̄nel̄ rɔ̄í tə́ kə dɔ ndɔ̄ gə̄ ō, ādə̄ dɔí ndígə̄nal rāā yibə̄ dɔí tə́ aĺ ō!

NDŪ NAJƏ̄ 30:20

Ā ī-táŕ Kɔ́ɔ̄ɓē Nə́ɓā yāí ō, ōō tan ō, ī-tə́ya̰ gon tə́ ō. I beé n ā ī-ndiń kə kumií ɓāl̄ ngá̰ý dɔ nang ń Kɔ́ɔ̄ɓē ənī ndūn yā kadə̄ kaaí Abəraham ō, Isaak ō, Jakob ō tə́ ní.

TA KƏLA 5:4

Adam rāā ɓāl̄ ɓú sɔ́sɔ́ gō kojə Set tə́. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō.

TA KƏLA 5:6

Set rāā ɓāl̄ ɓú kə kalən kə́ mí anī, ojə Enos.

1 YÁ̰A̰ GƏ̄ 1:1

Adam i bɔbə̄ Set, Set i bɔbə̄ Enos,