TA KƏLA 5:1 - Bibəl ta Sar̄

¹ Rī de gə̄ kə́ gír kojə yā Adam tə́ n toó: Ndɔ̄ ń Nə́ɓā əndāń deē tə́ ní, ni-rāān adə̄ to tītə̄ Nə́ɓā.

Bible sar

¹ Rī de gə̄ kə́ gír kojə yā Adam tə́ n toó: Ndɔ̄ ń Nə́ɓā əndāń deē tə́ ní, ni-rāān adə̄ to tītə̄ Nə́ɓā.

TA KƏLA 5:1 Referans Kwoze

EPEJƏ 4:24

Úniī gō hál de kə́ kijə ń Nə́ɓā əndān kadə̄ teēn ní: I de kə́ gōtə́ ō, kə́ táĺ ō, kə́ kə ta kūl̄ najə̄ kə́ rɔ̄kum.

KOLOSƏ 3:10

Banī úniī háĺ kə́ kijə ə́laī rɔ̄sí tə́ tītə̄ kūbə̄ beé yā kadə̄ ī-gerīneé yá̰á̰ kə́ kijə kə dɔ ndɔ̄ gə̄, kadə̄ ni-toń tītə̄ nge kəndān beé.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

KOHELET 7:29

Banī yá̰á̰ ń m-ə́ngé ní á̰a̰ā̰ a? Nə́ɓā rāā de gə̄ adə̄ ran̄ súmūú, banī nin̄ tə́lan̄ yá̰a̰ naā tə́ adə̄ al̄ naā ngá̰ý.

HEBƏRO 12:9

Ī-gírī dɔ bɔbə̄jí kə́ dɔ nang tə́ laā gə̄ tə́. Əndan̄jí yā tūrəńjí, anī jə-ɓōlíī ndíĺdə́. Majə kadə̄ j-əlaī dɔjí gíŕ tɔ́gə Bɔbə̄jí kə́ dɔ rā̰ tə́ kadə̄ tɔȳ yādə́, yā kadə̄ jə-ndiīń kə kumjí aĺ a?

2 KORḚNTƏ 3:18

Ba jḭḭ̄ malang ń unən̄ kūbə̄ kə́ seĺ ta kumjí tə́ kɔ̄ɔ́ ní, j-ɔjiī kɔsə gɔn yā Kɔ́ɔ̄ɓē kə̄ ndágá. I beé n tūrə̄n̄neéjí kadə̄ jə-toī tītə̄ Kɔ́ɔ̄ɓē ō, j-ḭḭ̄neé tū kɔsə gɔn kógə̄ḿ tə́ ba j-awīneé tū kɔsə gɔn kə́ rang kə́ bo tɔȳ nge kə́ kété tə́ ō ní. Tɔdɔ̄ kəla ń Ndíĺ Kɔ́ɔ̄ɓē rāā ní n noó.

1 KORḚNTƏ 11:7

Ba yā dəngam ní, majə kadə̄ ni-seĺ kūbə̄ dɔn tə́ alé. Tām̄ ni-teē Nə́ɓā ō, ni i yá̰á̰ kə́ ɔsə gɔn Nə́ɓā ō. Ba dəyá̰ i yá̰á̰ kə́ ɔsə gɔn dəngam.

MATIYE 1:1

Makətūbə̄ gír kaa Jeju Kərist n toó: Ni i ngōn̄ kaa Dabid kə́ ngōn̄ kaa Abəraham.

KOHELET 12:1

Dan ń ī-na̰y ngōn̄ ɓáý ní, ādə̄ əga kemií dɔ nge kəndāí tə́. Ādə̄ əga kemií dɔn tə́ kété pá tá kadə̄ ndɔ̄ kə́ majaĺ gə̄ reē ugə̄n̄ ɓáý, pá tá kadə̄ kum mbang ń ā ə́dań najə̄ń toō ní reē ugə̄ ɓáý, ā ə́da na: Ngur ndi kə kumḿ rāām̄ to̰ alé.

1 YÁ̰A̰ GƏ̄ 1:1

Adam i bɔbə̄ Set, Set i bɔbə̄ Enos,

TA KƏLA 10:1

Ngán Noe gə̄ ń i Sem ō, Kam ō, Japet ō ní ojən̄ naā gō man̄ kaw̄ tə́. Gír kojə yādə́ n toó:

TA KƏLA 2:4

Adə̄ Nə́ɓā rāā dɔ rā̰ ō, dɔ nang ō i tītə̄ ń noō.

TA KƏLA 6:9

Gotə najə̄ yā Noe n toó: Noe i de kə́ súmūú ō, najə̄ gətóo dɔn tə́ dan de kə́ ɓāl̄ yān tə́ gə̄ tə́ ō. Ni njə̄rā kə Nə́ɓāá.